"Park Jimin မင်း Bar သွားတာတွေလျှော့သင့်ပြီ ငါတို့ကအန္တရာယ်သိပ်များတဲ့မီးနဲ့ ကစားနေတာနော်"
ရွှေပြားလိပ်ထားတဲ့ ဆေးလိပ်ကိုတစ်ဖွာရှိုက်လိုက်ပြီး ကျောက်စိမ်းနဲ့လုပ်ထားတဲ့ ဆေးလိပ်ပြာခွက်ထဲကိုချိုးချလိုက်သည်။
"ကျွန်တော့်ကိုအဲဒီစကားတွေပြောမယ့်အစား အဖေကိုယ်တိုင်ပြန်သုံးသပ်သင့်တယ်ထင်တယ်"
"ဘာ!!"
"တရား၀င်လက်ထပ်ထားတဲ့Inn So young ရှိနေတာတောင် တရားမ၀င်တိတ်တိတ်ပုန်းမိန်းမတွေ ၁၅ယောက်လောက်ယူထားတာလေ အော် Inn So young က တတိယမိန်းမဆိုတာ လူထုကမသိဘူးထင်နေလား"
"Park Jimin!!"
Park Min Hoon သည် ကျွန်းနက်သားပေါ်မှာမှန်တင်ထားသော စားပွဲကိုခပ်ကြမ်းကြမ်းထုလိုက်ပြီး ပြီးနောက်လေပူတစ်ချက်မှုတ်ထုတ်ကာခပ်မဲ့မဲ့ပြုံးပြလိုက်သည်။
"သွားခွင့်ပြုပါဦး သမ္မတလောင်း"
"မင်းမမေ့နဲ့! မင်း ဒီနေရာထိ ၀န်ကြီးချုပ်အနေနဲ့၀င်ပြိုင်ခွင့်ရတာ ငါ့ကျေးဇူးမကင်းဘူးဆိုတာ"
"ဟက်"
Jimin စားပွဲတင် မှန်ကိုတစ်ချက်ခေါက်လိုက်ပြီး
"အဖေက အဖေ့အကျိုးမပါရင် ဘာအလုပ်မှမလုပ်ဘူးလေနော် သမ္မတလောင်းဖြစ်ဖို့အကြီးဆုံး ဒေါက်တိုင်က ကျွန်တော်ပဲဆိုတာ မသိလောက်အောင် မအ ပါဘူး "
ဒုန်း
အိမ်ကြီး၏ကျွန်းတံခါးကို ဆောင့်ပိတ်လိုက်ပြီး ပိုင်ကားအနက်ရောင်လေးရဲ့သော့ကို လက်ညိုးနဲ့လှည့်ကာ ကားပေါ်ဆက်သွားလိုက်သည်။
သမ္မတလောင်း၏အိမ်ကိုကားပေါ်ကနေတစ်ချက်မော့ကြည့်လိုက်သောအခါ အဖြူရောင်သုတ်ထားတဲ့ သုံးထပ်အိမ်ကြီးမှာ ပြတင်းပေါက်ဘောင်တွေ အနားကွပ်တွေကို ရွှေအစစ်တွေနဲ့သုတ်ထားသည်။
အတွင်းပိုင်းနံရံတွေဟာ ကျောက်စိမ်းအကာသားဖြစ်ပြီး လေအေးပေးစက်မလိုအောင်လောက်အောင် အေးမြလှပါ၏။ ဘယ်သူသိမှာလဲ.. ထိုအိမ်ကြီးထဲမှာ အတုအယောင်အေးမြမှုတွေသာရှိသည်ဆိုတာာ...။
YOU ARE READING
Pseudo
Fanfictionကျုပ်ဘေးမှာရံနေတဲ့အရာတွေအကုန်လုံးက အတုအယောင်ဆိုတာသိတယ် ခင်ဗျားကိုပဲအစစ်ဖြစ်စေချင်ရုံပဲ ၀န်ကြီးချုပ်ဆိုတဲ့ဂုဏ်ပုဒ်သာမပါရင် Parkဆိုတဲ့မျိုးရိုးမဟုတ်ရင် မင်းဆိုတဲ့ Jimin ကို ငါ့အပိုင်ပါလို့ကြေညာလိုက်မှာ Prime Minister and Mafia Mature Content...