✍️ Unicode
" ဪ....... ကဲ..... တော်ပါပြီဆို…… "
ခေါက်ဆွဲကြော်တွေကိုငြိမ်းချမ်းပန်းကန်ထဲအတင်းထည့်ပေးနေတာမို့ ပါးစပ်ကတားလိုက်ရင်း လက်ကလည်းပန်းကန်ကိုနောက်ဆုတ်ယူလိုက်သည်။
ကျောက်တိုင်ကိုဈေးဝယ်သွားရာကနေအပြန်မှာ ခေါက်ဆွဲကြော်နှစ်ထုပ်ဝယ်လာခဲ့ပြီး တစ်ယောက်တစ်ပန်းကန်စားနေကြရာက မကုန်တော့လို့ဆိုပြီး ငြိမ်းချမ်းပန်းကန်ထဲကိုဘုဏ်းမိုရ်ကဇွတ်ထည့်ပေးနေခြင်းပင်ဖြစ်သည်။
တကယ်ကမကုန်တာမဟုတ်ဘဲ ငြိမ်းချမ်းခေါက်ဆွဲကြော်ကြိုက်မှန်းသိလို့ ဇွတ်အတင်းထည့်ပေးနေမှန်းငြိမ်းချမ်းသိပါသည်။ဒါပေမဲ့ နေ့လည်နတ်တက်ပွဲကအပြန်မုန့်တွေစားခဲ့တာကောမို့ ငြိမ်းချမ်းကတကယ်ကိုဝနေခဲ့တာဖြစ်သည်။
" တကယ်ဝတာမှဟုတ်ရဲ့လား… သုံးထုပ်ဝယ်ခဲ့ရင်လည်း ကိုချမ်းကငွေဖြုန်းတယ်ဆိုပြီးဆူနေမှာစိုးလို့…… "
ဘုဏ်းမိုရ်စကားအဆုံးမှာတော့ တက္ကသိုလ်အတူတူတက်ကြတုန်းက ပိုက်ဆံဖြုန်းတတ်တဲ့ဘုဏ်းမိုရ်ကို ခဏခဏပြောခဲ့ဆူခဲ့ရတာသတိရပြီး ငြိမ်းချမ်းပြုံးချင်သလိုဖြစ်သွားသည်။
" ငါတကယ်ဝတာပါ… နေ့လည်ကနတ်တက်ပွဲကို မမြတ်သူသူခေါ်လို့လိုက်သွားရသေးတယ်… အဲဒီတုန်းကမုန့်တွေစားခဲ့တာကောကြောင့်ပါ… "
" ဪ… ဒါဆိုလည်း ကျန်တာငါစားလိုက်ပြီ…… "
ဘုဏ်းမိုရ်ကပြောပြောဆိုဆိုရှေ့မှာရှိနေတဲ့ပန်းကန်ထဲကခေါက်ဆွဲတွေကိုအားရပါးရစားနေသည်။
" ငါ… ဆိုလာနဲ့ ဘက်ထရီအိုးကော… မီးသီးတွေကောဝယ်လာခဲ့တယ်…… "
" အမ်… ဘာလုပ်ဖို့လဲ… "
ခေါက်ဆွဲကြော်ကိုပလုတ်ပလောင်းစားရင်း ပြောနေတဲ့ဘုဏ်းမိုစကားကြောင့် ငြိမ်းချမ်းစားလက်စကိုခဏရပ်လိုက်မိသည်။
" မီးထွန်းမယ်လေ… "
" ဘာလုပ်မှာလဲ… မီးမရှိလဲ နေလို့ရတာပဲကို…… "
" ငါတို့နှစ်ယောက်ထဲအတွက်မီးထွန်းဖို့မဟုတ်ဘူး…… "
" ဒါဆို ဘယ်သူတွေအတွက်ကောလဲ…… "
![](https://img.wattpad.com/cover/319189935-288-k76223.jpg)
ESTÁS LEYENDO
💕 ချစ်သောအမောင်
Romanceနဖူးစာမှန်ပြီဆိုရင် သိကြားမင်းဆင်းခွဲတောင် မကွဲတော့ဘူးတဲ့ ❤️❤️ yawthawemaung နဖူးစာမွန္ၿပီဆိုရင္ သိၾကားမင္းဆင္းခြဲေတာင္ မကြဲေတာ့ဘူးတဲ့ ❤️❤️