For Unicode
တဖိတ်ဖိတ်တောက်နေတဲ့ ငွေရောင် မီးခြစ်လေးဟာ ပင်လယ်ပြင်ပေါ်ယှက်ပြေးနေတဲ့ အလင်းလဲ့လဲ့ လေးများကဲ့သို့နှယ်....အနှီမီးခြစ်လေးကို ဖွင့်လိုက်ပိတ်လိုက် ဆော့ကစားရင်း လက်တစ်ဖက်က ဖွင့်လက်စကားတံခါးဘောင်ပေါ် တင်ထားသော ဂျုံးဂုသည်လည်း ပင်လယ်ပြာကဲ့သို့ လွင်သော နုသော ရှပ်လက်ရှည်ပါးပါးလေးကို ၀တ်ထားပြီး ကျယ်ပြောသော ကမ်းခြေအနီးလမ်းတစ်လျှောက်ကို အကဲခတ်ဟန်ဖြင့် ကြည့်ရှူနေသည်။
နှုတ်ဖျားမှာတော့ စီးကရက်တစ်လိပ်ကိုခဲလျှက် ရှိတာမို့ ပန်းရောင်စိုလဲ့နေသည့် နှုတ်ခမ်းများသည် ပို၍စွဲမက်ဖွယ်ကောင်းနေဟန်ရှိ၏။
" တကယ်မပြန်ချင်သေးဘူး "
အိမ်ထဲမှ အီလေးဆွဲကာ ထွက်လာတဲ့ အသံစူးစူးလေးကိုကြားတော့ ထိုနှုတ်ခမ်းကြားမှ စီးကရက်လေးက နေရာရွေ့သွားပြီး အပြုံးတစ်ခုက ဂျုံးဂု၏မျက်နှာတွင် လှစ်ခနဲ ပေါ်လာသည်။
" မပြန်ချင်သေးလို့သာပါပဲ "
" ကိုလေးနော် သားပဲ လိုက်စမနေနဲ့ "
အစ်ကိုနှစ်ယောက်က အထုတ်တွေဆွဲကာ ရပ်ထားသော ဂျုံးဂုကားဆီသို့ ရောက်လာကြပြီး ထယ်ယောင်းကတော့ ငါးမုန့်ကြော်အထုတ်ကြီးကိုပိုက်ကာ စားလိုက် စကားပြောလိုက်ဖြင့် လျှောက်လာသည်။
" နောက်လကျရင် ဆိုးလ်လာလည်မယ်ဆိုတဲ့ ကတိကို သေချာပေါက် တည်ရမယ်နော် "
ကိုကြီးကတော့ ခေါင်းညိမ့်ပြကာ ရယ်ရုံရယ်နေပြီး ကိူလေးကတော့ မလာချင်ပါဘူးဟူ၍ မျက်နှာကိုရှုံ့မဲ့ကာ စနေ၏။
ဂျုံးဂုသည် နှုတ်ဖျားမှ ခဲ နေသော စီးကရက်ကို လက်ကြားထဲ ပြောင်းကာ ကိုယ်ဟန်ကိုပြင်လိုက်ပြီး
" အစ်ကို တို့ အေးအေးဆေးဆေး အလုပ်လုပ်ရအောင် မြို့ထဲက ကိုယ် တို့ အပန်းဖြေစခန်းမှာ သွားနေရင်ရော? ဒီနားက သိပ်ဆူညံနေမယ် ထင်တယ် "
ဂျုံးဂု၏ စကားကို အစ်ကိုနှစ်ယောက်က ရယ်ကာ
" ရပါတယ်ကွ။ သိတယ်မို့လား တို့ညီအစ်ကိုတွေက သိပ်ပြီး အေးအေးဆေးဆေးနေတတ်ကြတဲ့သူတွေ မဟုတ်လေတော့ ဆူဆူညံညံ လေးပဲ သဘောကျတယ်။ အလုပ်အသွားအပြန်ကလည်း အဆင်ပြေပါတယ် "
![](https://img.wattpad.com/cover/312156346-288-k540210.jpg)
YOU ARE READING
Dream Keeper
Fanfictionသူဟာ ကိုယ်တစ်သက်လုံး ယုယုယယ ပျိုးထောင်ချင်တဲ့ လက်တွေ့ဘ၀ရဲ့အိပ်မက်ငယ်လေး ပဲဖြစ်တယ်။ Once Upon A Dream _S2