روايهه.(مصير مظلم) بقلمي إسراء الشيخ.
البارت [10]
غزل.. كعدت على صياح وبجي وطفرت من فراشي لجوة ووشفت عباس كامش ايهم بوكسيات وضرب ويغلط وايهم ولاكلمه واكف مثل الصنم سئلت خالتي رحمه شصار ليش يكتله..
خاله رحمه.. ايهم ماخذ السيارة بدون اذن عباس وداعمها
غزل.. روحي خلصيه لايكتله
خاله رحمه.. يستاهلل ليش يطلع بلسيارة بدون اذن خل يتعلم
غزل... انا ماكدرت اسكت واشوف ايهم ينكتل كمشت ايد عباس وكفت بنص خليت ظهري على ايهم وكلت لعباس شبيك انته تكتل اخوك ههيج قحط فلوس وصاح جدي..
الجد سلمان.. شوفف الساقطه شلون طالعه بلبس مستهتر بدون حجاب ولج هاي تربايت عليوي الزباله(بعصبيه يحجي).
غزل.. نزلت بسرعهه لان سمعت صوت صياح وتربايت بابا ماكو احسن منها مااحس الاراجدي قوي ركعني بلكاع ..
عباس.. كاعد اكتل ايهم واجت غزل كبالي وصيح وحاله شعرها ولابسه برمودة وكامت تتعارك وتعلي صوتها على جدي ركعتها راجدي وكتله لاتخاف جدي هسه اربيها من جديد
الجد سلمان.. اخذ راحتك بويه ربيها هلـجاههله..
غزل.. اني انسطرت من الراجدي واجه عباس شالني من شعري ويسحل بيه لباب البيت
ام محمد... ولك عباس وين مودي بنتي شلون تسحلها ههيج وخرر
الجد سلمان.. مالج شغل انتي امشي داخل وسد الباب
غزل... طلعني بلحوش اكو مخزن صغير وضلمه شمرني بي وجاب صوندة . كتله شراح تسوي لاتصير حيوان وركعني كام يكتل بيه لحد ماانغمه عليهه من الالم..
عباس... كتلتها بدون وعي وانا اغلط عليها واسبها شفتها غابت عن الوعي شكد ضعيفه الكلبه شلته وديناها للمستشفى وراحت ويانه خاله ام محمد وجدي سلمان فحصتها الدكتورة وكالت.
الدكتورة...ههاي متعرضه لعنف اسري منو كاتله ههيج
الجد سلمان.. محد كاتلها هييه مخبله وسوت بروحه ههيج
الدكتورة.. لا لازم ابلغ هلشي للشرطه
عباس... تبليغ شنو كلنالج هيه سوت بروحه ههيج
الدكتورة... من تصحى وانا اسئلها
ام محمد... وهيه تبجي سودة عليه يمه ماراح نبقى ههنا ابدد
(بعد مرور ساعتين)
غزل.. كعدت وجسمي كله يوجعني وامي كاعدة يمي وجدي وعباس بلكرسي كبالي كاعدين. اجت الدكتورة..
الدكتورة.. حمدالله على سلامتج حبيبتي
غزل.. الله يسلمج (والعبرة خانكتني)
الدكتورة.. منو كاتلج ههيج حتى نبلغ عليه بلشرطه الموجودة بلمستشفى
غزل.. باوعت لعباس وجدي يخزرني درت وجهي عنهم وكلت محد كاتلني
الدكتورة... ماما لاتخافين كولي منو سوة بيج هيج.
الجد سلمان.. مو كالنالج محد كاتلها لاتلحين تعرفين منو احنهه
الدكتورة.. لامااعرف منو انتم
الجد سلمان.. احنه الشرطه كلها تحت تصرفنه يله خل نروح للبيت حتى ترتاح غزوله.
غزل.. رجعنه للبيت واني ساكته لاكلمه ولابجيه دخلنه للبيت استقبلوني وايهم اعتذر كال صار بيج من ورايه كتله ماكو داعي تعتذر كله من الثور عباس وضحك واني ضحكت وياهه.. دخلت لغرفت امي لان ماكدر اصعد فوك وامي كامت تعيط عليهم.....
ام محمد.. بعد مانبقى ههنا راح اخابر ابني يجي ياخذني انا وغزل
الجد سلمان... مالج روحه مناا تردين تروحين روحي انتي وحدج غزل مالها طلعه من باب البيت
ام محمد.. ليش ماتروح غزوله ويانه بعصبيه
الجد سلمان.. غزل صارت النه..
ياترة شنو معنى كلام الجد سلمان عجوز البين
يتبعع....
