سلك الـ شجى

سِّـلْـك الـتـاسـع

- رواية سِّلْك الـ شَجًى 🔗🔥🖤
- لـ نانا الـعلي
- البارت التاسع

لا تنسون التصويت + التعليق بين الفقرات
+ متابعه الحسابي 🖤

روحٌ مُعَذَّبَةٌ وعينٌ تَدْمَعُ
‏وحشاً تكادُ من الهوى تتقَطَّعُ
‏أشكو هواكِ إليك شكوى مُدنَفٍ
‏عَدِمَ الكرى فجفونُه ما تَهجَع
‏صبٌّ أضرَّ به الهوى ففؤادُه
‏من جَهد حبكِ مستهامٌ موجَع..
‏

قرائه ممتعه 🔗🔥🖤..

"عسل"

دار يريد يدخل للبيت ما حسيت
غير جدي دفع تميم بقوى على حدايد
الحديقة صرخت خالتي مــِن شافت تميم وگع
؏ٓ صدره عليهن وفاض دم من صدره .

صاح بصوت ناصي:- آآخ يابة .

فتحت عيوني مصدومة خالتي رگضتله تصرخ
اجه عمو ابو حيدر گلبه على ضهره يحجي
ويا وتميم دم ماخذه .

اجو كم ولد يركضون اله
عيوني تمركزت عليه يحاول يسحب
نفس ويصرخ متأذي..

ولد من بيناتهم عاف تميم
وكام يصرخ على جدي:- ليييش هيچ ليشش .

باوعت لجدي بسرعه دخل للبيت
وخوالي وراه.

ركبو بسيارة و خاله تصرخ موتت روحها
سحبتي مــِن ايدي امشي وياها
بس جسد عيوني ؏ٓ تميم .

صعدنه بالسياره وياهم تميم بحضن
خالتي تهمس وتمسح بوجها:- موجوع يمه عسه
وجعك بيه يمه ابني عساهم بحضهم وبختهم
عساهم بحركت گلــبي وازيد .

شهكت باجيه باوعت لصدر تميم
مفتوح محفور حفر غمض عيونه يتوجع بدون صوت
وصلنه للمستشفى اخذو يخيطون جرحه .

لولد يحجي ويا ابو حيدر:- بس كلولي شصير منه هذا؟

- جده جده .

- جده وهيج يسوي بي شخله للغريب!!

- مو ؏ٓ حال هما ما يردونه مــِن هو وصغير .

- وانشاءالله ناوين تسكتون وما ترفعون دعوه؟

- ضلت يم تميم بَعد عمي .

باوعت للولد شايفته ذكرت هو نفسه
لشفته بيوم طلعت كعدت بالباب بس هل مره
الابس مدني .

كعدت بالارض اشهك بدون دموع وجع قوي حاوطني
نصه عمو يمسح ؏ٓ راسي  يهمس:- بس عمو
حبيبي ما بي شي تميم هسه يطلع لا تبچين بابا .

شهكت باجيه بقوه:- ليش هيچ سوا جدي ليش
ما مسوي شي تميم عمو ليش !

حضن راسي ؏ٓ صدره بجيت بقوه انهاريت
ابـچي وارجف طلعت خالتي مفجوعه
سحبتي منه تحاول تهذيني.

غمضت عيني اسمع صوتها تصرخ
وشه بأذني قوية ما ميزت شنو تحجي .

كعدت فتحت عيوني اباوع محد يمي
نايمه وكانونه بيدي رفعت راسي
شفت نفس لولد كاعد منزل راسه .