همَس الرموش

الجزء السابع

الكاتبة ( نون النعيمي ) ✨!

من شفتك شفت روحي بلا مراية
ولگيتك تشبه البية
وحيد
وحزنك ولاية
من خوفي جزت الدنية لگيتك ضحكة وحچاية
ومن عيني اشتهت تبچي لگيتك للدمع آية
ولگيت البيك مثل البية
تالي الليل يندهني
كلشي البيك يشبهني

.................🤍................

دك المنبه كمت بس راسي يوجعني شلت التليفون حتى اشوف ساعبيش جانت ب ٩ وربع تقريباً

كمت حته اغسل بس راسي كلش يوجعني ماعرف شنو السالفه

طبيت غسلت وصحصحت شويه اليوم ماعندي محاضرات نزلت جوه طبيت للمطبخ اريد كوب چاي لكيت علبه مال اكل مكتوب بصفه بملاحضه ( اكلي مو متاكلين يجوز اتأخر اني حبيبج علي ) ابتسمت شكد احب هل انسان لو مو هوه موجود مچان اعرف شلون اكمل حياتي

سويتلي كوب چاي واخذت فوني وكعدت بره بالحديقه فتحت الفون وكعدت اكلب بصور البارحه جانت فعلاً حفله حلوه

جايتني رساله ع الواتس
فتحته چانت صوره الكلاده الي اني جنت لابسته
ومكتوب بيه

هاي كلاتج وكعت منج البارحه قابليني اليوم بكوفي ..... الساعه ب ٥ العصر حتى ارجعه الج

كلش استغربت لان رقمي محد يعرفه بس لين وعلي معقوله لين ناطيته الاحد كلش اتوترت من هذا الموضع احس اكو شي غريب

الكلاده هاي كلش عزيزه عليه قبل ميتوفه ابويه جابه الي ومن ذاك الوكت هيه بركبتي

مديت ايدي الركبتي جانت فعلاً ماكو
ضليت بحيره شنو اسوي
دكيت ع علي مشاله

ف كلت اكول الين تجي ويايه دكيت عليه مجاوبت دزيتله رساله
جانت ممتصله او ماعده نت

ف قررت اروح وحدي العصر

............

:- لكككك شلونننن طفرر من ايدكمممم انتوووو شنووو من فكاكه الخاطر محمد

:- سيديي والله مادريي كالو عساس بالفندق بس اجتك اوامر وبلغتنه بيه اتوقع حس انو احنه رايحيله

:- شلوووون حسسس اررد اعرررف شلونننن

احمد : إدريس ع كيفك اكيد اكو غلط همه شلون يبلغونه متأخر هوه من وره القياده

إدريس : ماعرفف شلوننن ماعررررف

احمد : اهدء بين متجي اوامر بعد

طلعو شكو شخص بالغرفه بقيت وحدي احس اعصابي تلفت من هل مهمه كعدت كبال السبلت وغمضت عيوني حتى اهدء

البارحه چان يوم حلو بس اتعقد

اذكر چان عندي فضول تجاه بنيه ف اني وداتقرب اله حتى اشوف شكله احس نفسي اعرفه مار عليه هيج شعر هيج طول

داتقرب وفجأة دك تليفوني وچان الامر مالتي كال المشتبه بي ب ...... انداريت ورحت ركض الاحمد كلتله يبلغ البقيه وطلعنه من الحفله