بغيتو تركي ❤️مكتملة❤️

الجزء 2 ❤️

♥•• بغيــــتو تركــــــي ••♥
🖎بقلـــم عيمق السلاك
♠•• قصــــة قصيــرة ••♠
🎀 •• الجــــــــزء  2  •• 🎀
ـــــــــــــــــــــــــــــــــــــــــــــــــــــــــــــــــــــــــــــــــــــــ

العامل بقا غير تيشوف فيها اش تتخربق حتا هزات لخبز وبدات تدير ليه فيه شلاضة وشوية تاع لحم

نسيمة : شد شد متحشمش راه ملقيتيش عندي الصرف

العامل بقا غير مصدوم: لا ميمكنش امدام

نسيمة بدات تضحك وهي غاديا وهو مبعد: ياويلي تا شد كالا كاعما تيشبعوكم مشافك حد شد يتعق فيك الروح شد

العامل: لا امدام ميمكنش

نسيمة تتشوف فيه غادي سالت وهي تحطو ليه فجيبو ودارت تتلحس فصبعها : مم هادشي بنين واخا  شوية مسوس

كحزات لكرسي وكلسات تتاكل مرة دير رجل فوق رجل وتبدا تعوج بحال الا كاينين لكامرات وتيراقبها شي حد شوية وهي ترجع تاني تتفتارس تا شبعات وهي تدفع الطبلة ورجعات لور مسرحة على الكرسي وحلات الصدفة تاع المونطو باش تنفس: اااااالحمد لله ودابا غا شي تدويشة تقاد لعظام

وصلها ميساج طرن طرن

دورت عينها لساك فوق السرير وهي تنوض غاديا لعندو حلاتو جيدات تيليفون وفتحات لميساج كان من بوراك تلاحت تما وبدات تتهضر معاه قالت ليه راها جات لتركيا وبغات تلاقا معاه غدا تاهو ماشي من لعاكزين دغيا وراها لقهوة لي تجي ليها تصورات وحطاتها فسطوري افيك الثلج تاع تركيا من الزاج وسكت ليها تيليفون ناضت دارتو فشارج وهي تمشي تدوش خلات واحد لعاملة اخرا هي لي جات جمعات الطبلة ومشات

نسيمة ناري ناري فاش لقات لبرودويات تما واهيا لعالي دوشات بيهم هوما كتر من لما بقات تتكب تتكب وهزات شي وحدين حلفات حتا تديهم معاها واها تعرف تخشيهم فكيلوطها خرجات بعدما اغتاصبات الدوش مسكين وتعدات عليه مع سبق الاصرار والترصد و غادا تتغني من لفوق

وايا دلالي وايا دلالي واش تيقولو فينا وا جيلالي وا جيلالي وراه تينممو فينا وا دلالي وا دلالي واش وراه تيهضرو فينا

حتا تتصدم بواحد المنظر ديال الطبلة نقيا هزات ايديها تالفوق وهي تخبط جنابها: اوييلييي حيييي داو ليا كسكروط تاع لحم لبط لي كنت بغيت نديه لحليمة اويلي كسكرووطييييييييي..