همَس الرموش

الجزء الحادي عشر

الكاتبة ( نون النعيمي ) ✨!

آنه تمَنيت لِيله ويّاك
بَس ليله و أخلِي إيدِي أعلّى وجهَك
و أغنيّلك يوجه الخير
آنه بليّاك چَني أذبَل ..

.................🤍................

توجهت للبيت بعد م وديت الاكل الـ ربُى وطلعت مناك
چنت حاير الشوكت اني راح اضم علية
اريد اكلله اني إدريس اني صديقج العفتي ورحتي بس عندي احساس هيه تعرف مادري ليش

جنت امشي بالسيارة ماعرف وين اروح قررت ادك علية واكلله اني جايج اريد اكلج شي لازم اكله وازيح هذا الهم من عندي

رديت رجعت البيته بس اني متوتر ماريد احجي بس اريد احجي ماريد اضم اريد اعاتبه رغم هيه مو مال عتاب هسه لازم اكون سند اله حالياً مبقاله احد غيري بس اريد اسولفله شكد أذتني بوقته

توجهت البيته تقريباً ضليت نص ساعه واكف بالباب متردد ادخل
عفت خوفي وقلقي كله وجمعت كل شجاعتي ونزلت من السيارة ودكيت الباب اول مره بحياتي اقلق او اتوتر من شي معين

فتحت الباب وعلامات التسائل واضحه ع وجهه
دخلت جوه

كلتله اجيبلي مي حلكي يابس
جابتلي وشربت وكعدت كبالي

ربُى : حسيته متوتر وميريد يحجي حسيته غريب واكو شي ضامه

إدريس : تعرفين منو وره قتل اخوج
ربُى : لا
إدريس : زين تعرفين اصدقاء اخوج
ربُى : لا ماعرف احد
إدريس : راح اسولفلج بس لتقاطعيني ابد
ربُى : ماشي

باعي اخوج چان عنده صديق صار عن طريق صدفه راح تسألين شلون عن طريق صدفه

اخوج چان يدرس طالب بالمدرسه خصوصي يمه
فـ متعرف ع شخص يشتغل بفرن صمون يصير صديق ابو الطفل الي يدرسه اخوج
مره رايح مشتري صمون من عدهم واخوج ضال مسولف ويه الولد فـ صايره صداقه بينهم
فـ اخوج احتاج فلوس ومداين من عد ابو الطفل ومن ابو الصمون الي صار صديقه ف ماره فتره طويله واخوج ممرجع الفلوس لان ماعنده
وچان ناوي يطلع للشمال بدون ميوفي الدين الـ عليه
هذول سامعين بالسالفه فـ منتظري اباب المدرسه
همه وجماعه وياهم من طالع علي من المدرسه
هاجمين عليه وماخذي وياهم المكان فارغ يصير
يم موقع بناء معذبي الولد من ضمنهم ابو الطفل
والقاتله صاحبه ابو الصمون يعني صديقه اللي كتله

چنت اباع ع ربُى مركزه بكل حرف يطلع مني بس دموعه اصب من عينه كلش انقهرت علية شنو ذنبه هيه خطيه شنو ذنب اللي راح اتعيشه

ربُى : شلون عرفت هاي التفاصيل كله

إدريس : اني استلمت القضيه

ربُى : شلون

إدريس : من انتِ دخلتي بغيبوبه بهل فتره قررت اني اخذ القضيه واشرف عليه الزم القاتل بيدي واني اوكف كباله من ينعدم مجنت اريد دم اخوج يروح ابلاش فـ بديت بالتحقيق بلشت بكامرات المراقبه مال منطقه لزمت اثنين من عدهم بالاول الي چانو مشاركين بتعذيبه وقتله اعترفو ع القاتل بعدين عرفت القاتل منو راقبناه فتره راقبت تحركاته وين يروح وين يجي انسان مدمن مخدرات مكضيه شرب وسربته وملاهي انسان فاشل الدرجه متتوقعيه
عذبته تعذيب محد يتصوره ورفعت القضيه للقاضي اسبوع الجاي محكمته راح ينحكم اعدام لو مؤبد وصديقه ابو الطفل مؤبد والبقيه اكثر شي ١٥ سنه