روايهه.(مصير مظلم) بقلمي إسراء ال شيخ
البارت [9]
غزل.. ماكدرت اتحمل ورحت وراهن لغرفه عباس اول مرة ادخلها شفتهن كاعدات بلكاع يبجن وعباس كامش حزامه يضربهن ويصيح ويغلط كمشت حزامهه بسرعه وكتله شبيك انته همجي ماتعرف غير الضرب..
عباس.. صارلي ثلاث ايام افكرر ومالي خلك يوم الرابع رجعت للبيت شربت جاي وكلت لاامي يمه شنو هدوء وين البنات كالت راحن بيت عمهن ساعه ويرجعن من كالت ههيج اني شطت من العصبيه عليها وكتله شلون تخليهن يطلعن بدون اذني وطلعت وراهن دخلت لبيت عمي شفتهن كاعدات وغزل تضحك وي امير اجيت بعصبيه وسحلتهن للبيت وصعدت امنيه واسراء وياي حتى اكتلهن لان يطلعن بدون اذن يعني طلعت عصبيتي عليهن لان مااكدر اكتل غزل ههسه ومااحس الا غزل دفرت الباب ومسكت الحزام وتغلط ركعتها بلكاع وضربتها وياهن بلحزام وكتلها منو سمحلج تدخلين وتغلطين عليه مامتربايه انتي اني اعرف اربيج عدل
غزل.. متربايه احسن منك فاهم مااسمحلك تكتلني وشنو ماعدك رحمه تكتل بخواتك
عباس.. انجبي كلبه وكتلتها بدون وعي وصفكات راجدي ودخلت علينه خالتي ام محمد وامي
ام محمد... ولك شكاعد تسوي ليش تكتل بلبنات وخرر لك
عباس.. مالج دخل خاله اريد اربيهن من جديد حتى يعرفن شلون يحجن
ام محمد.. دفعته واخذت البنات ورايه وكتله عوفهن ههسه ماسون شي اخذن اذنهه وطلعت وياهن
غزل.. طلعتنه امي واني بصمودي ولادمعه ولابجيه بس اضحك عليه شنو من همجي وكعدت اسكت بلبنات وغسلت وجهي وبدلت ملابسي اني والبنات
ام محمد... يله حبيباتي راح اسويلجن حلاوة شنو تردن
اسراء.. وهيه تبجي اريد حلاوة الموت
ام محمد.. لا يمه صمله شهل حجي اسويلجن حلاوة شعريه
غزل.. اي ماما.. نزلت امي وخالتي الي ضلت بس دمعتها بطرف عينها لان مابيدها شي تسوي تغدينه وخلص اليوم الكئيب ماتكمل فرحتنه ابد
صبح الصبح وعباس راح لدوامه يضل بغداد هناك سبوع ووصى ايهم يخلي عينهه علينه بس ايهم وردة مال الله كل يوم يشترينه ويسولف ويانه حتى يروح للكراج مالنه ويلعب بلمرجيحه احلى سبوع صار لان عباس ماهو ويانه خلص الاسبوع بسرعه وثاني يوم عباس يجي
نايمهه وكعدت على صياح وبجي جوة بلبيت كمزت من فراشي حتى نسيت البس حجابي وانا لابسه برمودة لان دنيه حارة عبالي صار شي لا بابا نزلت والصدمهه....
شنو سبب هل صياح والبجي ياترىى؟
يتبعع...
