سيد القلعة 🏰 مكتملة 🏰

الجزء 66 🏰

افرا:علاش كتقول ليا هذشي بحال كتودعني هىء هىء راه انا غير حمقة و محتاجة لك
بتسم ليها و هي نفجرات بدموع
رافا:سوكتي المحقة لعطاني الله سوكتي راني ما غادي فين شاف فيها بحب لاصق ف مك غير بردي تعالي تعالي قالها وهو كيعنقها اممممم نموت فيك
افرا:ياك ما ضربتي فابيان راك كنتي كتخلع فين لقيتيه بعدا
رافا:لقيتو في موعد غرامي هو و بنت كاتي صاحبة سوزي ولا ما عرفت اش اسم جدها
افرا:اواه سيد طالع كيشبه باباه
رافا:عقد حاجبو على انا مالي زهواني راه نحلف لك من نهار مسيتك ما مسيت شي وحدة و ما بغيت نمسها كنت اه كنت كل ليلة وحدة كل ليلة مخلوقة ولا نجمع جوج كاع لكن انتي بدلتني و فابيان راه غير متمرد علينا عاد فكرة أني انا الشرير مسيطرة عليه
افرا:وهي معنقاه كيفاش غادي نحيدو من عقلو أنكم ماشي الشرير
رافا:بابتسامة وهو كيلعب ف كرشها انا ما بقيتش بغيتو يحيدها من عقلو حاليا
افرا:شافت فيه اشنو ناوي
رافا:نموت على لكيفهمني ههه انا عاد ليلة خلعتو مزيان وقلت ليه انا هو شيطان و غادي نقتلك إلى هرب مرة اخرى او قال شي حاجة
افرا:اشنو واش حماقيتي اشنو هذشي غادي يزيد يكرهك
رافا:شاف فيها بحزن ماشي مشكل إلى غادي يكرهني و يبقى داير عقلو على حسابك ما عنديش مشكل و ما هي إلى وقت قصير و يتوضح كلشي غادي رجعو للقلعة عندي شحال من شغل بغيت هذا القصة تكمل بزربا حيت طولات بزاف
افرا:اش من قصة
رافا:أكيد هذا شيطان مل غاديش يبقى رابط ايديه غادي يدير شي محاولة انا بغيت أول حاجة المهم سمعي واعدتك ما نخبي عليك والو سمعي ووفهميني
افرا:اشنو راك خلعتني
رافا:ماشي شي حاجة كتخلع المهم مرة هضر معيا تنين أحمر ناري قال ليا أن مرتبط بيا و في بوابة العالم السفلى كانت مكتوبة روح التنين ليقدر يفتح الباب و الغريب كانت بوابة ف القلعة السوداء انا بغيت نعرف اش من صلة بيني وبين هذشي داكشي علاش بغيت رجعو لعالم الغول
افرا:كيفاش زعما تنين لكن انت ياك بشري فالأول اش من صلة بينك و بينو
رافائيل:كلشي غادي يتعرف فالوقت و أكيد قلعة الغول راه فيها أسرار بزاف ممكن تكون قلعة تاع مخلوق آخر من زمان وانا ورثها هذشي كلشي غادي نعرفوه ف مكتبة الأجداد و كارلوس لغادي يعاوني شاف فيها رابط حواجبو اه على فكرة داكشي لدرتي راه ما كيدارش كارلوس و كريست و عيلاتهم راه عائلة تاعنا هما جزء منا و حنا جزء منهم و عاد كل واحد عندو مشاكل كتيرة و ما يقدر يفوت الآخر و كارلوس راه ف مكانة فابيان انا مربيه عاد كريست يفدينا بروحو وهو خوك ما يفوتكش كيفاش تقدري تجري عليهم
افرا:ما عرفتش والله كانت ف فترة غضب
رافائيل:غدا غادي نمشيو و طلبي منهم سماحة حيت هما ما دارو والو اه بعدنا عامرين مشاكل لكن كنحبو بعضنا و انا قريب كنواعدك غادي نوقف هذا المشاكل كلشي

-في مكان آخر تحديدا ف حفرة الشيطان كان جالس ف عرشو و عروقو بارزة حتى ظهر قدامو مايكل
السيد:اش من خبار جايب تاني
مايكل:الغول لقى ولدو ف رمشة عين و سمعت أنو غادي يمشي مكتبة الأجداد هو و الساحر يقلبو على شي معلومة على التنين الناري
السيد:ضرب رجليه للأرض بعصبية إلى تاحدو ليا دوك جوج صافي انا مشيت فيها ما غاديش نخلي نفس قصة الماضي و نتقتل مرة اخرى سمع داك ساحر شوف كيف دير ليه صيفط لقتلو و نشر عبادة الشيطان ف كل العوالم بغيتهم يكونو ليا جيش كبير و جيبو نقاء القلوب افرا غادي تكون هي آخر الطقوس هي و بنتها النقية الدم كيبان ليا دابا أفضل وسيلة هي الهجوم كارلوس ما بغيتوش يبقى عايش ابدا
مايكل:عتبرو مات من دابا قالها و ختفى
فتحات عينيها و هي كتحسس مكان رافائيل لكان فارغ أكيد فاق قبل منها بتسمات بسعادة وهي كتسترج لحظات ليلية لكانت جامعها مع حبيبها و روحها الغول تحنات على فراشو كتشم فيه شافت جنابها كانت قميجة تاعو وقفات وهي عريانة لبساتها جاتها طويلة بزاف بحال كسوة تحت الركبة بتسمات اكتر و هي كتعنق القميجة فتحات الباب كيف فتحاتو عطات ريحة شهية بحال كيك و موسيقى ف المطبخ ستغربات شكون زعما يكون تقدمات تشوف حتى كتصدم برافا عطيها بظهر كيطبخ كان لابس غير شورت و حزام الطابلية معقودين من لور قربات لعندو وهي كتدخل ايديها تحت دراعو و كتعنقو من وسط حزامو
افرا:صباح الحب و الإحساس يا على ناس
رافا:بابتسامة صباح نور و سرور ا حبيبة دار عندها و تحنى باسها وهو كيشوف اشنو لابسة بتسم ورثيني قبل موتي ههه
افرا:ما تقول هكدا الله يخليك ليا اشنو راجلي لعزيز صابح حادك
رافا:وجدت لحبيبة تاعي أجمل فطور بيض كريب كيك سلاظ
افرا:ههه اح على شاف رافائيل اشنو المناسبة
رافا:عنقها و قرب همس ليها بسبب الاغتصاب تاع البارح لو ما عندي ميزة لحمي كيخفي الآثار بسرعة كنت تشوهت من ناس تشوف عنقي هز صبعو فوق نيفها ضربها بيه بخفة راك ما بقيتيش ساهلة
افرا:رجعت دلاحة هههه راجلي حلالي شغل اسيدي اشنو دخلك بنا ناكلو كاع
رافا:شاف ف عيونها لامعة بسعادة كوليني كل ليلة إلى غادي تبقاي هكدا
شاف وراه كان فابيان داخل دارت افرا تشوف اشنو كيشوف و بتسمات
افرا:صباح الخير حبيبي
فابيان:صباح النور امممم ريحة كتشهي اخيرا طيبتو لينا راني عيت من ماكلة المطاعم شاف ف باباه بسخرية جات معك الطابلية
رافائيل:عارف و ماشي مشكل إلى كنطبخ لمراتي حبيبتي عنقها  ياله تحركو حطو طباسل
فابيان:افرا نسيتي ما بستيني شريرة😠
افرا:الله أودي تعالى ياله بغات تقدم عندو حتى شدها رافا
رافائيل:هذي حبيبتي أنا الوحيد لتبوسني سير شوف لك حبيبة حتى انت
فابيان:و باز ناس كتكبر و تعقل انت كتخرف ايوا اشنو نعملو راك جد جد جد ديناصورات خاصنا نحطوك في المعرض تاع اخرف عجوز عندك زهر غير كنبغيوك قالها بلا وعي منو و كاع ما نتبه اشنو قال أما افرا و رافائيل شافو في بعضهم و غمزها رافا باش ما تعلقش لكن فرح فرح بزاف وهو كيشوف اسرتو الصغيرة مجموعة حداه و منساجمين وعد راسو فاعماقو عمر شي حاجة تشغلو عليهم واخا كيف بغات تكون

--كان ظلام حيت عكس عالم البشر من يكون نهار يكون ليل عندهم ف غرفة طاغي عليها لون الأسود كان ناعس وسط سرير و معنق الحبيبة تاعو لكان قال صافي غادي يخسرها لكن ربي كبير من بنادم كيبعد عاد كيقوى الحب قصدي الحب الحقيقي ماشي حب آخر كانت معنقاه وهي كتلعب ف شعرو الحريري بحب و هو ناعس غايب عن الواقع كان في منام غريب بزاف كان بوحدو في أرض كحلة كحلة بحال الظلام و هو هربان كيغوت و شخص ولا مخلوق غريب ما باينش وجهو ولا شكلو غير صوت رجليه و صوت غريب بحال سلاسل وراه تابعو شاف رافائيل و افرا إيمان كريست ريحانة من بعيد فرح حس بالأمان بدا كيغوت و كيجري عندهم ما حدو كيجري و هما كيبعدو وهو يجري هما يبعدو حتى ختفو كلهم طلق غوتة عالية و هو ما فاهمش اشنو واقع حس بشي حاجة كتخترق الجسد تاعو تحديدا قلبو نزل راسو كان سولجان على شكل قرون ختر ظهرو لقلبو ل صدرو وخرج وقلبو فيه معلق كيضرب و يضرب حتى ختفى طاح للارض وهو كيحس بالموت الموت الموت جاية كيشم ريحتها
نقز من فراشو بخوف و كلو عرقان
ريحانة:غير حلم غير حلم انا معك شافت فيه بخوف كنتي كتغوت عيت نفيقك كابوس خايب هذا
كارلوس:اه اه غير تهناي نمشي نشرب وقف وه  كيترعد أكيد ماشي حلم عادي يمكن إنذار يمكن موتو قرب ممكن أي شئ لكن ماشي حلم عادي