سلك الـ شجى

سِّـلْـك الثـانـي

- رواية سِّلْك الـ شَجًى 🔗🔥🖤
- نانا الـعلي
- البارت الثاني

لا تنسون التصويت + التعليق بين الفقرات
+ متابعه الحسابي 🖤

-----------

(وَمَا كَانَ لِنَفْسٍ أَنْ تَمُوتَ إِلَّا بِإِذْنِ اللَّهِ كِتَابًا مُؤَجَّلًا)

من أشتاق إليه، رحمك الله بقدر
ما هزني وجع الحنين إليك♥️.

قرائه ممتعه 🔗🔥🖤_________

"تميم"

فزيت واني ما اشوف بعيني مغوشه
من ردت ارفع ايدي افركها ماكدرت..

شوي شوي بدأت تتوضح لصوره
غرفه بیضه ريحه معقمات  قويه صوت
ضربات قلبي بالجهاز ..

بدأت اتذكر لصار احنه ندعمه او
نمردنه بالأحرة اخر شي شفته عسل هيَ
كلها دِم ، كُلشي بجسمي يوجعني ..

حاولت اتحرك ما كدرت احس
نفسي ميت بس نفس بية .

فزيت على فتحة لباب
صوت الدكتور دخل .

اجه يباوعلي مبتسم
يفحص بيه ويهمس:- ها يبطل شلونك شنو تحس؟

ما جاوبت اباوعله مستغرب

- بطل أنتَ بطل خوفتنة عليك .

حجيت بصعوبه و أنا احس اوتاري
متقطعات:- شصار!!

- صار وياكم حادث و أنتَ هنا صار أسبوع
فاقد جان وضعك صعب بس كدرت تتخطأ .

- اهلي وين ؟

سكت و مجاوب
رجعت كررت سؤالي
بس مجاوبني عافني وطلع!!!

ضليت اضرب خماس بسداس
افكر بشعه تراودني اكول معقوله
اهلي ماتو وعافوني وحدي ..

ورجع اضحك على روحي اکول
لا هسه يدخل عليه ابوي ياخذني لحضنه
امي هسه تجي تقرأ قرآن على جروحي بصوتهة دافي .

بَعد وقت طويل مــِن تفكير
دخل عليه جدي ابو ابوي بس مو ذاك
جدي لعرفه لابس اسود وجهة مليان
حزن منحني ضهره ويمشي ..

طاحت عينة علية و اجه اخذني بحضنه
ويبجي بصوت عالي ..

وهاي اول مره اشوفه هيج ويردد
بكلمات ما فسترتها وخر مِني
وهمست : وين امي وابوي جدي؟

نصه راسه مقهور دموعه تسيل على خده
عشره عشره:- جدي أنا ابوك مــِن ليوم
و رايح بيبيتك هيَ امك .

- لا أنا اسئلك عليهم وينهم اريدهم خلي يجون !!

سالن دموعه اكثر همس
بحرگه گلب:- بويه اهلك راحو راحو اهلك ما يردون .

- شنو راحو؟
وين يرحون ويعوفوني؟
اريدهم خلي يجون ياخذوني وياهم
ماريد ابقى هنا !!!