♕اللؤلؤة الضائعة♕
بقلم✓لطيفة اليوسفي
☜44
رفعات راسها عنيها عامرين دموع من حر تصريفيقة لي جاتها على خدها
شافت فيها لقاتها نوفيسة لي مسرفقاها
نوفيسة هازا فيها صبعها.... متعوديش تغوتي عليا
ريماس سكتات ملقات متقول من غير شهقاتها لي كيشهقو وحدة تلوة الاخرة
نوفيسة..... ياله زيدي عونيه ابدل
ريماس هزات فيها راسها..... سلخني عصا ومنعاونوش هو ماشي من محاريمي باش نقيص فيه انا سمعتي
قالت هاد الهدرة ودارت غادية خارجة وهي تحس بشي جرة جرتها من شعرها حتى كان خمارها غادي اطيح ليها على وجها وهي ترجع بلور شادة فيديها.... قولت ليك متغوتيش عليا انا نربيك ابنت لحرام
ريماس كتغوت... اييي امي اهئ اهئ طلقي مني راه مغاديش نبدل ليك وديري لي بغتي
نوفيسة جنو جنونها.... ياك ابنت لحرام ياك طلعتي عنيدة كي مك انا نوريك
مدات يديها تحيد ليعا نقابها وهي تشدها ريماس فيديها وخنزرات فيها.... بعدي مني خلني نحتارمك اخالتي
نوفيسة كتنتر منها وهو ادخل بغداد فاش سمع لغوات... اش واقع هنا
غير شاف المنضر وهو امشي كيجري عنهم كيفك نتر نوفيسو من ريماس لي مخنزرة وغوت.... ريماس تعدتي حدودك هادي راه معكوزتك ماشي صاحبتك
ريماس شافت فيه.... قول ليها تعاون ولدها الى بغات تعاونو انا منقيصوش وخا تقطعو ليا يديا بجوج
نوفيسة.... سكتي اقليلت لحية
ريماس شافت فيها وزادت
نوفيسة غوتات... خرجي من داري اقليلت لحية خورجي
ريماس شافت فيها وقالت.... دار راجلي اخالتي ماشي غير دارك فيها حقي وحق راجلي وانا راجلي فين ما هو نمشي معاه
نوفسية مغددة عليها وهيكتنتر منو.... ندمك ندمك اريماس هانتي بين عنيا
»»» ريماس لي غير دخلات لبيتها وهي تطلق لعنان لدموعها وحيدات داك الخمار لي كانت لابسة وبقات غير بسورفيط وكلون وقربات لمرية كتشوف فوجها لقاتو حمر بتصرفيق وزيد عليها تصرفيقة ديال صباح بدات كتزراق ليها فحنكها تنهدات وطلقات شعرها وزادت لدوش غسلات وجها وخرجات مشات جمعات شعرها وزادت تخشات في بلاصتها
مكمشة وعضامها واكلين الدق
»»»وصل ليل كان غادي لدار من بعد. ما طمأن على جدو بالي الحالة ديالو مستقرة شوية وخلاه فسبيطار وزاد لدار تحت اصرار جدو امشي لمراتو (بحكم الحاج معارفش مرضو ومزال مقالهاش ليه امجاد)
وصل لدار وزاد داخل وفبالو غير جدو تنهد ودخل لبيتو كيجر فرجليها حتى وصل ليه لقا كولشي ناعس فتح الباب لقا الباب مسورت من برا تنهد وحط راسو على الباب عيان وهو ادق دقات خفاف وبقا حاط راسو على الباب مهدود حتى سمع بخطوات جاين جيهت الباب
ريماس.... شكون
امجاد بهمس صوتو تبح.... انا
ريماس غير سمعاتو هو وهي تحل لباب دغيا تحلات الباب
غير حلات الباب وهو اطلع عينو فيها لقاها لابسة غير حوايج نعاس بقا كيشوف فيها شحال مطلعها من رجليه حتى وصل لوجها وهو افيكسي عنيه عليها مخنزر وعاقد غوباشتو
امجاد.... ريماس
YOU ARE READING
اللؤلؤة الضائعة
Mystery / Thrillerمن وراء النقاب تستطيعى أن تذكرى ربك من وراء النقاب تستطيعى أن تراجعى ما حفظتى من القرآن من وراء النقاب تستطيعى أن تبتسمى عندما ترين شئ يفرحك ... من وراء النقاب تستطيعى أن تنظرى إلى العالم و العالم لا يستطيع أن ينظر إليك من وراء النقاب لا أحد يمكنه ا...
