جسور الدجن

الدجن: السابع

•رواية: جسور الدجن
•للكاتبة: طيبة الكعبي
______________
يلاهي من جفن عيني ترا دم
نزل والعگل وي كلبي ترادم
الاكل التفاحه موش انه ترا ادم
علمين ساد بيبانك عليه؟
______⭐️_____

{بسم الله الرحمن الرحيم }

.. مبروك بنتي حامل
مجرد ما كال هل كلمتين بتسامتي شكت حلكي
عبير : كلللوش خايبه الف الف مبروك امشي امشي نبشر عداي
.. اي اي
بقينه نمشي سريع انريد بس نوصل له شافنه من بعيد وبقت عينه علينه يباوع بستغراب ع شكلنه لان الضحكه شاكه حلكنه ونمشي سريع

وصلنه له هوه كال
عداي؛شني بويه غنم وراعي فك الاسر جنجن هوش
تركضن احد يركض وراجن

يحجي وعصبي صعدنه و بسرعه كتله بدون اي مقدمات
.. حامللللل
صفن يستوعب الكلمه
.. شني
.. حامل
باوعلي بستغراب
.. مني
.. انه انه  قابل عبير حامل وهيه ماعدها رجل
عبير :يا صخام بعينج يا فريحه
ضحكت وهيه خجلت
عداي صافن ضحك وكال
.. صج عليج العباس
.. هههه اي والله
فرحته ماسايعتها دنيه بقه بس يضحك وعيونه تلمع من الفرح
.. الف الف الحمدلله
.. خويه بل مبارك ان شاءالله يتمم حملها ع خير

.. يبعد اخوج الله يبارك بيج

بسرعه دار وجهه علي وكال

.. لا تتحركين ولا سوين شي ولا تشتغلين ديري بالج ع روحج

... ههههه ع كيفك هوه انه شمسويه ومن شوكت تخلوني اشتغل

.. هم صج بس هم ديري بالج ركض من تنزلين من درج ماريد ع كيفج لا طيحين

.. خويه الحافظ الله

.. ونعم بالله

طول طريق يوصي بيه اكل راسي حقه ما الومه المثله بزره بطوله

وصلنه للبيت دخلنه وهوه فات عليهم رفع ايده وكال

.. جا متباركون العداي

يباوعوله ومافهمين شنو يقصد

نصير : بل مبارك يخوي بس ع شني

.. شني ولك يمه فرحني وياك

.. فرح حبلة
كلمهم نصدمو والحجيه كامت ع حيلها
... ييييمه كككككككلللوششش

ركضت حبت عداي

.. يمه مبارك مبارك الله يجيبه بسلامه

عافته واجت حبتني من خدي

.. خايبه فريحه فدوه غديلج ع هل البشاره تخليني اشوف وليدات عداي

بقيت بس اضحك وخجلانه منهم اقدم الشيخ وبارك ال عداي

.. مهناي يخوي ان شاءالله سبع مثلك

تسالمو وباوعلي وكال

.. الف مبروك خويه

.. الله يبارك بيك

الحجيه طايره من الفرح وتهوس وتتدبج

.. تعاي تباركي يامن تحبين وخضر عودنه اليابس من سنين ككككككلوش