__بقلم '⇣♡كوثر ال دليم❈:
سند الملازم
عبير.. ليش واگف
بس حچيتها اجه گعد بصفي
باوعت علي شعره بي شيب هواي عبالك واحد عمره بالخمسين مو ٣٣ سنه
فجأه صار وسام بعيوني
وكأنو دا اشوفه گدامي بمكان مازن
بالمكان الي المفروض يكون بي هسه هو مو غيره
نزلت راسي افرك ايدي حيل من التوتر
شگد حاولت اتماسك واگول خلص انسي وابدي حياتچ من جديد بس مگاعد اگدر شبح وسام ميقبل يفارگني
لا ارتاحيت من چنت يمه ولا دا اگدر ارتاح واني بعيده عنه
مازن.. عبير
نعم
مازن.. اريد اگلچ شي كلش مهم
. تفضل اسمعك
مازن.. اني احبچ
صفنت علي فاتحه حلگي من الصدمه
بقى يباوعلي بابتسامه هذا شبي وشگاعد يحچي مگدرت استوعب كلامه بوقتها
مازن.. شنو راح تبقين ساكته
. شتريدني اگول
مازن.. يعني ابسط شي سأليني
شلون شوكت ليش شگد او ع الاقل سؤال واحد من ذني كلهن
.. شوكت حبيتني
مازن.. من زمان واني احبچ
. شلون يعني من زمان
مازن.. من چنتي بالكليه
مره من المرات رحت ويا ميس وعرفتني عليچ من بعيد
گالت شوف هذيچ البنيه الواگفه يم المصطبه باوعت عليچ بوقتها سحرتيني بهدوئچ ورزانتچ
گلتلها شبيها ؟!!
گالت هاي اخت عمتك صديقك عباس واسمها. عبير
من وقتها وانتي معشعشه هنا واشر على گلبه
قبل هنا واشر على راسه
. يعني هذا الحچي صارله سنين
مازن.. اي تقريباً خمس سنوات
.. لعد شعجب هسه يلا خطبتني
مازن.. ما ردت اظلمچ ويايه
.. شلون يعني تظلمني
مازن.. باوعلي وسكت
دنگ راسه ورجع باوعلي يعني طبيعة دوامي وتواجدي خارج المحافظه اغلب الاوقات مراح يخلي الترتبط بيه ترتاح بحياتها
. ما اشوف بيها شي
عادي يعني انتو الضباط هم بشر ومن حقكم تأسسون حياتكم وتكونون عائله حالكم حال الكل
مازن.. زين وانتي
ليش رفضتيني اول مره وليش رجعتي قبلتي بيه هسه
. ماكو سبب معين
ابن عمي خطبني ومن صار ويا الحادث تراجع عن الموضوع هذا كل شي صار
مازن.. وسام يعني
. اي
مازن.. حيل انقهرت علي
خوش ولد ميستاهل الصار ويا والله
ولو اني مقصر بحقه لحد الأن مرحت اشوفه واطمن علي بس چنت بالموصل قبل يومين يلا رجعت
.. ليش انت كل شگد تروح للموصل
مازن.. اني من الاساس دوامي ببغداد
بس بعد تعرفين الظروف المر بيها العراق بهاي الفتره غيرت مجرى الامور وتحول دوامي للموصل
ابقى قريب الشهر وانزل اسبوعين من لما الله يفرجها
YOU ARE READING
سند الملازم "
Mystery / Thrillerقتل. رعب. خوف.رهاب.داعش.حب.ضلم.نكسار القلب. خطف. كذب.خيانه. القصه غيرر عن باقي لقصص ليـّۓ ستلمتها طبعا هلمرة لقصه هاي ستلمتها تختلف تدريجين يجوز حنطول بيهاا لان لقصه واقعيه وبزمنه ه̷̷َـَْـُذآ لعبرة م̷ـــِْن هاي لقصه كلشي بيها ولمفروض ناخذ عبر احنه ...
