💎مكتملة💎
❌حصرية على الواتباد ❌
👑👑 قصة قصيرة كوميدية 👑👑
《》 بعنوان : #بغيتو_تركي《》
••• للكاتبة عميق السلاك ••• ✍✍
القصة بطاابع واقعي كوميديييي يا الباايرات 😂😂😂
صحاباات بغيتو تركي اجيو اجيو وعيطو على صحابا...
خرجات تتجري وتقول مجريت وسط التلج ميمكنش ميمكنش هادشي لي وقع ليها مستحيل بقات غير تتجري باغا غير تبعد من بنادم وهي ولا كلشي تبان ليها موسطاجاتهم تيشبو بيهم فالارض وكل واحد شاد موسطاجو تيضفر فيه ولاخر تيشطب بيه الثلج بداو تيجيوها هلوسات مزغبة خلاوها تبدا تجري بحال شي حمقة لايحة صاكها وغا تتجري
واحد ياله بغا يطلع فطوموبيلتو حتا تيشوف الساك طايح ولبنت غادا تتجري بقا تيشوف فيه وهو يهزو وغادي تابعها وتيعط عليها : انسة انسة
نسيمة دورات غير عينها تيبان ليها واحد الكتلة تاع الزغب تابعاها هي تجري وزغب تابعها تيجري هي تجري والزغب موراها تيجري ....
والسيد مسكين سخفاتو ولا هي بغات توقف حتا تيجري سبقها وهو يدفعها طاحت وطاح تاهو حداها مخبوط على ظهرو تيرجع فالنفس
نسيمة وجهها مخشي فالتلج شوية بدات تتخبط فيه بايديها وتضرب فالارض هزات راسها تتبكي وتغوت تا تفشات جات تدور لجهة لاخرة لقاتو مشبح كاع لاحت فوقو التلج وناض تيسوس فيه بقات تتشوف فيه اللحية والعوينات والحروف التركين الزينين بقات غا حالا فيه فمها
السيد مسكين بقا عا تيشوف فيها جاتو بحال شي مسطية غير دابا كانت تتبكي وشوية سكتات وبقات مبلوكية والتلج فوق نيفها فشفارها فشعرها منضرها كان تيضحك وتاهو مقدرش يحبس الضحكة على شكلها بدا تيضحك بضحكات متابعين خفاف غادين وتيعلاو
نسيمة بقات غا تتشوف فيه شوية بدات حتا هي تضحك غا وحدها وهوما يقلبوها ضحك تماا
