2 Weeks Later
Tajanae pov
“B why uh tek suh long fi get ready” Josiah ask.
“B mi jus a fix mi edges n come”
Mi edges affi fly worse mi a fly out.
Lmaooo
Mi fix mi edges n we lef out.
Now did a after 4 inna eh morning n we have 6:00 flight.
Mammy did a come wid we to di airport.
1 Hour Later
We finally reach Norman Manley.
Eh driver carry we luggage go inside. Josiah did a use a wheelchair.
We go inside and a time fi seh our goodbyes.
“Well dis is it Taja tek care a uhself, Josiah and most importantly mi grandchild. Mi ago miss uh but mi must see uh soon caz mi affi come check up pan uh physically. I love you my child ” mammy seh giving me a hug.
“I love you too mammy”
Mi a try mi best nuh get all emotional.
She let go and den give Josiah a hug.
“Take care a mi pickney enuh” she seh
“My main duty dat mn” Josiah seh
“Time fi go now Taja” Josiah seh
“Bye bye” mammy seh while going back to the car .
Mi walk behind Josiah and the man who a carry we luggage.
Mi realize seh we walk past everybody and a go a waa next part.
“Den we nuffi go get we things check?” mi ask out of curiosity
“Not when your with me, we're flying private” him seh
A weh uh naa seh.
“Ohhh I see”
First time gyal a tek plane n a private, talk to mi nice!
We walk go round a waa area where a plan deh.
A lady inna flight attendant uniform stand up a di door.
“Good morning” she seh politely
“Good morning”
Mi look pan Josiah n him deevn acknowledge eh ooman.
We go onboard and start the journey.
Matthew pov
“Boss mi have a update” powpow seh
“Wah dat?”
“Eh bwoy Josiah n him ooman a fwd a America”him seh
“Eeehh right inna mi arms eh bwoy a come”
“Yes boss” him seh chuckling
“Yuh know wah jus gwaan keep track a dem”
“Alright bossy” him seh exiting mi office.
Mi not even ago mek nuh move pan dem mi ago mek dem figot everything.
Issa big revenge mi a come up wid n it ago tek years fi come into action.
Mi a mek dem gwaan live likkle life caz when mi ready fi dem.......
A dem life mi a tek!
Nadine pov
Mi jus reach back from airport.
Mi sidung inna di sofa n feel mi phone a vibrate.
Mi tek it out n ansa it without looking at the caller id.
“Suh Taja gone a foreign” a voice weh mi nuh hear fi a while seh.
“Yes mammy, how uh know?”
“Mi seet, mi see everything enuh Nadine” she seh
Ohh sometime mi even figet bout dat spiritual sumn deh.
“Oh okay mammy suh a wah wrong”
“Wah wrong!? Nadine wul heap a tings wrong har future up deh dark.” she seh
Dark?
“Weh uh mean mammy?”
“Things ago seems alright but uh see afta a while hell ago bruk loose. Har life inna danger Nadine n wen uno realize it ago too late”
She a scare mi.
“Mammy weh mi can do fi change dat?”
“Just pray n try warn har, memba prayer works . Anyways mi affi go now”
“Alright mammy” mi seh n she hang up.
Wah kinda danger mi pickney life could a inna?
A betta she go up deh fi betta har life suh it caa be danger.
Sometimes mi affi wonder if mammy a tek dis spiritual ting out proportion enuh.
Kmt mi ago still pray n check up pan har regular.
—————————————————
A/N
Uummm..........
Until next time!✌🏽
YOU ARE READING
Flash Rebound
Teen FictionAfter an heartfelt betrayal by her bestie and boyfriend, Tajanae Wilson was stranded on the street, saved by a stranger who in no time became more than a stranger. Moving too fast time catches up and everything fell apart. Written in Patios🇯🇲2022
