همَس الرموش

الجزء الثامن

الكاتبة ( نون النعيمي) ✨!

حنيت !
گمت اكتب شعر
ديوان كامل بس غزل
كملته وانطيته الشخص
لايكتب ولا يقره . .

.................🤍................

احمد : يمعود اجه اخوه ويكول محد يستجوب اختي

إدريس : شنووو صدك تحجي انتَ

احمد : ي والله يكول اكيد اكو غلط او متوهمين

إدريس : شنو متوهمين وين كاعدين هل ابن ..

احمد : تعال انتَ وشوف شسوي

إدريس : جايك مسافة الطريق والله اذا منعلت والديه اوكفلي

ركبت سيارتي وتوجهت للمستشفى
وصلت وتلكاني احمد بالباب طبينه سوه توجهنه لغرفة ربُى چان واكف يم الباب وصافن ع البنية

توجهت اله هوه من شافني اجه بتجاهي حچيت بعصبيه واني اقترب منه
:-شنو ادكول متوهمين شنو دنلعب لو جهال احنه

علي : بس اختي مستحيل تعرف شخص مجرم اصلاً متعرف ولد بحياته كله

إدريس : ههههه شنو هذا الشرف والعفاف تقنعني اختك ممسويه علاقه ويه مجرمنه

علي : احترمم نفسك ولتجاوز احسلك

إدريس : يمه خفت لحكيلي اوكف شسويلي اذا اجاوزت تضربني ابره

علي : ميفيد الحجي وياك اختي محد يستجوبه داكول

احمد : شنو محد يستجوبه استاذ دنكلك ويه مشتبه كاعده وهوه اصلاً اعترف عليه شدتمسلت انتَ

إدريس : ليش مطلعله التصوير حتى يشوف اخته العفيفه

علي : لتجاوززز لا اطيح حضكك شريفه واشرف من عشرة امثالك

إدريس : اووو

احمد : تفضل هذا التصوير

:- اباع عليه وجه صار اصفر وكام يبلع بريكه التصوير عباره عن المجرم وشلون مدمه واني واكف داستجوب بي يعني التصوير عباره عن استجواب وضرب
سألت المجرم شنو تصير من البنية كلي حبيبتي واخلص الفيديو

علي : مستحيل ربُى عده هيج شغله اعرفه كلش زين شنو هيه

إدريس : ها ستاذ صدكت هسه اختك الملاك

علي : تكعد ونفتهم من عده لان هوه مجرم اكيد الكذب لعبته اكيد حيتبله علية

إدريس : خوش ننتظر ست ربُى تستيقض من سباته

احمد : كافي إدريس شبيك

إدريس : خوش
بس ضليت افكر هوه فعلاً مجرم وممكن يتهمه بشي هيه ممسويته ف خل ماسرع حتى ما اظلمه وماعرف اني ع شنو ضايج لان هيج قضايه وتهم اني داخل بيه هواي بس ماعرف ليش هيج منفعل واني مسامع من الطرفين

مرت تقريباً اربع ساعات يله كعدت ربُى

الدكتور : المريضه كعدت بس لحد يطبله خل ترتاح شويه صايره عده صدمه كلش قويه