رواية:- تعب السنين
بقلمي:- هديل احمدحَبيتَك شجاني و ما حَسبت حسّاب ؟
خَيعونَك عَليَّ مو آنه خَيعوني
مَتحبني و أحبَّك
و المُصَيبة النوب أريدَك
و أنهزم مِن الـ يَريدوني .
_______اعتلت اصوات الهلاهل واندمجت كلمه"الف مبروك" رفعت راسي شفت امي دمعها بعينها ونسوان عمامي يهمسن الها ويطبطبن ع ضهرها ، صديقاتي وخواتي الي وكفن وياي فرحانات ع فرحي ، شهد وامها ومرت عمها فرحانات اضعاف فرحنه ، وانا صافنه انهزيت من ضهري باوعت شفت شهد...
شهد:- ابويه وابوج يصيحوج
غنى:- تريديني اطب جوه وبنص هالزلم؟
شهد:- اكيد لا واكفين بالكراج ينتضروج عدهم حجي وياج
رجف كلبي هزيت راسي وطلعت شفت ابوي وابو منتظر يسولفون شافوني سكتو...
غنى:- السلام عليكم
ردو:- عليكم السلام...
ابو منتظر:- اشلونج بابا غنى انشالله زينه
غنى:- الحمدالله عمي
ابو منتظر:- راح احجي وياج كلمتين لا اكثر واريدج تسمعيني لـ الاخير
غنى:- اسمعك عمو تفضل
ابو مُنتظر:- اني ما امدح ابني ولا اسوي نبي كدامكم بس ضروري حيل تعرفينو وطلبت من الوالد الكريم انو تحجون على انفراد وتتعرفون على بعض اكثر
غنى:- طبعا اذا ابويه ماعنده اعتراض انا حاضره
ابو حسين:- لا بويه انتي صرتي بذمته بعد تكدرين تروحين تتعرفين عليه
غنى:- بس بابا وين اروح والوادم بكُل مُكان؟
ابو حسين:- روحو لـ الاستقبال الثاني واحجو ع انفراد
هزيت راسي طبيت لـ الاستقبال افرك ايدي شوي وطب منتظر باوعتله ونزلت راسي ، اتقدم وكف كبالي ورفع راسي بيده...
مُنتظر:- سويت الي محد يكدر يسوي يا غنى كُلو لخاطر احبچ وياريت تقدرين حُبي
غنى:- الي سويته فرحني ورفع مقامك بكلبي وكدرت اثق بيك من بعد الي سويته لَكن الحُب مايجي من اول كلام ولا شي ياريت تفهمني
مُنتظر:- اني وياج بهذا كلامج لَكن بنفس الوكت اريد شعور متبادل قبل مانتزوج حتى لايصير علاقتنه بارده
كعد وعاف رجل ع جل وكمل كلامه:- اني حاليا ما اجبرج انو تحبيني بالعكس رايدج تحبيني بنفسج وتعترفيلي بنفسج مثل ما اني سويت لاتشكين ولا تتخيلين بيوم اجبرج ع شي ماتريدي وكذالك انتي ماتسوين شي الا واني حاضر او تاخذين شوري
ضليت واكفه واسمع الكلام واحفضه بكلبي، كلتله:- وهالشي كلش حلو خليك هيج ولاتتغير
مُنتظر:- اني عصبي بس مو دائما لا بالسنه مره تلكيني عصبي ، البرود الي عندي تشوفينو وكت عنادج ونكدج وتكسرين كلامي ، الرومانسيه بكل وكت بحيث تملين ، انتبهي يا غنى لاتختبرين غيرتي عبن اجرحج وداعت هالعيون الخذت كلبي ، قابله بيه بكل جوارحي؟
![](https://img.wattpad.com/cover/312430900-288-k172280.jpg)