مخرج الهروبُ

الحلقـة -12-

بقلم : شهد الحسـين
روايـة: مخرج الهروبُ

انا لست ب هذا التعقيد ، فقط انني
اخشى ان يفهمني احدهم جيداً . .
__________________________________صوتو مـنن النچمة 💙🦋

كعدت متكسرة وراسي موتني وچع دورت على اي شي ماكو لبست بسرعة اروح العـمتي تنطيني علاچ شفت الساعـة بـ ٩ بليل احي شكد نايمة ومااحس طلعت بقيـت امشي ثواني وصارت سيارة بوجهي طلعـو اثنين ملثمين طفرت من مكاني اريد اركض احس رچلي جمدت من الخوف اجة تقرب يمي بسرعة ولزمني وحط قماش ؏ حلكي بعد مااحسيت بشي..

زهور:-
::كعدت فوك اتصلت ؏ روجين ماكو عرفت هسه نايمة اتصلت ؏ محمد ورد..
-هلا محمد شلونك ؟

-هلا واللة شعجب ذكرتيني

-جنت أنضف وملتهيه وصلتو من وكت .

-اي هسه دخلت للبيت

-تمام روح ارتاح عود بعدين اتصل

-تردين شي ؟

-لا سلامتك روح ارتاح

-يلا مع السلامه

-اللـة وياك

::سديت المبايل رجعت اتصل بـ ࢪوجين هم ماكو طامسة بـ نوم عفتها وتمددت اباوع على المبايـل والصورة ...
-ولجج كومي مااشبعتي نوم

زهور:- لا هههههه

فاطمة:- دكومي يلا حتى ننضف البيت

زهور:- لاحكـة واللة لاحكة .

فاطمة:- انجبي كومي يلا

زهور:- سويلي ريوك حبابة

فاطمة:- كومي سويلج وتريكي يلا لاتشلعين كلبي

::كمت غسلت وجهي سويت ريوگ تريكت وبديت انضف البيـت وي امي..

روجين:-
::كعدت متكسرة وراسي راح ينفچر من الوجع اباوع على ايدي مربطة وحلكـي مشدود اباوع على الغرفة كلها ملابس بـ الكاع والمكياج بكل مكان اذني انزرفـت من صوت الاغاني دخلت وحدة لابسـة فستان قصير حيل والشعر احمر والمكياچ ع اخر حبـة تقربت مني لزمتني بقوة من كتفي واردفت بفحيح..
-هاي ياحلوة شلونج

-وخري ايدج منو انتِ وين اني ؟

-ههه بـلا عصبية وعناد راح تصيرين مثلنة

-شنو مثلكم وخري مني .

-هههه جوعانة؟

-جاوبيني

-جوعانة

-ماريد سم اريد اعرف اني وين

-بعدين

::عافتني وطلعت بقـيت كاعدة واصيح محد يسمع من الاغاني بقيت هيج دخلت وحدة غير هذيج ولابسـة هم فستان بس استر شوي
تقربت مني واردفت بخوف ..
-انتي زينـة؟