عمو الظابط

نوفيلا عمو الظابط

اقتبااااس

تململ في فراشه بضجر بعد أن ملأ هذا الصوت الصاخب الغرفة بأكملها، كان صوت بائع البصل الذي اعتاد على الوجود في هذا التوقيت بعربته ليردد بصوته المعتاد:
- يا بتاع الخزين يا بصل

نهض من مكانه وخبط كفيه ببعضهما وهو يقول بضجر شديد:
- يا بتاع القلق يا قرف، يارب توب علينا من المنطقة دي بقى

تحرك حتى وصل إلى نافذة شرفته ونظر إلى بائع البصل بالأسفل ليقول:
- يا بتاع البصل

نظر إليه البائع وهتف بجدية:
- اؤمر يا بيه

هنا جاء سؤاله الغير متوقع:
- عندك بصل؟

تعجب البائع من سؤاله وهتف بسخرية:
- أنت شايف ايه يا بيه

لوى ثغره وقال بغضب:
- أنا شايف إنك تحط بصلة منهم في بؤك ومسمعش صوتك المزعج ده تاني

****

في تلك اللحظة جاءت مشجعة أخرى ورددت بهدوء:
- عمو الظابط

رفع أحد حاجبيه بدهشة وقال باعتراض:
- لا بقى ايه حكاية عمو الظابط دي؟ أنا مكملتش 23 سنة ولسة متخرج من كلية الشرطة من مفيش، أنتي أكبر مني يا ست أنتي، أنا اللي أقولك يا عمتو

نظرت له باعتراض قبل أن ترفع صوتها قائلة:
- قصدك ايه بقى؟ قصدك إني كبيرة وعجزت وعنست؟ لا يا بابا فوق كدا ده أنا ألف مين يتمنى إشارة مني

رفع أحد حاجبيه وهتف بسخرية:
- ليه الأميرة مرجانة، بقولك ايه يا ست أنتي هاتي تذكرتك وبطاقتك وخلصينا بقى أنا هنتحر بسببكم

ثم رفع رأسه ونظر إلى الجماهير من خلفها ليقول بصوت مسموع:
- بقولكم ايه اللي هيجي ينطق نص كلمة معايا مش هدخله، كله يجهز بطاقته والتذاكر بتاعته، ده ايه الهم ده

مر الوقت ودخل الجميع إلى الاستاد، هنا جلس «يوسف» بارتياح وضم رأسه بين كفيه قبل أن يقول بتعب:
- كان فيها ايه لو ماتش بين المظاريطة ومزارع دينا، لازم يعني حظي يكون في ماتش أهلي وزمالك؟ أنا دماغي بقت اتقل من الكراش اللي بتتقل عليا

سمع صوت صراخ الجماهير بالداخل فردد بغضب:
- هيصوا هيصوا يارب أنتوا الاتنين تتغلبوا

***

- أنا عارفة يا أم دعبس إنك أقوى ساحرة في المنطقة علشان كدا جايالك في الموضوع ده

ألقت بعض من المسحوق الذي كان بيدها في وعاء يتصاعد منه الأبخرة ورددت بصوت هادئ:
- قوليلي يا حلوة عايزاه يحصله ايه وأنا عيني ليكي

ارتسمت ابتسامة واسعة على وجهها وأردفت بنبرة تعبر عن الشر:
- عايزاه يتسخط قطة

الفصل الأول من عمو الظابط الساعة 5 إن شاء الله والفصل التاني يوم الخميس القادم بإذن الله
النوفيلا دي بعنوان لا للملل وأهلا بالضحك استعدوا😂