سند الملازم "

البارت 67

__بقلم '⇣♡كوثر ال دليم❈:
سند الملازم

معقوله حيجي ليوم ليـّۓ يربط بي سند ورقه اني مثلكم منتظرة هشي بفارغ صبرر

حسين.. دخلت بـ الليل للبيت
چانوا الكل گاعدين بالصاله بس رقه مو وياهم
سلمت عليهم وباوعت للمطبخ ما شفتها

الحجيه.. مريتك فوگ يبيبي لتدور عليها
. ليش خو ما بعدهي تعبانه

الحجيه.. ما اعرف لأن ما نزلت اصلاً من الصبح لسه

درت وجهي دا اصعد حتى اشوفها لأن بالي ظل يمها
صاحتني امي
باوعتلها شويه واجيچ يوم بس اشوف رقه

وئام.. تعال حبيبي
الكلام الاريد اگوله الك ضروري وميتحمل التأجيل

. خير ان شاء الله

وئام.. خير وليدي خير

حچتها وراحت للغرفه
باوعت البيبي شكو صاير شي ما اعرفه
هزت راسها وگالت بس الله اليگدر يعينك ع الجاي يحسين

صفنت عليها محتار ويا نفسي
معقول اكو مصيبه دتنتظرني لذالك بيبي حچت هيچ
عفتهم ورحت لغرفة امي دگيت الباب صاحت تفضل

. ها يوم خير

وئام.. تعال اگعد خل نتفاهم

.. يا ستار يا رب
داحچي بسرعه شصاير مو شلعتي الگلبي

وئام.. لگيتلك عروسه

.. هم رجعنا
شلون تالي وياچ بس فهميني

وئام.. لا رجعنا ولا شي
تدري بيه دا اشتغل ع الموضوع من يوم ما خطبتلك دعاء ولليوم واذا انت شايل الفكره من بالك اني گاعد تاكل وتشرب ويايه لليل نهار

.. يوم لتحاولين
مراح اسمع كلامچ واتزوج مره ثانيه لسبب واحد بس
لأني احب مرتي ومرتاح وياها وما اريد غيرها بحياتي

اما اذا تردين تزعلين مني فـ على راحتچ
المهم اني گدام رب العالمين ما غضبتچ بشي ولا چنت عاق وياچ بيوم من الايام

وئام.. مو بكيفك
اني خطبتلك شهد من ابوها واخوانها وهم وافقوا عليك
يعني بعد لا اني ولا انت نگدر نتراجع عن هذا الزواج

.. شنو هي بكييييفچ
شلون ترحين تخطبيها بدون مترجعيلي فهميني شلوووووووون

بعدين هاي يا شهد التردين تزوجيها الي
وحده طفله لا گد الزواج ومسؤوليته ولا تستحق اكسر رقه علمودها

وئام.. لتحچي على بت خالتك علمود هالحقيره

. واني هم ما اسمحلچ تحچين على مرتي وبت عمي علمود بت اختچ

وئام.. حسين لتعاند امك
اني شرطت وانت ومرتك وافقتوا يعني مالك حجه بعد حتى تتراجع عن كلامك

.. اي صح وافقنه
بس فكري بيها شويه ومتأكد راح تلگين الحق ويايه مو وياچ

عوفي رقه والسوته على صفحه
سيف ما فكرتي بي ؟!
ما گلتي شلون اجازي تعبه بالأذيه بعد كل شي سوا علمودنه خصوصاً وگفته ويا وسام