جسور الدجن

الدجن: الثالث

•رواية: جسور الدجن
•للكاتبة: طيبة الكعبي
_______________
اخذني بـ كِلشي ما بيعَك
اخذني مِن التَعب يَمك
جگارَه بچفَك اشعلني
اموت يَم اصابيعَك
اخذني وياك مِن عِندي
اخذني الأي حِلم ارتاح
مو شَرط بحِلم وَردي .
______⭐️_____
{بسم الله الرحمن الرحيم }

رحيمه : كلشي قسمه وهاذ الله كاتبه المكتوب ما منه مهروب يافريحه

بوع الها بحزن بكلي ينكسر خاطرها عليه
فرح:يمه انه ماريد ازوج بعدني زغيره

خلت ايدها ع ايدي وحجت
.. يمه الزلمه ما يتعيب وعنده خير من الله يدللج دلال هذا

.. بس يمه جبير عليه

.. كتلج زلمه ما يتعيب واحسن جبير على مود هوه يربيج ويعلمج وهاهيه كومن مني خلني انام

عفتها وكمت واني اضحك على سوالفها شني انه زوج هذا
الشايب العربي هزيت ايدي ورحت لفراشي نمت

ثاني يوم شذى كالبه وجهه علينه وبس تزمخ بتها
لان حسين طلع زعلان من البيت
نقهرت حيل بس انه ما بيدي شي اسوي
مشيت وردت ادخل الغرفه امي وكفني صوتها تحجي ويا ابوي بقيت اتسنط عليهم
رحيمه.. اليوم اجه عليه عداي

عبد.. اي وشكلتيله

.. كتله هاهيه البت الك

.. وحسين اخوها مو ما موافق شون تنطيها بدون علمه

.. معليك بي انه اعرف اقنعه خلي هسه زعلان يم نسابته جم يوم يتهده وروحن احجي ويا

.. الله كريم

عفتهم يحجون ورجعت الغرفتي افكر بكلامها كل الي اعرفه عن زواج هوه العرس والبدله غير شي ماعرف ولا احد مسولفي شي يخص الزواج

ثاني يوم كعدت على هوسه ستغربت شكو شعدنه
كمت وتلكتني شذى سئلتها وهزتلي ايدها

.. شكو منو عدنه ليش هل هوسه

..امده حضي اي والله جا غير اليوم ملجتج

.. شنو يعني

.. وخري مني ما نقصني ثولان

دفعتني ومشت دخلت لكيت امي ودعاء يعزلن بل بيت

رحت يمها وحجيت

.. يمه شكو اليوم

عافت البيدها وباوعتلي وكالت

رحيمه :يمه اليوم عداي يملج ( يعقد)عليج

.. يعني شنو

.. ولج يمه مو وكت اسئلتج عندي شغل فوك راسي

اشوفهم كلهم مخبوصين شويه واجو كرابتنه نسوان الكبار ستغربت منهم يبوسن بيه ويباركن الي وانه كلشي ما رد حته ماعرف شكول الهم

عفتهم وانه ما فهمه شي اخذت دشداشتي ودخلت سبحت طلعت تغديت واني باوع عليهم شون مخبوصين
للعصر اباوع من جامه دخلو للبيتنه زلم هواي ترسو الشارع والبيت بسرعه اجتني امي جرتني من ايدي