سلك الـ شجى

سِّـلْـك الـخـامس عَـشـر

رواية سِّلْك الـ شَجًى
بـ قلمي نانا العلي .
البارت 15 .

اصعَب مَوقف
بلَحظات الوداع
مِن تشوف الچِنت
تبني ، تهدم
من تقوي گلبك
وانتَ مَجروح
مامهتم تبين
وانتَ مهتم
من تِبتسم
بَس بداخلك نوح
الدموع بباب عينك
سكتة تلتَم .

قرائة ممتعة🔥___________________

تقدمت فتحت الباب نفتح عقد حاجبي
أذن ماكو شي مهم بي اذا ما مغفول .

دفعته شفته فارغ غراض واخشاب
قديمة بي ردت اسد لباب و جذبني صوت ونين
درت عيوني بسرعة .

تقدم ؏ٓ مصدر الصوت و خرت الفرشة
ونصدمت شخص مقيدين رجلية بسلال
نايم ؏ٓ الارض بدون ملابس تسترة .

فتح عيونة مــِن شافني فز مــِن
مكانه طفر يريد يبتعد بس ما يكدر .

صاح بصوت خافت:- اطلع اطلع منو أنتَ اطلع .

بلعت ريكي نزعت جاكيتي وقدمته
اله سحبه مِني بسرعة مستمر
يصيح:- وخر وخر ابعد وخر .
طلع ما مسوي شي ما مسوي ما شفت اطلع .

بلعت ريكي فركت وجهي:- أهده ما اسويلك شي
بس كلي شسوي هنا منو مقيدك .

حجه بسرعة بتلعثم:- هو هو ما مسوي شي
هو أنا ما شفت هو .

سحبت ايدة كعد بالارض
الام نفسه ويردد ما مسوي شي ،

خايف ضعيف كلش عيونه مورمة
شعرة نازل عليهم .

- ما مسوي بس گلي شني اسمك ؟

- حارث هو أنا ما مسوي شي .

فتحت عيوني اذكر جدي حجالي
؏ٓ واحد مــِن ولد عمي فارس مسافر
للخارج واسمه حارث !!

گمت وكفت هو خايف اكثر يرجف
حتاريت شسوي اريده بس يحجي شي
ماكو .

طلعت مبايلي اتصلت بسيد:- سَـيد!

- ها تميم ؟

- تكدر دبرلي مكان .

- مكانيش؟

- شقه بيت ايجار اي شي .

- تم .

سديته منه وطلعت كعدت بالحديقة
متأكد حارث شايف شي و ابو
هو الحابسة بس معقولة
محد يدري !!!

شفت جدي طلع گمت
بسرعة رحت الها:- جدي .

- ها شبلي وينك .

- هنا ، جدي اريد اسئلك !

- كول بوية .

- هو حارث ابن فارس ويـن مسافر ومن شوكت ؟

- مــِن اشهر راح للسويد يدرس .

- ليش هو شكد عمره؟

- جبير جدي 21 يمكن .

نصدمت مستحيل هذا عمره هل كد
يبين 14 ، 15 ؏ٓ جسمه .