Loving You For No Reason

Chapter 11

Chapter 11 | Stay

Halos mabingi na si Xamuel sa usapan ng mga taong nasa paligid niya. Lahat ng seniors at juniors ay sabik na para sa nalalapit na prom. Dumami na rin ang mga naghahanap ng date noong bumalik sila sa klase. Halos araw-araw yata ay may pumupunta sa mga room para magpapansin sa gusto nilang yayain.

Hindi madalas magsuot ng earphones si Xamuel sa eskwela, pero kinailangan niya ngayon para hindi maubos ang pasensya. He never felt so bitter. Kalagitnaan na ng linggo at pareho pa rin ang ganap sa campus. Napapairap na lang si Xamuel tuwing may nagtitilian at nag-aasaran sa daan.

"Baka hindi na bumalik mga mata mo," tawa ni Lion. "May plano ka na ba kung paano yayayain si Klassey?"

Xamuel snorted. "Bakit ko pa yayayain, paniguradong si Derrick isasama niya."

"Petty."

"Just saying! Also, I'm not in the mood for parties and prom shit. Gastos lang."

"Required 'yon."

"So? Hindi naman ako babagsak sa simpleng hindi pag-attend. Sobra-sobra na grades ko, Li."

Lion shrugged. "Whatever you say."

Bumalik si Lion sa pagsusulat ng notes habang nanatili si Xamuel na tulala–saka lang nadistorbo ang paningin niya nang umupo si South sa kanyang harapan. Biglang sumagi sa isip ni Xamuel ang pabor ni Yara. Hindi pa sila muling nagkaka-usap at nagkikita simula noong nagsimula ang klase. Napatanong si Xamuel kung gusto kaya ni Yara maging partner si South sa prom. If ever Yara wanted that, Xamuel thought this was the right time to introduce her to South.

Xamuel observed South as the guy took down notes. Paminsan-minsan ay tina-tap ni South ang phone screen na tila ba may inaabangan. Xamuel never asked nosy questions about South's life because he knew South would share only if he was comfortable. Ang alam lang ni Xamuel, parehong nurse ang magulang ni South at OFW ang tatay niya. Malapit silang magkakaibigan sa nanay ni South dahil madalas silang ipagluto ng special puto tuwing bumibisita.

Bukod roon, wala nang ibang alam si Xamuel, lalo na sa aspetong may kinalaman sa babae. Hindi sigurado si Xamuel kung may pag-asa ba si Yara o sadyang nahahawa na siya sa pagiging delusional ng babae. Matagal na niya itong pinag-iisipan at ngayon lang nabuo ang desisyon ni Xamuel.

Xamuel stood up and sat beside South. Napatalon si South sa gulat na kinatawa ni Xamuel.

"Para kang tanga. Kanina tulala lang tapos tatabi bigla sa akin. Problema mo?"

"Ang sungit mo naman. Bad mood? Binasted ka ba ng niyaya mo sa prom?" tukso ni Xamuel, nagbaka sakaling may makuha siyang impormasyon kay South.

"Saan mo naman 'yan nakuha? Hindi ako pupunta sa prom."

Kumunot ang noo ni Muel. "Kahapon lang may dalawang babaeng kinausap ka, ah. What happened?"

"I rejected them. Hindi naman ako interesado sa prom. May valid excuse din naman ako dahil araw iyon ng entrance exam ko sa dalawang university."

"Dalawa?"

South nodded. "Isa sa umaga tapos may isa sa hapon."

"Grabe, good luck, brad."

"Ngayon lumayo ka na sa akin."

Inakbayan ni Xamuel si South ngunit agad umiwas ang kaibigan. Ang hirap talagang kausapin ng isang 'to!

Xamuel chuckled. "Saglit lang, may sasabihin pa ako."

"Pakibilisan, naiirita na ako sa 'yo."

"Gago–kasi may gustong magpakilala sa 'yo–"