بغيتو تركي ❤️مكتملة❤️

الجزء 1 ❤️

♥•• بغيــــتو تركــــــي ••♥
🖎بقلـــم عيمق السلاك
♠•• قصــــة قصيــرة ••♠
🎀 •• الجــــــــزء  1  •• 🎀
ـــــــــــــــــــــــــــــــــــــــــــــــــــــــــــــــــــــــــــــــــــــــ

دخلات لداخل وهنا حسات بسخونية شوية جرات باليزتها وغاديا لاستقبال وعينيها تيدورو على التيتز يمين وشمال

نسيمة: سلام انا حجزت مسبقا هنا

الاستقبال:مرحبا عطيني البطاقة الوطنية تاعك

نسيمة جبدات ليها لكارط

الاستقبال عينها فالبيسي ومع سميتها تا طلعات ليهاوهي تجبد لكارط تاع لغرفة ديالها ومداتو ليها  : وي تفضلي انسة لمزغب

نسيمة لحمها بورش عليها ولقرون قربو يخرجو نترات ليها لكارط تاع لغرفة وزادت غاديا تتخبط غا وحدها : لمزغب لمزغب سير الله يعطيك الزغب بين السنان يا الصفريطة يا بوفسيو

المساعد هز ليها فاليزاها وراتو لكارط وهو يديها نيشان لغرفة وبقا واقف تيتسنا مسكين فالبقشيش

نسيمة دخلات لفاليزا وسدات ليه لباب على وجهو : بقيتي ليا غا نتا جوج ريالات راه زايدين فيا

دارت تتشوف فالغرفة شحال زوينة ومنضمة هي متوسطة ولكن بنسبة ليها راه تضوبل بيتها على تلاتة صغرات عينيها فواحد لبلاصة ومشات تتجري وهي تلاح فوق السرير تا تبومبات وتشتحات حالا ايديها: الله هادشي شحال رطب افينك يا سداري بوكريشة لي عندنا والسلوكة لي يظلو يضبرو فيا اممم

بدات تتقلب تتقلب تا وصلات لعند التيليفون لي تما هزاتو وبدات تدوز على الارقام وتيجاوبوها خدمة لغرف وهنا بدات تضومونضي متاكل وتبيعصص عليهم بدوك جوج كلمات لي حافضة

السيدة تقنات الدور تاع الطبقة البرجوازية وناضت تحل الزاج تاع البالكو وطل منو تاهي على لمناضر غير حلاتو وهو يشحطها لبرد درب الباب تا رجع فيها جابها مخبوطة لارض وقفات سداتو بزعاف
نسيمة : اتفوو حديد الشينوا خراشش لافار

••لباب تيدق••

نسيمة ناضت وقفت غادا تتعرج مقصحة وهي تخرج ليك واحد الصوت عا مول لحوت وتيبرح بكبايلة سردين : وااااا شكوووون

موظف خدمة الغرف معرفو اش يقولو معرفوها تا اش قالت حتا تتحل عليه لباب بتاسم ليها لعامل ودخل دافع ليها الطبلة المتحركة لداخل

نسيمة غا شافت لماكلة وهوما يتخالطو عليها اللغات: شكراا شكراا ناماسطي تشيشي لرحمالديك تسنااا هاك هاك والله تتهز ليك لحيمة فخبيز
....