Loving You For No Reason

Chapter 8

Chapter 8 | About

"Ang sarap talaga ng puto na gawa ni Tita Cecilia!" puri ni Frost na katatapos lang ubusin lahat ng putong kinuha niya mula sa handa ng kanilang klase.

Kasalukuyang kumakain ang lahat dahil tapos na ang mga palaro. Si South ang nagdala ng paborito nilang puto na gawa ng kanyang ina at may mga naka-reserve na agad para sa kanilang magkakaibigan.

"Buti may time si Tita Lia para gumawa. Rush pa naman 'tong Christmas party natin," komento ni Lion.

"Nakaramdam na rin daw kasi siyang baka mag-request kayo kaya 'di na siya nagulat kagabi nung sinabi kong magdadala ako sa school," natatawang paliwanag ni South. "Alam niyo namang mahal na mahal kayo ng nanay ko."

Lahat silang magkakaibigan ay nagsitawanan sa tuwa dahil iba talaga ang pag-aalaga ng mama ni South sa kanila. Sa lahat ng mga magulang ng apat, si Cecilia ang pinakamalapit sa apat. Sabi nga nila, kung gaano kagago si South, gano'n naman kabait ang nanay niya. Nagduda pa sila dati kung anak ba raw talaga si South ng mama niya.

"Malapit na nga birthday mo, sa 19 na! Anong plano? San tayo gagala?" Frost asked excitingly.

"Sa 19 na birthday ni South?" sabi ni Xamuel na para bang ngayon niya lang iyon naalala.

"Luh, 'di mo alam? Fake friend," pang-aasar ni Frost. "Ang dami mo pang kinaing puto 'di mo pala tanda birthday ni Timog. Dahil diyan, babayaran mo daw. Sa GCash ko pinapa-send ni Tita Lia 'yong bayad."

Natawa si Lion noong sinubukan ni Xamuel hampasin si Frost. Agad nakailag si Frost at tumayo para tumakbo palabas ng kanilang room. Napatayo rin tuloy si Xamuel para habulin ang tuwang tuwa nilang kaibigan.

"Puta, ang ingay talaga ng dalawang 'yon 'pag busog," bulong ni South na sinang-ayunan ni Lion.

Tahimik nilang hinintay bumalik ang dalawang naghabulan sa corridor habang kumakain ng maja blanca. Maingay ang buong klase dahil may kanya-kanyang usapan ang bawat grupo. Tanging ang pwesto lang nina Lion at South ang payapa na tila ba hindi sila apektado ng kahit ano. Napagod si Lion kanina dahil isa siya sa mga naging host at napagod naman si South dahil lahat ng games sinalihan niya, cash prize kasi ang premyo.

"Saglit, tang ina! Kakainin ko pa fruit salad ko! Natutunaw na, gago!" sigaw ni Frost para patigilin na si Xamuel.

"Ikaw din pala susuko, e," mayabang na sabi ni Xamuel. "Sa susunod, kilalanin mo muna bubudulin mo, ha."

Frost just made a face and sat on his chair beside South. Naupo na rin si Xamuel sa upuan niyang katabi ni Lion.

"So anong plano sa birthday mo, Timog?" Muel asked before he drank his soft drink.

"Wala."

"Wala?" Frost repeated.

"Wala, ayokong kasama kayo sa birthday ko," masungit na sabi ni South na kinatawa ni Lion.

"Ouch, sakit mo," naiiyak na komento ni Frost at nagkunwaring nagpupunas ng mga luha.

"May ibang plano ako saka isa pa, baka abala na rin kayo sa ibang bagay. Sa birthday na lang ni Frost tayo gumala," sabi ni South.

"Kailan ba birthday ni Frost?" Xamuel whispered to Lion.

Bago pa man makasagot si Lion, nahuli ni Xamuel ang matatalas na titig ni Frost.

"Hindi ka kasali sa birthday party ko, Muel! Sinasabi ko sa 'yo! Kahit isang shanghai o noodle ng spaghetti 'di ka makakatikim!" babala ni Frost na kinatawa nilang lahat.

"Wala rin ba siyang souvenirs?" Lion asked, almost tearing up.

"Lalo na ang souvenirs! Wala kang matatanggap kahit imbitasyon, sinasabi ko sa 'yo." Tinuro pa siya ni Frost bago tumalikod at umaktong nagtatampo.