سند الملازم "

البارت 50

__بقلم '⇣♡كوثر ال دليم❈:
سند الملازم

درت وجهي باوعت لامي صافنه عليه ادري كلش زين بشنو دتفكر والله يساعدني حتى اگدر اقنعها بزواجي من رقه ولو هالشي حيل صعب بس اكيد مو مستحيل

.. يمه بلا زحمه عليچ صيحيلي فيض خل تجي ورايه للغرفه محتاجها بشغله

وئام.. اي مو تتدلل

صعدت الغرفتي تمددت ع الچربايه صارلي شگد منايم نومة اوادم بحيث وجع ظهري مينوصف من نومة الكرسي
غمضت عيوني اجيت اغفى إلا شويه لو ما فيض دگت الباب وطبت

فيض.. هلا شلونك
هلا حبيبتي تعالي اريدچ

فيض.. شلون صار وسام
.. زين ويسلم عليچ

فيض.. الله يسلمه
گعدت ع الچربايه تباوعلي واني صافن بوجها احچي شبيك ساكت

رقه شلون صارت

فيض.. مو زينه
كلش مو زينه وحالتها دتتراجع يوم بعد يوم

ليش شبيها احچي

فيض.. ما عرفت شسوه طاهر

لا عرفت بس شي بسيط
انتي سولفيلي بالضبط شصار وياها

فيض.. اجه فجأه مدري منو گله هي هنا وعينك متشوف شسوه بيها جنزها لحد ما فقدت الوعي

. ضربها قوي يعني

فيض.. يا قوي شوف هذا
غير احتار شلون يضربها لا خله حزام لا ايد لا رجل شگد حاولنا ويا حتى يهدها بس ما ارتاح ولا فك ياخه عنها إلا ما شافها تكومت بالگاع بلا نفس

. الله ياخذك طاهر
زين احچيلي هي شگالت ما حچيتي وياها بالموضوع

فيض.. متحچي
. شنو يعني متحچي !!!

فيض.. يعني متحچي
من البارحه لليوم لا حس ولا نفس مجرد تفتح عيونها وتسدها هذا كل شي تگدر تسوي حتى اكل متاكل

صدگ تحچين فيض

فيض.. اي والله
اتصور انصدمت وهي منا حالتها النفسيه تعبانه فكملت وياها للأخير

.. زين شلون عايفها هيچ ليش ما اخذهوها للدكتور

فيض.. مو غير سيف تخربط وانشغل ويا
بس اليوم خابرني وگال حجزلها يم الدكتور وبلليل راح ياخذها اله

.. فيض لتعوفيها حاولي تخليها تاكل مو زين تظل هيچ

فيض.. والله ما عايفتها
شگد حاولت احچيها بس ماكو اگلك حتى مترمش لو تشوفها تنصدم من حالتها مثل صدمتها واكثر

اااخ يربي
المشكله ايدي متربطه هسه لأن هي بفترة عده وما اگدر اتصرف وياها اي شي بس اكيد وائل مراح يقصر

فيض.. اي لتخاف كل شويه يتصل يسألني عنها معايفها ابد

.. ماشي راح اگوم اسبح حتى ارجع للمستشفى
بلليل اخابرچ حتى تطمنيني عليها مو متردين وتشلعين گلبي وياچ