♕اللؤلؤة الضائعة♕
بقلم✓ لطيفة اليوسفي
☜14
وصل ليل كانت الدار عامرة ناس وريماس كالسة فالصالون مع لعيلات ولابسة خمار بيض وحاطة نقابها حداها وكالسة وحاطة راسها على كتف خالتها
ريماس.... خالتي
خديجة.... نعام احبيبتي
ريماس.... بغيت نطلع الفوق خليك مع الناس
خديجة.... الله ابنتي بقاي شوية غير تتعشاي
ريماس شافت فيها عنيها مدمعين.... مبغيتش اخالتي والله مقادة
خديجة.... اوا سيري احبيبة سيري ترتاحي
دارت اشارة لبنتها باش تمشي معاها وناضت ريماس دارت نقابها وزادت خرجات كتشوف فالدار عامرة ولكن كتحس براسها انها وحيدة بزاااف
طلعات الفوق ومعاها بنت خالتها كبيرة ومزوجة
دخلات للبيت بدلات عليها لبسات بجامتها وتخشات ففراشها حتى جات بنت خالتها طلسات حداها
نوال..... حبيبة ديالي نعسي. راه هادي. هي سنة الحياة
ريماس غمضات عنيها كتحس برحها كتزهق بين يديها بشوية مجوباتهاش وبقات عايشة مع الحزن لي كتحس بيه فالداخل ديالها بوحدها
نوال طولات فيها الشوفة وناضت باستها على جبهتها وغطاتها وخرجات طفات الضوء وسدات موراها الباب
»»» لتحت
كانو ناس بداو كيمشيو مالي تعشاو وبقات غير العائلة المقربة
بغداد شاف فخديجة.... اوا الالة خاديحة منوياش تمشي دبا ولا تباتي
خديجة شافت فيه.... اش هاد الهدرة راه خاصني نبقة مع بنت ختي ونونسها
بغداد.... مبغات بو وناسا راه عمها معاها ومنهنا الفوق راه غادي نديرها بنتي ونربيها من بنتي نجلاء
خديجة... نفهم بهاد الهدرة كتجري علليا لي مدرها المرحوم خوك ولو مرة وحدة
بغداد.... دبا انا لي هنا ماشي المرحوم
تفاعلكم كيزيد احمسنيي دامشي علاش بغيت تفاعل اكثر باش نعطي كاع ليي فجهدي
أنت تقرأ
اللؤلؤة الضائعة
Mystery / Thrillerمن وراء النقاب تستطيعى أن تذكرى ربك من وراء النقاب تستطيعى أن تراجعى ما حفظتى من القرآن من وراء النقاب تستطيعى أن تبتسمى عندما ترين شئ يفرحك ... من وراء النقاب تستطيعى أن تنظرى إلى العالم و العالم لا يستطيع أن ينظر إليك من وراء النقاب لا أحد يمكنه ا...
