السلام عليكم
..................
نرجس : نزلت اركض واشوف العالم كلهة ملتمة بلمطبخ وام سجى كالبة الدنيا بلعياط والطموفتت للمطبخ وشفت سجى امددة بلكاع والدم تارس الكاع وعمة ميسون وماما يمهة اجة ياسر شالهة بسرعة وام سجى تركض وراهم وتعيط ملخت نفسهة
ام سجى : يمااااا بنيتي يماااا ماتت ابنيتي يبوووو علية
عمة ميسون : كولي يالله خيتي انشالله مابيهة شيي
اجتي مهاا تركض لبست خالتهة العباية وانطت عباتهة حتة ايلبسوهة السجى طلعت تركض واحنة نركض وراهة
ياسر : ولكك محمد افتحلي باب السيارة
محمد : ايي خوية جايك
فتحلة باب السيارة وصعد سجى والدم ينكط من ايدهة
وام سجى صعدت من ذاك الباب وخلت راس سجى بحضنهة وتبجي
صعد محمد يسوق وياسر بلصدر شخط السيارة بسرعة وطلع وفهد لحكهم بسيارتة وعمة ميسون هم راحت وياا
مرت ساعة واحنة لاخبر ولا شي متنة بدمنة خفنة لتموت لان منضر الدم الشفنا اني كلت هاهية خلص دمهة
شوية ورحنة كعدنة بلصالة ننتضر احد يطمنة ودك محمد علة مهاا
مها : هاا محمد شصار وياكم
محمد : مها ماكو شي لتخافون هسة هية كاعدة بس شاديلهة مغذي ننتضرة يخلص ونطلع
مها : وايدهة
محمد : خيطوهة اربع خياطات
مها : ياا خطية
محمد : يلاا اني رايح ليضل بالكم ماكو شي
مها : تمام تمام
سدت الخط واحنة كلنة داير مدايرهة ننتضرهة تحجي
سمر : احجي شكو
مها : يكول خيطو ايدهة وهسة هية كاعدة بس شاديلهة مغذي ينتضرونة يخلص ويطلعون
نرجس :خليت ايدي ع كلبي وكلت ايي الحمدلله
ع منضر الدم كلت متعدي سلامات
رقية : بنات هوة شنو السالفة لحد الان مامفتهمة هية انتحرت لو شنو
مها : والله علمي علمج احنة جنة كاعدي مندري كمنة ع العياط
نرجس : هسة يجون ونفتهم منهم بس عدت سلامات
مها : ايي والله
ضلينة ننتضر حوالي ساعتي وانفتح الباب كلنة طلعنة اباب المطبخ وانباوع طب محمد بسيارة اول شي وراا سيارة فهد نزل ياسر من السيارة وفتح الباب السجى ولزم ايدهة ونزلهة كوة تمشي مبينة دايخة لان خسرت دم هواي
نزلت ام سجى وشايلة علاكة العلاج والعباية مال سجى وعمة ميسون نزلت من سيارة فهد وهم اجتي تمشي وية ام سجى ولازم ايدهة مبينة تعبانة علة بنتهة طبوو كلهم وياسر كايد اختة كعدهة عل قنفة وهوة كعد بصفهة وخلة راسهة بحضنة مبين خايف عليهة حيل
YOU ARE READING
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
