ليالي الجحيم 12:00

part 10

الكاتبه: LARAN❤️

- ڪِتبنالك رَسايل شوُك ،
- بيها عتاب وحچايات مـا تبرد ،
- يَمتة تصير ؟ ونلاڪيك عين بـ عين !
- ونحاچيك ، ونڪِلك خَذانة الشيب يَـمعَود

" العــــد التنازلــــي 4 "
( ليالي الجحيم12:00)
(Part 10 الـ)

مهم: لاتنسون التصويت والمتابعه للحساب داده🔴"

لاتنسون التعليق بين الفقرات وتفاعلو

يلا انطلقوو وشغلو مسيقئ هادئه حزينه

يامرحباااا
..........................
.
.
.
.
.
يا غالي بس الذهب يرهم ، وصف لك
واڪِتب شعر من ڪِلبي ، واصف لك
تعال بڪِلبي مدرستك ، وصف لك
واذا تاخذ صفر انطيك مية 🔥❤️

محمد: حجي احنه نوينه نخطب لحسن

:- عيوني راحت ؏ حسن الي عيونه صارت ؏ انوار ثنينه نراقبها رفعت راسها بصدمه والوجهه باهت اصفر لزمت ايدي وهيه ترجف وتباوع لحسن بصدمه صارت عيونها عليه وهمست بضياع

انوار: اا اي ايڤي سس سمعتيي/بهمس

:- هزيت راسي وعصرت ايدها وردنه نڪِوم سحبت ايدي وڪِالت

انوار: اوڪِفي خلي اشوف منو هاي

:- رجعتّ ڪِعدت وجدو سئل بابا بنت منو؟..

محمد: المار بت ابو حسين

:- شهڪِه والڪِل باوعلها ماتحملت سحبتهاا وطلعنه وجان توخر ايدي وو تريد تصرخ وتبجي اجت مروه سدت حلڪِها وهيه تختض من البجي

صعدنها الغرفه ودخلنه وقفلنه الباب عافتها مره وانوار وڪِفت تباوع النه بنضرات استغراب

انوار: هاا ه هاا س سس سمعتن لو بحلم اني؟..

:- اششش انوار تقدمتَ الها رفعت ايدها بوجهي

انوار: لحد يتقرررب شصار شنو حجو قبل شويِ؟..

:- محجوو شيِ حبيبتي محجوو هزت راسها بعدم تصديق لڪِلامي

انوار: لاا لاا حح حجوو

:- محجو والله بس سڪِتي صمت حلڪِها بأيدها وبقت تروح وترجع ومروه تحجي وياها

مروه: مو هيج الحياة يروحي يوم الج ويوم عليج يوم ضدج ويوم وياج مو قسمتج جوز ليش تسوين بروحج شي بعدين لو نجي للصدك انتِ الغلطانه لأن وهمتي روحج بحب مو ألج والولد ملمح الج شي ولا انطاج أمل ولا ولا اي شي ليش هسه تبجين ومصدومه هااا ليش هيج يروحي لا تسوين بروحج شي عفيه

:- سڪِتت وڪِعدت ؏ الجربايه تهز برجلهاا وتبجي

انوار: انتهيت مروه راح يخطب راح ياخذ

مروه: هسه صبرج ياحبيبتي لاتعجلين بالأمور حسن مبين مموافق وبعد بقه يمه صبري شبيج

:- مسحت وجهاا وڪِامت