مخرج الهروبُ

الحلقـة-1-

الكاتبـة : شهد الحسـين
____________________________________
كعدت غسلت وجهي ورفعت شعري كعدت على التخم فتحت الدفتر المذكرات بديت أقرأ...
(نرجع شوي للماضي)
:- سمعت صوت صياح نزلت ركض وكفت يمهن

سمر:- اني شكلت شو البيت بعده مو نضيف ؟

ماما:- غير كاعد انضف شسوي اطير مثلا

سمر:- بسرعه نضفي البيت وراچ الغدة يلا وانتِ الثانيه تعاي وياي للمطبخ .

ماما:- صدك تحجين يامطبخ شتعرف هيه عوفيها امشي ماما روجين روحي الغرفتچ .

سمر:- لاوالله تجي تساعدني على راسها ريشه

ماما:- كتلج اني هسه اكمل واجي اسوي الغده بعد وكت يلا روجين اصعدي لتفهين .

سمر:- احنا بعمرها ننضف ونطبخ واحنا
ساكتين اشو هسه كلشي انكلب .

ماما:- لاحول لله امشي روجين ولي الغرفتج

روجين:- استغفرالله زيننن .

::صعدت للغرفه بدون مااحجي متعودين ؏ هل شي كل يوم دراما بـ البيت وابوي ب الشغل المهم اني روجين صف سادس ابتدائي عمري ١٣ ماعندي اخوان ابوي مزوج على امي اسمها سمر الحيه وامي فقيره راضيه وتطبخ وتنضف وساكته طبعا امي تزوجت ابوي عن حب وكفت كدام لكل ووافقت وهمه مسوو شي وتزوجو

بس اهل امي من وافقت على ابوي عافوها وكالولها مااطول اختاريتي بعد هاهيه ماانريدج وامي سكتت وسمر تصير بنت خال بابا وبين ليله ويوم تزوجها وسكتنه وهاي حياتـنه عايشين بهل الاكشن والدراما امـا اني عندي عمام ٣ بس عايشين بـ البصره بس احنا هنا ابوي وعمي علي وعمتي فاطمه بس هذول باقي ٢عمام وعمـه ثانيه ب البصره وعمتي فاطمه وعندها بنت زهور اقرب شخص الي ونفس العمر ...

:- دقايق البيت هدئ كعدت اراجع دروسي دقائق بس وصار صوت صياح سديت الكتب نزلت ادردم واهمس؛ شهل عيشه ياربي لكيت ابوي لازم امي وهيه تصرخ طفرت لها ودفعته بكل قوتي..

ماجد:- لج وخريي خلي اربيها .

روجين:- لا باباااا

ماجد:- وخري

:: مااحس غير انسحبت من ايدي بكل قوتي وشمرني احس ضهري صار نصين بقيت فاتحه عيوني واني اشوفها شلون تصرخ اريد اكوم مااكدر من الالم بسرعه دخلت عمتي فاطمه وياها زهور وزوج عمتي فاضل دفعه ..

فاضل:- شبيكمم شني السالفه هيه هيج .

ماجد:- وخر لاتدخل اريد اربيها لهل ساق***

فاطمه:- ولكمم كافي حسو بـ البنيه كافي حرام عليكم زهور اخذي روجين وروحي .

زهور:- تعاي يروحي لا تبجين

:: سحبتني صعدت فوك وتمسح بدموعي هيه نفس عمري بس احسها اكبر مني حينتها مثل عمتي حضنتني ...