بارت 46

32.7K 1.5K 263
                                    

السلام عليكم
.................

#بقلم _الكاتبة _ناز

فيروز : نزلت وجاان انركع بشخص ركعة قوية وكعت بلكاع رفعت راسي شفتة محمد شايل بأيدة نركيلة كتلة شبيك متشوف كسرتني تكسر

محمد : يابة اني شمدريني بيج راح تنزلين

فيروز : شنو شمدريك ليش ماعندك عيون تشوف بيهن

محمد : بلة عندي

فيروز : ايي عندك بس ممستفاد منهن شي

حجة بعصبية وكال

محمد : ايي يلااا كاافييي بلاا لغوة زايدة

فيروز : وانتة شبيك تصيح هاي فوك ما كسرتني تعيط علية

محمد : كافيي كنالج مندريي شبيج خبصتي الدنيا

فيروز : وانتة شبيك تصيح

محمد : بكيفي اصيح ما اصيح شي ميخصج

فيروز : جلبت بلمحجر مال درج وكمت بلكوة احس ضهري نكسر وهوة صافن ويباوع حتة ما كلف نفسة يساعدني ويكومني يعني فوك ما وكعني وهوة يصيح ويعيط علية

مشيت من يمة وهوة خلة النركيلة بلكاع مدري شديسوي بيهة وكلت بصوت ناصي

عشتو فوك شينة كوات عينة

هوة بسرعة التفت علية وكام يمشي باتجاهي ولزمني من ايدي وكال شنوو شكلتيي ماسمعتج زين

كمت امتمت بلكلام وكلت

فيروز : هاا لاا مكلت شي

محمد : بس اني سمعتج حجيتي شي

فيروز : اذا سمعتني علة شنو تسئل لعد

ضغط علة ايدي حيل وكال

محمد : جاوبي علة سؤالي بدون لف ودوران

فيروز : اوويي محمد شبيك ايدي وبعدين حلكي لو حلكك شريد احجي احجي انتة ميخصك فتهمت لو لاا

محمد : لاا والله ما فهمت ياريت اتكلفين نفسج وتفهميني

عكدت حواجبي وكلت

فيروز : اول شي وخر ايدك وثاني شي كلشي ما احجي

محمد : واذا ما وخرهة شسوين

فيروز : كلشي اكدر اسوي

محمد : ايي شوفينة شي من الكلشي

هوة كال هيج اني ابتسمت بخبث وجلت بأيدة الي لازم بيهة ايدي ونزلت راسي وجان اعضة عضة قوية بحيث اسنوني انطبعت بايدة هد ايدي واني ابتعدت منة وهوة ضل صافنة علة ايدة ولازمهة

عكد حواجبة حجة بعصبية وكال

محمد : هااي شسويتي طلعتي مستجلبة واحنة مندري

فيروز : والله انتة جبتهة النفسك وانتة كتلي شوفينة شي من الكلشي واني شوفتك

محمد : بس اني ما عبالي مستجلبة عبالي ادمية

احضان من جمرحيث تعيش القصص. اكتشف الآن