روايهه.(مصير مظلم) للكاتبه اسراء ال شيخ
البارت [21] لاتنسون تصويت +متابعه +شجعوني حتى استمر
طبعاً اسفه على سحبه بس صار عندي ضروف وان شاء الله هسه نكمل بدون تراجع يلاا وهسه خليكم وي البارت 🌝🤍 وشوفو غزل شراح يصير بيه
غزل.. مر اسبوع كامل ورجع عباس من بغداد مكان عمله.. وصار يوم عقدون لنورة راح عباس وخالتي رحمه للمحكمه واخذو نورة وعمتي هناء عقدو وكملو رجعو بليل يسون حفله بيتنه
اسراء... اوفف شنو البس متحمسه للحفله
امينه... شبيج ولج كومه ملابس عدج وعليمن متحمسه لهل درجه
غزل... يمكن لان صار هواي مافارحين وركص وتجمع العائله
امنيه... ياهواي مو كل يوم خطار وهوسهه بس مدري شبيه صارلها سبوعين ابد ماتهد التلفون من ايدها بس يسمع بيها عباس يكتلها ويسحب الجهاز منهه
غزل... هوة شمدري عباس شايفنه حاجي ويانهه اكلج صدك اريد رمز الشبكه
امنيه... مااعرفه بس عباس وايهم يعرفوهه
غزل... هها من يجي ايهم اكله.. صار العصر وبدت الناس تجي تبارك وكرايبنه بس نورة وعمتي هناء مايصير يجن الحفله ماسوينهاها جبيرة وهوسهه بس عشه وشويه ركصن خلص اليوم.. ثاني يوم العقد صرت اشتهي زيتون كلش اريد اكلهه ماجان عدنه بلبيت صار ثلاث ايام وانا مشتيهه زيتون ماكدرت اتحمل خابرت عباس.
عباس... عقدنه وسوينه حفله زغيرة ورة ثلات ايامم كعدت الصبح على اتصال من جماعتي عدهم طلابه رحت الهم بيتهم بلناصريه حلت السالفه مالهم وماخلوني اروح الااتغدة وياهم وياهم كاعد اسولف وي الولد خابرت غزل تعجبت لان هاي اول مرة تخابري الوو غزل.
غزل... هلا اكلك عباس وين انته
عباس... ليش تسئلين
غزل... لابس ههيج انته قريب هنا
عباس.. لابلناصريه انا عدي شغل باجر ارجع يله باي
غزل... باي.. ههاذا شبي سد الجهاز بدون مايعرف شنو اريد. يله اصبر يوم
ايهم هها غزوله كاعدة وحدج
غزل.. (بگلبي) اكول لاايهم يجيبلي زيتون لاخاف يفضحني
ايهم... الووو كاعد نحجي وياج
غزل... ههاا اسفه مانتبهت
ايهم... وين شاردة
غزل.. لاماكو شيي اكلك اكتبلي رمز الشبكه
ايهم.. اي طيني جهازج
غزل.. هاك.. سوالي شبكه فرحت كلش كلت أخيرا الفرج خل اخابر صديقاتي من زمان ماحاجيه وياهن دكيت ثلاث مرات ماجاوبن عفتهن يمكن مشغولات دخلت على حساب امي لكيتها حاضارتني ياشبيها شكوو خاف حاذفه الحساب دخلت لحساب اخوي محمد هم حاضرني شصايرر بيهم والله مشتاقتلهم افف
امنيه واسراء.. يحضرن لاامتحانات نص السنه وخالتي رحمه كل يوم تخابرها نورة وتكللها تعالي تغدي عدنه لو تعشي انا اضل كاعدة بلكراج واخلي ايدي على بطني واسولف ويي روحي والجنين الي بطني اكلهه شوف امك وحيدة لااهل يسئلون عليهه ولاشخص تسند نفسهه بي كلهم عافوني.. مر يومين على هاي الحاله كل مااخابر عباس واريد اكلهه جيبلي زيتون يطبك الخط بوجهي لو مايرد عليه اخر شيي خابرت ايهم الوو ايهم
ايهم... هلا غزوله محتاجه شي
غزل.. اي والله ايهم اريد زيتون حباب اشتريلي وياك هواي
ايهم.. من عيوني جايج بلطريق
غزل.. سالمه عيونك خويهه.. ورة ربع ساعه اجه ايهم وجايب وياه زيتون وجبس وعصير والله فرحت منزمان مماكله جبس.. تسلم خويهه تعبتك وياي
ايهم.. شلقصه ماكو تعب بس اريد منج تكويلي الدشداشه مالتي امنيه واسراء ماموجودات وعدي طلعه
غزل.. اي هسه اسويهه . كويت ملابسه وبدل وطلع كلعادة رحت للكراج كعدت يم الشجرة وضليت اكل بلزيتون شون واحد عطشان وارتوة بلماي.. خلصتهن رحت يم المغسله حفرت حفرة وخليت بيه الفصم مال الزيتون ورشيت ماي كلت ورة مااجيب الطفل هيه تكبر واذكر بيها ههاذا اليوم.. ..
اممم بطلتنه توحمت على زيتون ومااكلته رايكم يطلع بلطفل شكل زيتون على جسمهه
يتبعع...
