صباح الخميس في السودان..
عد اسبوع والليلة الخميس باقي على العرس أسبوع،، طل ح تجي الأحد ونحن جهزنا اي شي الحمد لله م باقي حجات كتيرة الا ياهو التجهيزات البتكون أيام العرس ،، إياد جاب لي كل ملابسو اللي ح يلبسها ف العرس كويتها ليهو ورتبها ف ضلفة من حقاتي على أساس كل يوم اديهو غيار،، رئال جاب لي جلابية العقد والجرتق خليتهم معاي حتى عشوش رتبت كل ملابسها ال حتلبسهم بس باقي مشكاة وغصون واخواتي الاتنين واسينات حتى انا م عارفة ح البس شنو لأنو الشنط م عارفة رئبال وداهم وين وضروري الليلة اجيب كل الحجات دي وملابس سلوان حقات النوم علشان الليلة ح ابيت معاها واكوي ليها لانو م ح القى طريقة الاسبوع الجاي اتصلت على رئبال اسألوا قال لي استلمهم منو ايمن قفلت منو اتصلت على سراج قال لي هو ف المستشفى الشنط وداها ف شقتو بس ف واحدة خلاها ف غرفتو الفي بيتهم قفلت منو لانو كان جايط وداخل عملية واحترت اعمل شنو بتكون ياتو شنطة واصلا م عارفة هو بتكلم عن ياتو شقة بس قلت ح امشي اشوف الفي بيتهم دي ان شاء الله تكون الفيها الهدايا الجبتها..
اصلاً هم اربعة شنط واحدة عبارة عن هدايا والتانية ملابسنا انا وسراج الجديدة الاخدناها هناك والتالتة ياها السافرنا بيها من هنا بي ملابسنا القديمة والرابعة جابوها لي ناس شهد وواحدة كدا صغيرة جابها لي عامر بس م عارفة الفيها شنو لسة..
اتوكلت على ربنا اتصلت على مؤيد قال لي طلعت من بيتنا يداب قلت ليهو ارجع غرفة سراج في شنطة جيبها لي بعد نبذني وقال لي انا م سواقك حتى رجع جابها لي😹
والغريبة جا شايل معاهو كيس تاني قلت ليهو البشوفك جايب لي هدية م يسمعك بتنبذني قبل شوية م رد لي قال لي مستعجل ماشي المستشفى برد ليك بعد اجي لاحق العملية مع سراج قلت ليهو يحليلك سراج دخل قبيل قال لي ب سببك دخل لي الشنطة جوا البيت وطلع..
الكيس فيهو شوكلتش وملابس بيبي ولد لبسات حلوات شديد معاهم جزمة صغنونة وحلاتي والله🖤🖤
الهدايا حقت البيبي الجاتني كفيلة إنها تخليني مبسوطة ومتحمسة اعرف الجاييني ولد ولا بنت
فتحت الشنطة طلعت ملابس مشكاة وغصون وعشوش وإياد اديتهم ليهم وحقات اخواني خليتهم ف الشنطة مع ملابس طل وشلت حقات سلوان ف كيس معاهم عباية اشتريتها بس م حصل لبستها ومشيت ليها..
- خالتو فوزية كيفك وكيف مع تجهيزات وتعب العرس؟
* كويسة والله يا بتي انتو التعب عندكم مضاعف بالذات انتي مع الحمل دا
- والله يا خالتو اسكتي بس الايام دي عندي وجع ظهر مبالغ فيه م عارفة من شنو
* قعدتي كتير علشان كدا بس اعملي حسابك ما تحصل ليك حاجة انتي دخلتي ف الكم؟
- اسبوع وبخلص الرابع بس لسة الوحم م راح غلبني البعملو والعجب الطمام
* اي لمن تولدي مرات حتى الطمام يروح بس يا بتي كويس انك م ضعفتي زي وحم باقي النسوان مهتمة بي نفسك ما شاء الله
