ابيل (طاغوتي)

شرود

بدموع: لك ابني اني گلتلك اسفرك ما تبقى منا ليش هيج تعاند، ابوس ايدك اسمع كلام خالك وروح ويا ما تعرف شيصير اذا تبقى واحنا نعرف كلش زين منو هو وشيگدر يسوي
: ماما الله يخليج تعرفين اني هسه ما اگدر اطلع لان وضعي مايسمحلي بقه كم شهر واناقش رسالتي تعرفين هذا حلمي الي تعبت وسهرت علموده تردين من وره وحده سافله  اشرد مستحيل ولحد يحجي بهالموضوع بعد
" وعافهم وراح لغرفته راگع الباب بقوه، شغل التدفئه كون الجو كان جداً بارد وخالع الكلاو والوشاح الي كان مغطي معظم ملامحه والبالطو الاسود الي كان حجمه كبير انه محاوط لجسده بحيث الي يناضره ما يعرف اذا كان هالشخص ضخم ولا ناعم. وگف گدام المرايه يباوع لنفسه شارد بملامحه * يا رب والله تعبت يعني طول هالسنين كافي خيري شري حتى باجتماعاتهم ما احضر ونوب لحگوني لبيتي ويريدون يهزموني من وره زمهرير* كان شارد لدرجه ما سمع فتحه الباب ودخول جهاد وانتبه على لمسات خفيفه لشعره، التفت: من شوكت انت هنا ما حسيت عليك
جهاد وهو يمسد تحت عين المقابل ويمرر ايده بحنيه على كل ملامحه شارد بالهه الاغواء امامه: ما صارلي  هواي بس شفتك شارد وتحجي ويا نفسك شتفكر
اطلق انفاسه وردد والغصه بصوته: زمهرير جهاد زمهرير واهلها شوكت اخلص من هاي السالفه اضل طول حياتي كل ما اسمع بسيرتهم يلازمني شعور الرعب والهروب اني ما خايف بس على امي وهند الي كل ما يسمعون بذكرها الخوف الي اشوفه بعيونهم يخليني اموت من القهر مرات اگول اقتل روحي واخلص بس منو يبقالهم. جهاد وهو يجر ايده ويحظنه : لا تحجي هيج حبيبي يجي يوم وتخلص هالشده وبعدين تره انت برموش عيوني والله افديك بروحي انت تعرف شنو انت بالنسبه اليه  قطعه من گلبي و قاطعه: لا تكمل جهاد الله يخليك لا تكمل انت تعرف معزتك عندي بس مشاعرك هاي مو الي والله مو الي
جهاد بعصبيه وهوه يحضن وجه ويباوع بعيونه: ليش بس گولي شناقصني انت تعرف مت عمرك خمس سنين وشفتك ببيت زمهرير واني وگعت لك صرت ما انام الليل وعقلي اربعه وعشرين ساعه يفكر بيك لا بيت لا شغل منع تفكيري وتقربت منكم مع انو زمهرير ما قابله لأحد يقرب عليكم وهددتني بس ما گدرت ما گدرت وتريد هسه بعد كل هالسنين اعوفك وبتلكأ وحزن ادري انت مو الي ادري   بس على الاقل خلي مشاعري باقيه الي ميخالف لا تبادلني.
: جهاد لا تزعل عليه بس انت بقيت النا اعرف هاي مشاعرك وما اگدر ادخل وامنعك بس شي واحد حافظ على عائلتك اهم مني ما اريد يحسون بالشي الي اني داحس بي هسه بسبب واحد گواد باع اهله وسافر يتزوج وحده لا اصل ولا فصل وتركنه يم ناس الشياطين تتعوذ منهم.
طلع جهاد من الغرفه وهو رجع انمطل على سريره مغمض عيونه وخطرت بباله " ملاك الله نزله للارض حتى يعذب بي خلقه" يا ربي اذا المفروض اني ملاك واعذب خلقك لعد شو اني الي داتعذب شوكت الفرج مو تعبت تعبت اثناء كلامه ويه نفسه صحى على اذان المغرب استقام من مكانه يتوضى ويصلي يدعي ربه الصبر وقرب الفرج بس ما كان يعرف ان الفرج حيكون قريب جداً.

*الروايه منقوله عن لسان والده الشخصيه دلهم وابن عم والده جهاد واخته هند
* الشخصيات لها بارت اتكلم عنهم بالتفصيل بعد اكو شخصيات من يوصلني الشرح انشرهم
* اعرف انو هيج نوع من القصص حتى لو كانت حقيقيه مرفوضه ومحرمه لكن الواقع ديعرضنا لهيج مجتمعات ونتصادم ويه هيج اشخاص سواء غريب او قريب
* الاحداث حقيقيه صارت من ٢٠١٥ ومستمره لحد الان لكن للاسف ما اگدر اقابل او احجي سواء ويا عزام او  نوفل * الاسماء قريبه للحقيقه* لان حسب كلام جهاد عزام رافض رفض قاطع اي اتصال وي نوفل سواء عائلته او احد ثاني واني لمن قابلت ام نوفل  ب ٢٠١٨كانت كلش تعبانه وحالتها متأزمه بحيث تبجي.وتشهق يم الامام ولمن سألتها ما قبلت تحجي بالبدايه اخذت رقمها وضليت اسأل عليها عرفتني على نفسها وصرنا كلش قريبات وتعرفت على بنتها هند الي صارت صديقتي كلش بدو ب ٢٠٢٠ يسولفون ولمن عرضت عليهم اكتبها بالبدايه تشددو بالرفض  وهسه يلا قبلو اتذكر شهقاتي وحزني واني اسمع هند تبجي و تگول" تعرفين اني عمري ٣٥ سنه ولحد الان ما اگدر اتزوج شكد انقهر من اشوف عائله واطفال سوه والله مو حسد بس انقهر من اتذكر بابا الي عافنا وتزوج وما سأل علينا بعد لو نوفل الملاك الي زمهرير قضت على حياته وبعدته عنا وخلته يلجأ لجحيم عزام والي يبقى جنه بالنسبه للي جان عايشه هنا. جرح وكسر بقلبي تيفان منو يگدر يداوي منووو" اويلي لمن سألتها ليش ما تقبلين تزوجين لعد وتكونين عائله كان جوابها صادم" تحجين صدق تيفان تعرفين مره اجاني واحد نقيب قبل سبع سنين لهسه كلمته تدك براسي يگولي اذا تزوجنا اتمنى ما حد يعرف انتي اخت نوفل او عندج معرفه بعزام ما اريد احد يعايرني بيج او بأهلج ولمن گلتله اذا هيج شكو تخطبني ورجعت تبجي بقوه وعيونها الزرق انگلبت وتريد تطك & يگلي مو زين تره لو ما اعرف جهاد وما اريد توگعين براسه فلا ازوجج اني هم اخاف نسلي يطلع نگس مثل خاله لج تيفان شسوي بروحي بهالساعه اتفل بوجه واطرده لو املخ روحي"
بهالوقت ما اعرف اذا اكو كلام يواسيها لو لا  بعدين عرفت انو جهاد سامع بكلامه للنقيب ورايح هوه وولد عمه مكسىره ببابهم وگايله بالحرف" نوفل واخته تاج راسك وراس عشيرتك گواد مو كل سوالفك يمي ابو الگحاب لو ما انت تدور ذيج السوالف وكم مره طلعتك بس هالمره الا افضحك يم شيخكم وانعل والديك ابن ريتاج الوصخه الرقاصه ووووو ما مخلي علي ستر مغطه"

* طبعا من شوفتني صور نوفل امانه انصدمت يعني ما يمت صله للبشر شايفين مرات من يگولون هذا طفل اخره من جماله يعني صدق ملائكي الشكل حتى من رحت زياره لبيتهم سألت جيرانهم والي كلش ثرثاره" خاله بيت ام هند اخلاقهم اخلاق انبياء وجمالهم جمال يوسف خاله ذوله ناس اخره مو دنيا" وصدق جان عايشين جحيم الاخره بدنيا البشر
* عزام ما اعرف اذا اوصفه بكلمه شيطان قليله بحقه انسان طاغوت لأبعد حد وتصرفاته ويه نوفل ما اعرف تخليني انقهر علي كونه مريض بهيج مشاعر  لو افرح بمعاملته لنوفل الي ما معروف متخذه ابن اله يعوضه ما فاته لو حبيب اله وزوج

..............
...........
.......
.

.
.
.
.

دمتم بخير اعزائي

يا ليتنا ضمنا التقاء  او ليتنا ضمنا التزام"