بارت 21
بسم الله
-
-
عدا شهرين وكانهم سنتين على ام ذياب كان الوقت ليل يوم دقوا على بو ذياب
(المستشفى): الو سلام عليكم
(بو ذياب): وعليكم السلام منو معاي؟
(المستشفى): مستشفى......
اول ما سمع بو ذياب اسم المستشفى قام واعتدل ف يلسته
(بو ذياب): امر اخوي
(ام ذياب): شو فيه؟
(المستشفى): حبينا نبلغ حضرتك انه المريض ذياب ولد حضرتك صحى من الغيبوبه ومسموح لك انك تزوره غدا ان شاء الله
معرف بو ذياب شو يقول شو يخلي من الفرحة الي فيه
(بو ذياب): جزاككك الله كل الخيررر عسى ايامككك كلها بشارة ويفرحك مثل ما فرحتنييي
وتم يدعي له لين ما بند الخط
(ام ذياب): تكلمممم شو في؟؟
(بو ذياب): ذياببببب نش ولدناااا نششش
لا شعوريا ام ذياب بدت تصيح
وقامت
(ام ذياب): قوم قوم خلنا نسير المستشفى قومممم
(بو ذياب): ما يستوي
(ام ذياب): شو ما يستوي شو ما يستوي؟؟؟ ابا اجوف ولدييي
(بو ذياب): هدييي باجر بنسير انتي احين ريحي
(ام ذياب): ما برتاح الا لما اجوف ولدي
(بو ذياب): نزين ذياب توا نش من غيبوبته خليه يرتاح شوييي
هدت ام ذياب شوي
(ام ذياب): باجر توديني عندهه اول ما نقوم نتجهز ونطلع
(بو ذياب): ما بنتريق شو؟
(ام ذياب): لاااا سيده عند ولدييي
(بو ذياب): خلاص ان شاء الله ان شاء الله
(ام ذياب): بسير بخبر علو
(بو ذياب): لا تخبرينه
(ام ذياب): ليش؟؟
(بو ذياب): خليها مفاجأة
حبت ام ذياب الفكرة
اما عند علي الي حس بشعور غريب بس حلو
-
ف صباح اليوم الثاني نزل علي ولقى امه وابوه قاعدين يتريقون باس راسهم وقعد معاهم يتريق صارلهم فترة وهم الثلاثه الي بس يتيمعون على الريوق
(علي): صباح الخير
(ام ذياب): صباح النور
(علي): بعدني ما تعودت على الريوق يكون فيه نحن الثلاثه بس
ابتسم بو ذياب
(بو ذياب): اباك تتجهز وتاخذني انا وامك المستشفى
لمعت عين علي
(علي): في خبر عن ذياب؟؟
(بو ذياب): للاسف لا بس حابين نزوره
(علي): نسيت انتوا كل يوم تسيرون
تريق علي بس ما كل وايد لانه شهيته منسده
قام وتجهز وشغل الموتر
(علي): الله يقومك بصحه وسلامه ياخوي
شغل الموتر وركب بو ذياب يدام اما ام ذياب ف ركبت ورا وحركوا للمستشفى
دش علي وسار للوبي وخبرهم انهم يبون يزورون ذياب
(بو ذياب): علي خلك مع امك انا بخلص
(علي): لا ابوي ما يحتاي
(النيرس) بالانجليزي: غرفة المريض قد تغيرت توجهوا لغرفة - - -
استغرب علي
ورد صوب امه وابوه
(بو ذياب): ها يلا ؟
(علي): هيه بس مغيرين غرفته مودينه غرفة ثانية
سار الكل صوب الغرفة
وام ذياب ما رامت تتحمل اكثر
(ام ذياب): علي اباك تدش اول واحد
حس علي بروحه وقلبه الي ينبض كانه في حد يترياه داخل عكس العاده
دش بسرعه
وجافه جاف اخوه الي قاعد وراسه ملفوف ويناظر بالدريشة
على كثر ما هو انسان بارد وما تحركه مشاعره بسرعه
دموعه نزلت اربع اربع على طول نزل يسجد ويشكر ربه
ام ذياب دشت وجافت علي وهو يصيح وساجد وصاحت
وبو ذياب دمعت عينه وما تحمل هول الموقف
ذياب يطالعهم ودموعه ف عيونه زعلان على حاله وعلى حال امه وابوه واخوه وكيف هو تهور بس اكثر شي مزعلنه فراقه من حبيبته
(ذياب) بتفكيره: انا كيف قدرت اخونها؟؟ كيف؟؟؟
-
عند شوق
الي نشت وهي تصيح وكانت لطوف معاها صارلهم شهر وهم جي كل ويكند فحجرة وحده
وما رامت ما تشهق فزت لطيفة على طول من نومها
(لطيفة): بسم الله شو فيججج؟؟
(شوق): معرف معرف
اندق عليهم الباب
(لطيفة): سيري الحمام (يكرمكم الله) وغسلي ويهج انا بجوف منو عند الباب
(شوق): ان شاء الله
قامت شوق وسارت غسلت ويهها وتسمع تمتمات وهمسات خافت عبالها جن
وطلعت بسرعه
(احمد): شو فيج؟؟
(شوق): معرف سمعت نفس الهمس خفت
(لطيفة): مافي شي انتي تتوهمين
(شوق): جب جب هيهه شو مستوي؟؟
(احمد): ذياب
قلب شوق طاح من سمعت اسمه كل المشاعر الحزن والفرح والكره والحب ردولها
(شوق):...هيه و شو فيه ذياب عسى ما شر؟
(احمد): الشر ما اييج توه عمي مسوي حق ابوي وقاله انه ذياب نش من غيبوبته
(شوق): حمدلله على سلامته
رن فون احمد
(احمد): نسيتتتت صنعه
(لطيفة): ههاي انجوي بتذبحك احين
(احمد): اص
(شوق): جنك قمت تسحب علينا وكله مع حبيبتك
(لطيفة): بس؟ ولو يلس عندنا يلس مال خمس دقايق وقال ارمس صنعه احسن لي
(احمد): جب جب تغارون احين
(لطيفة): منو بيغار ع شيفتك غير الهرمه صنعه
(احمد): اونه تغار علي؟؟؟
(شوق): احين انتي انجوي ما بيهدج
ضحكت شوق ولطيفة تمت اطالعها
(لطيفة): ترا عادي تفرحين مهما يكون تراها مب نفس اي شخص قابلتيه ف حياتج
ابتسمت شوق على كلامها اما احمد
(احمد): شسالفة ؟
(لطيفة): ما يخصك
(احمد): افاااا مب مهم احين تعاليي
سحب احمد لطيفة
(لطيفة): ايييي هدنييي
وبندت شوق باب الحجرة شلت فونها وسارت عند رقم ذياب ما تعرف هل بيرد ولا فونه تهشم ومعاه الرقم
يرن ويرن ومافي اي رد
يت بتبند
(ذياب):....الو
(شوق): حمدلله على سلامتك
(ذياب): الله يسلمك
عرفت شوق انه عند اهله
(شوق): حبيت اتحمد لك وبس
(ذياب):...ما قصرت يالغالي
(شوق):....ما بطول عليك
(ذياب): ترييي ما عاد يهمني شيي انا ابا اعتذر وعدل
(شوق): ذياب وفر اعذارك انا ما دقيت عشان شي بس عشان اقوم بالواجب
(ذياب): صدقينييي ف ه الدنيا كلهااا مابا غيرج دخيلجج شوق لا تعذبيني اكثر يرحم والديججج
(شوق) وعيونها بدت تدمع: ذياب انا ويشهد الله اني احبك بس انت خنتني
خنتنييي؟؟ وخنت العشرة الي بينا وخنت ثقتي فيككك دمرت علاقتي مع اختيييي عشانكككك بس انت شو سويت؟؟
(ذياب): لووو اختجججج ما دخلت حياتج علاقتنا كانت بتم اوككك هي خربتتت كل شيييي ما عليه يا شوق ما عليه
(شوق): انت منافق؟؟؟ ولا مختل عقليا؟؟ لا شكله الحادث صدق اثر فيك انت خنتني وتحط اللوم على اختي؟؟؟
بند ذياب الخط
-
تم بارت 21
To be continued...
السموحه على التاخير لانه دراسه وضغط 🥲
