كان وقتها شتاء علينا و متجمعين بالعزبة والاهل كلهم موجودين طبعا مستحيل يمر شتاء بدون جمعه الاهل
كنت قاعد بعيد شوي عنهم اصلح دراجتي مارضت تشتغل شوي وجت روان و مريم
: فاااارسسس قووول تم
التفت و شفتهم كنت احس بمشاعر كبيره لها
من صغري و أنا احبها صح ماتكلمت لكن كانت عيوني دايم تفضحني كان الكل ملاحظ علي اني احبها وشاريها
فارس بابتسامه: تم
مريم: خلنااااا نجرب نسوق
فارس: بس؟ غالين والطلب رخيص بس خلوها تشتغل
روان: نساعدك بشي؟
فارس: لا خلاص تقريبا خلصت
مرت خمس دقايق و هم يتأملوني ويشوفون شسوي
فارس: ابشركم خلاص خلصت منو بيسوق
روان: انااا تكفى تكفى
فارس: يلا تعالي طيب تعرفين تسوقين صح؟
روان: مادري احس ناسيه بس ماعليك بعرف اكيد
فارس: اصبري خليني باخذ دراجه نادر وبروح معاج في حال ماعرفتي لها ولاشي
مريم: خير و انا خذونيييي مابقعد انتظر ادري عاد فارس بينسى نفسه وهو معاج
فارس: انطميي
وضربتها على راسها بخفيف
مريم: مابنطم وبروح معاكم
فارس: يالصيااااحه يلا
تحركنا وكانت عيني على روان وهي مبسوطه وتضحك بدينا نبعد و هي ورانا و كان الرمل شوي مرتفع تهورت وصعدنا و هي ورانا لكن شوي و اسمع صراخها صديت بكل خوف لها اشوفها تتقلب قدامي بالدراجه وقفت الدراجه وركضت لها بكل خوف
: روان انتيييي بخييير روان ردي علي تكفين
مريم: فااااارسسسس احنا شسوينا
فارس: اسكتي شوي
كانت ايدي تنتفض خوف عليها شلت راسها وحطيته على رجلي و انصدمت من الدم لي جا بأيدي زاد خوفي
ومريم عدالي تصيح شوي و اشوف روان تفتح عيونها وتناظرني وهي دايخه وتبكي الم
فارس: شي يعورج؟ وين يعورج خبريني تكفين لاتخوفيني
روان: فارسسس اخاف اموت عادي اقولك شي؟
فارس: رواااان لتقولين هالكلام ماعليج شر ان شاءالله
روان: مريوم خلج شاهده ع لي بقوله
مريم: لا اتعبين نفسج ارتاحي الحين
كانت تغمض عيونها وتفتح دايخه من الجرح لي براسها ودموعها تنزل بهدوء تمنيت أخذ كل المها و احطه فيني
روان: فارس انا ابادلك نفس الشعور تعبت و انا أكابر و اتجاهل مشاعري لكن اقولها لك الحين انا احبك
قالت أحبك وزادت غرامي غرام...بس ماقدرت احس بطعم الكلمه ماقدرت و انا اشوفها بين ايديني و دمها على ملابسي وايديني غمضت عيوني بقوه وحسيت رجفتي زادت رجفه خوف ورجفه انها قالت لي الكلمه لي كنت من زمان ودي اسمعها منها...
رجعت لواقعي المر... ودموعي على خدي و أنا اتذكر جرحها لي اللي ماظن يبرأ بيوم أو اني أطيب منه ضربت الدركسون بغضب و انا أكلم نفسي
: فااااارسسسس استوعب استوعب هي ماتستاهلك ماتستاهل الحب لي حبيتها اياه ماتستاهل حتى شوقك وخوفك عليها محد يستاهل بالدنيا ذي محد الكل خلاك وقت ضيقتك وزعلك ليش تتضايق عليهم! و انت لي يتعب بس و ادمر نفسك بأيدك
في مكان بعيد عن حياة فارس...
: انتي ماتخافييين يكشفج او يشوووفج و انتي تسوين له هالشي تتوقعين شو بتكون ردة فعله فكري عدل انتي مستوعبه لي تسوينه مستوعبه انج تسوين هالشي لشخص غريب ماتعرفين شي عنه غير انه بس فضفض لج مره وسمعتي له؟ انتي تعرفين اذا كان هالشخص فعلا صادق و انه مايتعاطى و انه شخص نظيف!
: عنووووود اسكتي عني تكفين عنوده زين قدرت احط الاكل قبل يوصل شوفيه توه وصل احس لو كشفني بموت صدق بس انا مابي اي شي منه والله بس ابي اشوف ابتسامته و انه مبسوط انتي مستوعبه هو ماله احد و انا في شي بداخلي يقول انه الانسان هذا انظف من قلبه مافي
العنود: شهد انتي رسمي مو صاحيه عقلج طار
شهد بتجاهل: تكفين شوفي احسه اليوم تعبان وايد وصاير وجه ذبلان ودي اطبطب عليه و أهون عليه بس صعبه والله
العنود وهي تضرب راس شهد : استتتتتوعبي يابنت انتي ليكون اطيحين بالفخ واطيحين بحبه و انتي تسوين له هالشي انا ليش طعتج هالمره؟
شهد : لانج انتي بعد عارفه انه هو مظلوم بعدين شو اطيح فالفخ قلت لج نيتي من البدايه
العنود: الله يستر من هالنيه
شهد: عنووودي عاد لتسوين هالحركات
العنود: زين وين نروح نتغدا احس ميته ابي اكل كله من فارس مالج ماخليتينا نتغدا
شهد: انتي شوفيج حنانه
العنود: مب حنانه بس والله خايفه عليج خايفه من ردة فعله لو كشفج
شهد: اشش اسكتي مابيكشفني خلينا نروح البيت اكيد امي طابخه ذاك الغدا لي مايتفوت
العنود: خالوه قريب بتطردني من البيت من كثر ما انا دوم عندج
شهد: عاد الا امي مابتطردج حتى قمت اشك انها تحبج اكثر مني
العنود: فديتتتهااا احبهها
شهد: اص ماتحبينها معاي
مشوا متجهين لبيت شهد دقايق ووصلوا
