♕اللؤلؤة الضائعة♕
بقلم✓لطيفة اليوسفي
☜92
خرج من لكلنيك مخلينهم موراهم وبغداد داخل وكيسب فريماس اما نوفيسة غادة وكتبكي على بنتها كاع مداتها فبغداد لي كيسب موراها
»»» خرجو من سبيطار وريماس شادة فيد امجاد وكتبكي بصمت حتى دخلو للطو طلع الزاج ومد يدو حيد ليها النقاب كيشوف فيها لقا وجها حمار من كترت دموع وزيد عليها بلاصة الضربة فيه صبعان بغداد مصورين تنهد ومسح ليها دموعها
امجاد.... سمحي ليا انا لي جبتك لهنا انا سباب
ريماس كتبكي وهي تعنقو وتخشات فصدرو كتبكي بصمت تنهد وهو بقا معنقها حتى نطقات
ريماس..... شنو درت انا شنو درت ليه علاش كيكرهني لهاد الدرجة ا امجاد وا انا ماشي بنت خوه واش انازماشي من دمو غيرىقول ليا علاش كيكرهنا لهاد الدرجة وحاقد علينا اما دوك لفلوس اربح بيهم مبغيتهمش
امجاد تنهد.... غادي نرفع دعوة فلمحكمة
ريماس شافت فيه.... انا دعوة
امجاد.... دعوة بالي خدينا ليك املاكك
ريماس..... ونت
امجاد.... حتى انا نتعاقب حتى انا كونت معاهم
ريماس بقات كتشوف فيه
امجاد..... سكتي ياله تمشي ترتاحي
ريماس رجعات كلسات بلاصتها وهو ديمارة لوطو وكيشوف فطريق وكيفكر اش ادير وهي كتفكر فنفس المضوع واش ناوي ارفع دعوة على راسو اش كيقول هادة
ريماس.... كي غادي دير ترفع دعوة على راسك في المحكمة
امجاد.... ماشي انا لي غادي نرفعها نتي لي غادي ترفي دعوة علينا انا وعائلتي بالي دينا ليك حقك وانا لي غادي نقاد. ليك كولشي غير كوني هانيا
ريماس بفات ساهية غير كتشوف حتى زصلو لدار هبطات من اللوطو ودخلات مشافتش جيهتو وهي عقلها غايب عليها مشات دريكت لبيتهم حيدات عليها دوك لحوايج بقات غير بسوفيطمة وشورط وطلقات شعرها مع لكريشة لي باينة جات كيوت
ومشات جيهت لبلكار كيتجبد لحوايج باش تدخل دوش وهي تشوفو داخل
ريماس طلعات فيه وهبطات وتنهدات ورجعات كتكمل ششغالها
اما هو هيد الفوقاني لي كان لابس وبقا غير بشورط وصدرو عريان وخرج للبلكون من بعد ما دوز مكالمة
دخلات للحمام خدات دوش حيدات عليها لعرق وخرجات لاوية عليها فوطة وهي دوز حدا باب البالكون. وهي. تسمعو مزال كيهدر فالتليفون
امجاد....المهم نت عارف بالي انا رضيت ليها الاملاك لي كانو عندي ديالها رجعتهم ليها وخا هي معارفة والو ولكن شوف رفع دعوة علينا حنا انا وبابا ومهدي وماما اما نجلاء راه ماتت بالي خدينا ليها املاكها. وهي حرة دير بيهم لي بغات نت غير دير لي فجهدك باش ارجعهم ليها
المحامي.... ولكن نت عارف بالي غادي تدخل لحبس حتى نت
امجاد.... اه نستاهلها حيت حتى انا عندي يد فهادشي
المحامي.... للاسف نت لي غادي تاخد اكبر عقوبة حيت نت لي تزوجتي بيها ونت لي درتي ديك الورقة ديال الورث بين وراق زواج لي تزوجتي بيها
امجاد..... صافي قولت ليك دير داكشي لي قولت ليك
المحامي..... فكر مزيان راه على الاقل هاد العقوبة غادي توصل حتى ل 10 سنين ديال السجن
امجاد.... وصافي
المحامي... احم اوك وخا غدا توصلكم الدعوة
امجاد..... وخا
قطع معاه ودور راسو ادخل لداخل وهو اقاها واقفة وكتشوف فيه
امجاد شاف فيها غير بفوطة وقفة فباب البالكون
امجاد... ريماس اش كديري هنا غادي اضربك البرد
ريماس طلعات فيه وهبطات وعطاتو بضهر ودخلات لداخل هدرتهم كتتعاود ليها فودنيها وغير ساكتة اما هو دخل خدا دوش عاد خرج لاوي عليه فوطة لبس عليه شورط وتيشورت ومشا تخشة حداها كالسة وساهية وفلاصة وحدة قرب ليها وحط يدو على كريشتها وكيدوز عليها يدو
ريماس شافت فيه.... واش كتودعو
امجاد شاف فيها..... كفاش
ريماس..... شوف نت شنو باغي دير
امجاد رفع راسو فيها حيت كانت ناعسة على ضهرها وكتشوف فيه.... مفهمتش
ريماس.... لا انا لي مفهمتش كفاش 10 سنين ديال لحبس
امجاد.....ناخد عقوبتي
ريماس ناضت كلسات..... فخبارك راه لحبس خايب ا امجاد اش كدير واش باغي تلوح راسك لجهنام
امجاد شد يديها وباسها..... المهم نرجع ليك حقك
ريماس..... انا مابغيتهم مبغيتهم الى كونتي غادي تدخل لحبس باش ارجعو ليا
امجاد شاف فيها مصدوم..... وانا حاس براسي معايشش مزيان وانا سباب
ريماس عنثاتو وبقات كتبكي..... واش عارف راسك اش كدير ا امجاد راه قريب اكون عندك ولد ومتنساش ولد ختك لي وصاتك عليه
امجاد معنقها..... نتوما غادي تبقاو هنا حتى نخرج من لحبس ونرجع ليكم
ريماس شافت فيه..... راه ولدك غادي اكون عندو 10 سنين فاش تخرج واش باغي تحرمو منك طفولتو كاملة يعيش بلا باه ا امجاد
امجاد.... نتي كاينة غادي تكوني ليه اب وام
ريماس عنقاتو.... عافك ا امجاد مديرش هكا
امجاد بعدها عليه وشاد وجها بين يديه وكيشوف فيها...... انا هكا غادي. نكون مرتاح منقدرش نعيش مع تأنيب الضمير اريماس
ريماس بقات غير كتشوف وهو تكة وجرها عندو متكيها وهي غير ساكتة وفكرة تديها وفكرة تديها
»»» شنو غادي اوقع فنضركم
أنت تقرأ
اللؤلؤة الضائعة
Mystery / Thrillerمن وراء النقاب تستطيعى أن تذكرى ربك من وراء النقاب تستطيعى أن تراجعى ما حفظتى من القرآن من وراء النقاب تستطيعى أن تبتسمى عندما ترين شئ يفرحك ... من وراء النقاب تستطيعى أن تنظرى إلى العالم و العالم لا يستطيع أن ينظر إليك من وراء النقاب لا أحد يمكنه ا...
