سيد القلعة 🏰 مكتملة 🏰

الجزء 4 🏰

البارت:4
افرا:تفووووووووو عليك انجيل كنت غادي نموت (تهدنات من شافت جارها انخيل)
انخيل:اويلي شوهتنا مالكي على هذا الغوتة
افرا:وهي كتوقف اش بغيتي واش عرفتي شحال ساعة
انخيل:هذشي قوليه لراسك الالة
افرا:وهي كتفتح الباب ياك ما طار عليك نعاس بسبابي
انخيل:بحال علمك الله 20عام وانا ناعس حتى جيتي انتي فيقتني
افرا:دخل دخل وانت داير بحال الحشمان قدام الباب ماشي عوايدك تسنى نقول لك دخل
دخل انخيل وهو كيدور بعينيه على المسكن البسيط
افرا:هيهوووو مالك كتشوف بحال أول مرة تشوف المسكن ايوا شفرتي شي همزة هذا المرة
انخيل:والو ناشفة القضية انتي فين غبرتي اليوم
افرا:وهي كتجلس و كتجبد كارو و تحط رجل على رجل و تشعل الكارو لهلى يوريك كنت ف عالم عجيب غريب رآه من أول البارح غابرة ا حبي وهي كتصوط دخان قدامو
انخيل:شاف فيها بنظرات حادة من بعد دور وجهو وفين كنتي
افرا:واش مزوجة بك وانا ما على باليش كنت في خلى دار بويا
انخيل:بعصبية فاش نهضر معك جاوبي ولا ما يعجبك حال
افرا:هيييييه ما تغوتش عليا رآه بيني وبينك غير جيوبة و البزاطم وهي كتوقف و تعطيه بالظهر و كملات من تخرج سد معك الباب
انخيل:بعصبية افراااااا
افرا تجمدات في مكانها هذا الصوت هو والله حتى هو و نفس طريقة الكلام و كيف كيعيط ليها ديما في أحلامها لا نقولو كوابيسها لي من صغرها ملحقاها بقات كدور بالعرض البطيء أما رجليها صافي جمدو ولكن تنفسات الصعداء من بان ليها غير انخيل أقف داير ايد على ايد وهو كيشوف فيها شوفات ممفهوماش
افرا:مالنا ما نخافوش واش كنتي كتحلم بيا هذا الليلة
انخيل:وهو كيقرب ليها سمعي من مصلاحتك ما تعصبينيش
افرا:اوووووه ناري خايفة وهي كتبعكك
انخيل:رآه خاصك تخافي الالة رفع صبعو السبابة والابهام حطهم على عنقها و ترفعات وهي كتخنق و كتحاول تبعد صبعانو عليه ولكن والو
افرا:ا...ا..انخييييل طلق طلق .اااا
انخيل:سمعي جيبي ليا لي خديتي من داري ولا والله حتى نقلب عليك الدنيا فوق راسك
افرا مع الألم و صعوبة تنفس ما سمعات والو اصلا ودنيها رجعات كتصفررررر هزها لسما اكتر و رماها مباشرة على الحيط
افرا:اااااااي طاحت نيشان الأرض وهي كلها مدكوكة و كتشوف فيه وهو داير ابتسامة و كيشوف فيها بعيون لامعة وهي كتنفس بسرعة و صدرها طالع نازال حسات بالدم نازل من نيفها شافت فيه
افرا:انت حيوان
انخيل:انا غير لعبت معك دابا اغراضي تكون عندي منين هزيتيها و دار عطاها بالظهر تمشي خطوات تقال و دار تاني عندها شاف فيها بابتسامة و دار خرج
افرا:الله ياخد فيك الحق ولكن غير بلاتي ا ز**** لقيتني عيانة شافت في ايديها لقاتها كتنزف تاني وقفات بصعوبة وهي كتعراج دخلات دوش غسلات وجهها و ايديها لوات على ايديها فاصمة جديدة و تقلبات في سريرها ناعسة
أصبحنا و أصبح الملك لله
فاقت افرا من بعد ما نعسات بزاف كانت ساعة 2 وقفات وهي كتعراج و عظام ظهرها واجعينها دخلات دوش كانت كتغسل سنانها وهي تفكر أنها ما فاقتش على صوت الشخص لي كتحلم بيه كل يوم و تفيق مخلوعة شافت في المرايا وهي كضرب وجهها لالا ما يمكنش يمكن انا مازال ناعسة انا اكيد كنحلم قرصات راسها لاااا انا فايقة كيفاش دابا واش تهنيت من لعنة الحلم و نفجرات كضحك بسعادة اووووووليييي اوووولي وهي كترقص في المرحاض بفرحة حتى كتسمع صوت جرس الباب
افرا:واخا واخا مالنا فتحات الباب كان انخيل
انخيل:صباح نور الغزالة مازال ناعسة
افرا:بعصبية ينعل أمك الغزال ينطح باك اش بغيتي تاني هزات ايديها لسما و نزلات عليه
انخيل:اويلي انتي مالكي وهو كيهرب وهي تبعاه
افرا:وقف لمك لقيتني البارح عيانة و كتهز الحجر و تشير عليه
انخيل:فين البارح واش انتي حمقا
افرا:شداتو انت لي حمق لمك لصقتني مع الحيط و كتهز رجلها و تضربو
انخيل:وقفييي وقفي اصلا انا 3أيام مشدود ياله طلقوني اليوم اش من البارح ولا بوعويد
افرا:وقفات مصدومة كضحك عليا تسحابني حمقا
انخيل:وا رآه فعلا كنقول حمقا شوفي انا ياله خرجت شدوني كنسرق في الحافلة
افرا:لالا وشكون هذاك لي شبعني عصا
انخيل: وانا مالي ما صدقتيش سيري سولي في المخفر
افرا:في عقلها واش ممكن يكون شبح ولا الغول تابعني لالا اويلي انا حماقيت يمكن كلشي أحلام اش داني ندخل لقلعة
انخيل:هيييه فينك واش انتي صافا
افرا:اش بنت لك كنرمي في حوايجي هزات صبعها سمع انت عمرك دخل عندي مازال و هي كترجع دارها و تسد عليها و مخليها انخيل مستغرب مال هذي واش حماقت ولا ضربها حمار النهار
من بعد ما خرجات افرا من قصر دافيد شد طيارة هو و خوتو لصين باش يشوفو شي مهتم بصور لي جابت ليه افرا كان جالس في بيتو و هاز كأس نبيد تفكر الصور و خداهم بقى كيشوف فيهم كانو صور تقول حقيقية حتى طاحت عينيه على وجه بنت سمرا شاف في عينيها بحال كتشوف فيه بؤبؤ عينيها كيلمع ولو أنها غير مرسومة ولكن خلقات فيه الرعب جمعها طواها بخوف و حطها وسط صندوق وسد عليها بحال خاف تخرج ليه شرب من الكاس و غمض عينيها حس بحال كيتجر وسط حفرة مظلمة و صوت مرأة كيقول ليه دافيد داااافيد خرجني من تما و نخليك تكون إمبراطور العالم فجأة وسط الظلام بان وجه مراة سمرا شعرها كلو مظفور ولكن هذي هي المرأة المرسومة فتح عينيه برعب من شافها وقف بجرا دخل طواليت فتح الما وحط راسو تحت الما وهو كلو كيترعد اشنو كان داكشي اكيد غير كتر الشراب خرج هز لوحات كلهم المرسومة فتح الصندوق و دخلهم فيه و سد عليهم بزربا حتى دخل عليه خوه جمس
جمس:رآه لقينا واحد مهتم بزاف باللوحات مستعد يعطي اي ثمن
دافيد:ما بقيناش غادي نبيعو والو
جمس:علاش واش انت حمق كيفاش رآه غادي نخسرو بزاف
دافيد:بعصبية انا بغيت اللوحات
جمس:اش غادي دير بهدوك الخردة شكون بحالنا لقينا غبي يقبل عليهم
دافيد:شاد في راسو صافي سكوووووت خرج عليا وهو كيدفع فيه برا وسد عليه الباب ما يقدرش يقول ليه لوحة هضرات معيا غادي يسحابوه حماق ولا لعنة القلعة تبعاتو شوية بدا كيسمع نفس الصوت المرأة دااااافيد دااااافيد ساعدني نخرج نخليك مالك العالم
دافيد:كيسد ودنيه سوووكتي بعدي مني ما بغيتش نكون مالك والو هز القرعة تاع النبيد و خبط بيها المرايا لي كانت قدامو حتى طار الزاج في كل مكان عاد حبس الصوت طاح على الأرض وهو غادي يحماق
دافيد:البنت السراقة اش كان اسمها اش كان وهو كيضرب راسو اه افرا خاصها تقول ليا اش شافت

عند افرا من بعد ما تهدنات و حاولات تنسى كلشي كالت و لبسات عليها و خرجات القصر كانت الساعة8 ليل وصلات القصر دقات ما كاين جواب بقات كدق اكتر والو من بعد دارت لسور نقزات كيف العادة لجردة مشات تجاه الباب دفعاتو لقاتو مفتوح دخلات بلا خوف وهي كتعيط دافيد جمس كاين شي حد هنا ما كاين صوت شافت ورقة محطوطة فوق الطبلة هزاتها كانت فوقها شي أوراق نقدية قرات فيها سلام الشفارة الغبية بلا ما تسناي نص مليون على زين خدمتك هدو شي صداقة لك وصافي وراه بزاف كاع عليك المهم من تقراي الورقة بلا ما تحاولي تسرقي شي حاجة راكي شوفتي اش وقع للعامل الباب خليتو لك مفتوح باش ما تقوليش انا شرير كنتمنى ما نشوفش كمارتك تاني اه ملاحظة كون خدمتي في دعارة حسن لك من سرقة خدمي زينك فشي حاجة تنفع هههههههه دافيد
افرا:الحقير شدات الفلوس كتحسبها هدو بنفعوني شهر ولكن كيفاش غادي نشوف دافيد مازال المتكبر المتعجرف فيقها من كلامها مع راسها غير صوت الباب نقزات بزربا قالت يمكن دافيد و خوتو رجعو
مشات تشوف حتى كتسمع تاني الباب تسد
افرا:دافيد هذا انت جمس شكون هنا شافت الباب مسدود ما كاين حد حسات بخوف يمكن غير البرد ولكن هي متأكدة سدات الباب من دخلات و دابا سمعات الباب تفتح و تسد
افرا:شكون هنا وهي كترعد
لا جواب فتحات الباب وخرجات بزربا نقزات من سور جات طايحة على ركبتها
افرا:ااااي تفو على نحس ساست سروالها وقفات كتمشى في نفس الطريق الخاوية تاع البارح وهي كتحس بحال البارح شي حد تابعها تلفتات مالقات حد
افرا:صافي رآه غير تخيلات يمكن قلة نوم هي سبب حسات بنفس تحولات لجنبها دارت بزربا والو من دارت لجنب لي حسات بيه بالنفس حسات بالنفس جنبها تاني دارت بزربا والو واخا تبغي تقوي راسها اي واحد بلاصتها مستحيل يقوى فشلو ليها رجلين تقول شبح كيلعب معها القشقاش وقفات بغضب و الخوف
افرا:انا عارفة انت ولا انتي ولا كاع اش تكون تابعني انا صافي عيت إلى كنتي رجل ولا جن ولا اش تكون كاع ملت مك بان ياله بان اشنو خفتي مني ههههههه عارفة راسي كنخوف داكشي علاش كتخبى بحال المش هي كتهضر و قلبها غادي يخرج من بلاصتو و طلقتها في سروالها ياله خرج ما تخافش ما غاديش نضربك غير كملات كلامها حسات بنفس تقول ثور فوق راسها حتى طار شعرها افرا زعامة كلها مشات ليها طلقات رجليها الريح رجعات لبنى السريعة كتجري و تغوت بحال شي حمقا حتى وقفها صوت شخص وراها
الشخص:دابا مالكي كتجري و تغوتي لي كان يسمع كلامك قبيلة يقول اقوى بنت في العالم هاهاهههههه
افرا تجمدات وقفات من الجرا شكون هذا طريق كانت خاوية منين خرج بدات كدور بالعرض البطيء وهي كتشوف من بعيد شاب طويل جالس على الأرض