مخرج الهروبُ

الحلقـة -35-

بقلم : شهد الحسـين
روايـة : مخرج الهروبُ

مدري وين تسافر عيوني بضحكتج..🤍🐺.
__________________________________
::بقيـت ابلعم شلون ابدي احچي وشلون احجيلـة واني من خيالي اخاف اخذت نفس وزفرت بهدوء واردڤـت …

روجين:- سمـ....سمر وچلال

مهاب:- منو چلال؟؟

روجين:- اخوها

مهاب:- كمـلي احچي

روجين:- سـ...سمر چـ..جانت تاخذني للمخزن وتقفلة علية وو....

مهاب:- ؏ كيفچ اهدي واحجي

روجين:- چانت تشوفني انواع التعذيب الي عمري مچان يجاوز الـ ١١ سنة ابوي چان يروح للشغل يجي اخـࢪ ليل وامي چانت تطلع تروح للسوگ او الصديقاتها او اي وحدة هيـة چانت تستغل هل فرص

مهاب:- ڪَـملي .

روجين:- وو...تاخذني تقفل المخزن علية وجانت تچوي ايدي وچسمي كلـة الى ان مرة وصلت بيها چابت مگص كصت شعري ع النص

مهاب:- ابوچ امج شيگولون؟؟

روجين:- امي تشوف شعري واكللها گصيتة اني وجانت تضربني لان اسوي هيج من كيفي عبالها اني وچنت البس ملابس وتراكات واسعة حتى ليبين الاثار

مهاب:- ليش ؟؟

روجين:- چانت تهدد بية اذا حچيت تضربني وتسوي الاسوء وابـوي صح يحبني بس ماجان مهتم هلگد وجنت اخاف اكللهم لان سمر ترجع تضربني

مهاب:- گملي بابا

روجين:- وچنت اتوسل باامي وين ماتروح تأخذني بس جانت ماترضى وتبقيني يم سمر

مهاب:- شلون تبقيچ يم سمر متخاف عليچ ؟؟

روجين:- اصلن هية چانت ماتهتملي هواي وچانت تكول سمر مالها خلكچ ولا تسويلج شي وجانت تضربني وتعاقبني لو بچيت الى ان تعبت وصرت باردة حيل حتى من جانت تاخذني سمر للمخزن تسوي الي تريدة ويبـࢪد كلبها واني عادي ولا گانو صاير شي صرت ماابچي ؏ گد مأياذيني بس ماابچي

مهاب:- وشگد بقت هيج تسوي الكحـ***

روجين:- سنة واخـر شي شافت ميڤيد هيج من شافتني ولااهتم لها رغم تسوي گلـشي

مهاب:- شلون ساگتة

روجين:- طفلة مابيدي اسوي شي تخوفني واسگت شتتوقع مثلا شسوي !!

ومهاب:- وامچ

روجين:- امي چانت تشوفني اخاف من المخزن ماتستغرب عادي يجي ابالها لان طفلـة والمخزن ضلمة وهيج اخاف وچانت تهددني لو ابجي لو اعارض كلمتها تاخذني للمخزن

مهاب:- وهية متعرف سبب خوفچ

روجين:- اي عبالها لان ضلمة وهوة مابي احد بس ماتدري بـي صار الضلام عندي شي عادي بـ النسبة للصار