ساكنة فؤادي

الفصل العشرين

البارت ال 20

( قبل الأخير )

&&&&&&&&&&&&&&&&

بعد مرور شهرين
يوم فرح رقيه و ادهم ..

في ڤيلة عز ..

ـ عز : خلصتي يا روحي ؟
ـ ليله : اممم .. هو علي فين ؟
ـ عز : علي سبقنا من بدري و راح عقبالنا .
ـ ليله : م انت عارف اني بطول ف اللبس الله .
ـ عز حضنها من ضهرها : انتي تعملي اللي انتي عايزاه يا روحي .
ـ ليله بدلع : م انا عارفا .. وسعلي كدا بقا خليني البس الجزمه .
ـ عز : تؤ مش مهم الجزمه اقولك مش مهم الفرح اصلا اي رأيك اخدك و نطلع على شرم على طول مش لازم نستنى ل بعد الفرح .
ـ ليله بضحك : ولله دي رقيه كانت ولعت فيا استحمل بس الكام ساعه دول و بعدين نسافر مش احنا اتفقنا على كدا .
ـ عز : للأسف ايوا .. ماشي يلا بينا بقا عشان اتأخرنا .

ـ ـ

في القاعه ..

ـ ادهم بحب : مبروك عليا انتي يا حبيبتي .
ـ رقيه بكسوف : كفايه كلام حلو بقا انا مش قدك .. انت بقالك شهرين هاريني كلام حلو و انا بدايق لما مبعرفش ارد .
ـ ادهم بضحك : طب متيجي نرقص شويه .
ـ رقيه : اشطا يلا .

و قامو رقصوا سلو شويه و بعدين المهرجانات اشتغلت و رقيه خربت الدنيا ف الرقص كانت عامله زي العيله اللي لقت لعبتها الضايعه و كانت فرحانه بيها .. و ادهم كان حاسس ان حياته بدأت تستقر يظهر أن الحادثه اللي حصلتلوا بينت حاجات كتير مهمه بالنسبالوا و كان محتاج أنها تحصل من زمان .

ـ ـ ـ ـ ـ

خلص الفرح و الكل راح ل بيته بس عز خد ليله و راحوا شرم يقضوا شهر العسل بتاعهم اللي كانوا مقررين انو يكون بعد فرح رقيه و ادهم و وصلوا هناك بس كان باين جدا على ليله الارهاق ..

ـ عز : مالك يا حبيبتي ؟
ـ ليله : مش عارفا حاسه اني تعبانه و دايخه اوي .
ـ عز : اكيد من كتر الرقص قلتلك بلاش .
ـ ليله بتعب : لا لا انا حاسه اني مش طبيعيه من قبل الفرح اصلا .
ـ عز بقلق : طب انتي كويسه اكلم دكتور ؟
ليله هزت براسها بمعنى لا .
ـ عز : لا انتي باين عليكي تعبانه اوي يا حبيبتي .

ليله حست بدوخه فظيعه و لسه هتقوم حست بغثيان و رجعت على عز ..
ـ عز ف سره : جتك القرف يا حبيبتي ..
و كمل بصوت عالي و مليان قلق
ـ لا انا لازم  اكلم دكتور انتي تعبانه اوي. 

قام كلم دكتور و على م الدكتور جه كان نضف هدومه و نضف الدنيا .. و بعد شويه وصل الدكتور و كشف على ليله ..

ـ عز : طمني يا دكتور هي كويسه ..
ـ الدكتور بإبتسامه : متقلقش يا عز بيه مدام حضرتك كويسه بس دي اعراض طبيعيه جدا لازم تحصل اول كام شهر .
ـ عز بعدم فهم : هو اي دا اللي اول كام شهر ؟
ـ الدكتور : الحمل يا فندم المدام حامل .
ـ عز بعدم تصديق : بجد .. بس احنا لسه متجوزين من شهرين بس .
ـ الدكتور : و اي المشكله يا فندم دي حاجه ب ايد ربنا يعني .. بعد ازنك .