Tajanae pov:
Few weeks later..........
Mi see di sunlight a peep inna di room. Dat a sumn mi hate....like....let me rest in peace.
Anyways mi get up, as mi do dat mi run go inna di bathroom n start vomit . Mi feel sick asf.
Afta mi done vomit mi get up n brush mi teeth n wash mi face
Mi decide fi go bathe n lydn back caz mi nuh really waa nun fi eat right now.
Mi ring Josiah phone.
“Babe!!”
“Yes a wahm” him ask
“Weh yuh mean by a wahm not even a good morning mi nuh get” mi a get irritated.
“Good morning hun” him seh
Mi smile
“Good morning.....mi feel sick”
“What kind of sick” him ask
“Mi stomach feel upset n a hurt.....mi vomit as mi wake”
“Ohh hush b probably a sumn yuh eat” him seh
“Yeah probably ”
We talk more n den end di call mi go out inna di living room n decide fi watch tv.
Mammy come out afta dat n start cook stew peas n white rice mi did kinda hungry right now suh mi sidung n gwaan wait.
“Morning mammy”
“Morning how uh look suh?” she ask
“How mi look?”
“Uh look sick” she tell mi
“Mi feel sick to...mi wake up n a vomit”
“Probably a sumn upset uh stomach but mek we watch it n see...btw uh tell Jay?” she ask
“Yes him seh di same ting”
“Ohh ok if uh feel any worst mek mi know” she tell mi.
Mi wait fi couple more minutes den eh food done cook.
Mi share out mi own food n eat. Wen mi done mi belly still nuh feel full. Mi go share out a next plate fi eat.
“Nosah ur belly naave nuh bottom” mammy ask.
“Yeah but mi did waa one more plate fi it full”
“Mind yaa eat fi two enuh caz mi nuh see weh dat food go” she seh look a look pan mi wid eh be careful face.
“No mammy mi jus extra hungry today”
“Anything yuh seh” she seh n get go inna har room.
Wen mi finish eat mi wash out di plate n turn it down.
Mi belly did full plus mi get sleepy which is unusual caz once mi wake mi naa go sleep till night.
Mi go lydn, put on a show n watch till mi fall asleep.
Later that day............
Mi wake up n still feel sick. Mi lonely m waa talk to Josiah. Mi tek up mi phone n ring him ,him ansa pan eh first ring.
“Babe”
“Yes” him ansa
“Weh yaa do?”
“Mi a dealid sumn a di warehouse” him seh
“Mi waa see yuh” mi seh pouting
“Mi busy right now probably lata” him seh
Dat jus trigger sumn inna mi n mi start bawl.
YOU ARE READING
Flash Rebound
Teen FictionAfter an heartfelt betrayal by her bestie and boyfriend, Tajanae Wilson was stranded on the street, saved by a stranger who in no time became more than a stranger. Moving too fast time catches up and everything fell apart. Written in Patios🇯🇲2022
