انتبهت للانسان الضخم الكان قدامي بعاين لي لمن قال لي انا ابوك بقيت بعاين ليهو بتفحص شعرو من البداية اشيب والباقي بني حواجبو غزيرة ورموشو كثيفة عندو نخلة ف رقبتو لونو قمحي فيهوو شبه كبير من امي يعني حتى انا بشبهو ف اللون ولون الشعر والرموش بس شايلة باقي ملامحي كلها من امي 🖤
المدة طالت والحال م اتغير لسة واقفة وحاضنة ثوب امي بعاين ليهو وساكتة وهو نفس الشي كان بعاين لي بس عارفين ف الوقت دا كنت بفكر ف شنو ..!
ابوي منو هو انا عندي اب يعني وجاي لشنو بعد دا؟!
علشان يقول لي انا ابوك مثلا ؟!
يعني كان منتظر امي تموت علشان يجي يقول لي انا
ابوك طيب وانا اعمل بيها شنو الكلمة دي؟!
من زمان كان وين جاييني اسي داير يعمل لي شنو؟!
قطع تفكيري صوتو وهو بقول لي سمر سامعاني يا بتي قلت ليك انا ابوك ،، م قدرت انطق ولا حرف عاينت بإتجاه إياد وجريت حضنتو واتفقعت بالبكاء نزل على رجولو ودفن وشي بين ايدينو وقال لي هشش خلاص زحيت ايدينو وحضنتو قلت ليو وانا ببكي ما دايرة زول يكون ابوي غيرك مش قلت لي انك ابوي؟! انا م دايرة اب غيرك سامعني م دايرة اب غيرك قال لي هشش خلاص انا ابوك وهفضل طول حياتي ابوك بس اهدي قلت ليو طلعني من هنا انا مخنوقة قال لي طيب ارح ساقني وطلعنا ...
مختار••
صدمة 💔 ردة فعل بتي كانت بالنسبة لي صدمة م كنت متخيل أنها تصدني بالطريقة دي حتى م كلفت نفسها تعاين لي ف عيوني نظراتها كانت كلها خوف كنت فاكر انها ح تجي حضني وتقول لي اشتقت ليك خليك جمبي م تفوت تاني بس حصل العكس خلتني واقف ومشت لإنسان تاني وبقت تقول ليهو ابوي في اللحظة دي حسيت نفسي خسرت الدنيا كلها يمكن كلام امل صح انا مقصر كتير من حقها لكن بحاول اصلح غلطي قبل ارجع وان شاء الله اقدر 🌸
_____
تحت ضوء القمر المنعكس في مياه النيل كانت جالسة على الأرض الرملية وهي متكئة على احد اكتافه تنهمر دموعها بغزارة حاوطها بيده اخذت تتحدث بصوت ضعيف ...
* جاييني بعد شنو وبكل دم بارد بيقول لي انا ابوك منتظر مني شنو يعني أحضنو واقول ليو اشتقت ليك
- المفروض م تتعاملي معاهوو كدا حتى ولو ف النهاية دا ابوك
* ابوك ابوك ابوك ،، كرهتوني الاسم دا طيب لو ابوي بالجد لي م فكر يوم عشان يجينا انا وامي ،، لو ابوي بالجد لي م وقف معانا انا وامي في مرضها ،، لو ابوي بالجد م كان بتصل علي في السنة حسنة ،، لو ابوي بالجد م كان فضل مرتو على امي 💔
- منو القال ليك الكلام دا كيف يعني فضل مرتو عليكم انتو واحد بالنسبة ليهو
* إياد انا م شافعة زمان الكنتو غاشنها ب ابوك مسافر انا حاليا فاهمة اي شي وعارفة انو ابوي معرس مرة تانية وعندو اولاد وطول السنين دي هو معاهم م كان بفكر فينا اسي الجد شنو الشفقة علي قتلتو خلاص
- يمكن انتي فاهمة غلط م تتسبقي الاحداث
* لا انا فاهمة صاح وعارفة انو امي وابوي متخاصمين من قبل ولادتي لاني لاحظت لي حتة انو م حصل اتكلمت معاو وامي قبل تتوفى قالت لي م تقاطعي ابوك حتى لو عرفتي الحقيقة ف ح انتظر ايام العزاء تخلص وبسألها
