ابيل (طاغوتي)

منتعش

هيله تگول* بعد الصراع الي اقل ما يوصف بدموي گام عزام واتجه للغرفه اثناء مروره جنب الحراس گال بصوت مسموع: اليوم اريد اسمع صراخ الگحاب يهز المكان وفات الغرفته..... اني وامجد ضلينا واكفين واحد يباوع بوجه الثاني: شصاير معصبه لهاي الدرجه..... ما اعرف امجد توقع علمود شماغ گلب الدنيا حتى سعاد الي يحترمها عود وهيه ربته ما شفعلها وعاط بوجها.... والله هالشماغ وراه سالفه هوه اصلا ما يلبس شماغ حتى بگعدات العشيره عاد مو يشتري واحد ويحتفظ بي يله.... اسكت لا يسمع ويهيج نوبه ثانيه...... باسني براسي وگال يلا حبيبه خير ان شاء الله روحي ارتاحي واني بره اي شي يصير خابريني...... وره طلعت امجد اني ظليت صافنه معقوله الي بالي لا يا رب والله تصير مجزره ومحد يگدر يوكفه " هيله هنا گالت انو چان عندها فكره للديصير خاصه انو مره شافته لازم الشماغ وينفسه بعمق ويحجي ويه نفسه" وليدي، طيفك اختفى وبقت بس انفاسك " ما معقول يتذكر بنيه وبنفس الوقت بحياتها ما سمعت انو يماشي احد ثاني حياته عباره عن شغل وگعدات وشغل واوامر حتى نوم قليل لازم الشماغ ويناجي عبالك يناجي طيف احد"....... ثاني يوم الصبح طبعا ما نمنا من صوت التعذيب ما اعرف يغتصبوهن لو يضربوهن بس صارت الساعه سبعه ونص لهسه اتذكر اسمع قصيده من جناحه قل للمليحه في الخمار الاسود واني ما اعرف اضحك على تغير مزاجه لو ابجي على نومتي تحركت وفتحت الباب ويا فتحتي لكيته لازم كوب گهوه وواكف يم شباك الصاله المطل عالحديقه والي جذب نظري لاف شماغ حول رگبته: صباح الخير.... صباح النور والسرور هيله شلونها نومتج..... صفنت شگله اخاف يتخبل وهو مبين مزاجه فول اليوم: الحمدلله شافني صافنه گال: ها يابه لا تحطين ببالج اليوم اني منتعش بفضل انفاسه...... اويلي گال هيج واني خرطت هذا مبين كلش اليوم زين ما يخاف يسمعه جدي ولو عزام يخاف من منو حتى يخاف جدو...... لگيت الي ددور عليه..... التفتلي ويا ريت منجبه وساكته باوعلي بنظره خرستني وفات گاعد بالصاله الداخليه ورجع شغل الاغنيه نفسها ويدندن وياها......  ما جنت اعرف المصايب القتدمه وره هالنظره
* هند بنفس هذا اليوم كانت گاعده تتريك ويا امها صادف يوم جمعه ونوفل كان يصلي بالجامع...... ماما شبيج احسج ما مرتاحه جاوبتها دلهم..... يمه والله ما اعرف گلبي يوجعني على اخوج خايفه احس شي حيصير اوف بس لو يقبل يسافر.... الله يخليج يوم سدي الموضوع خلينا گاعدين احسن ما يجي نوفل ويتعصب سكتوا لمن سمعوا فتح الباب يعلن قدوم نوفل.... صباح الخير.... صباح النور  نوفل الحبيب تقبل الله..... منا ومنكم صالح الاعمال حجيه شنو هاي مسوين اليوم گاهي منو جابه.... جه قاطعتها دلهم خالك احسان جايب كل واحد حصته..... ها خوش يله مشكور..... اي يوم اني باجر عندي. روحه للكليه  فشنو رايكم اطلعكم اليوم وشويه تنفهون عن نفسكم ما ضجتو من حبسه البيت...... اي حبيبي شويه نسوي غده ونروح للجزيره شنو رأيك.... اي تمام لعد اروح اخلصلي كم شغله.. الحمدلله.... بس صعد التفتت امي وگالت: ولج مصخمه ما تشوفين علاقته صارت متوتره ويا جهاد ليش تحجين.... اهو ماما هسه شگلت تره ما صارت والله نوفل ماذ ادري شبي ويا جهاد خوش رجال ويحاول يغير من نفسيته..... يلا بلا حجي زايد كومي لملمي البيت بين ما اسوي الدولمه يحبه نوفل..... مامي حبيبتي واني شنو بنت البطه السوده" والله لو ادري نوفل هيج يصير بي فلا احجي ويا امي من دلله وتفضله على نفسها" *....... بعد مرور ساعات صارت ساعه ب ١٢ لبسنا وكملنا ونوفل صعدنا بالسياره وطب يقفل البيبان...... اوووو هسه صدق صخام* شفنا جهاد ومرته وجهاله ديطلعون وهم ماخذين وياهم غراض يمكن سفره يبو عليج هند اذا يرحون للجزيره.. صبحو علينا ومرته ركبت وهو ظل يحجي ويا امي  وعين عليها وعين عالباب اخر شي: خاله لعد وين نوفل..... هايوم كملتو.... وشاف جهاد مشه بهدوء وبرود: صبح الخير يله هند يوم وصعد بالسياره شفت جهاد عصب وصار وجه احمر سلم وراح وامي صعدت ساكته..... شغل دعاء كميل لحد ما وصلنا وقفل السياره فرشنا بالحديقه وگعدنا ونوفل من طبينا اعوذ بالله حتى الحراس يباوعون عليه هاي عود لابس كلاو وكمامه ادري ما شايفين لخاطر الله بس للامانه نوفل يجبر الواحد يباوعله مع ان ما مهتم لنفسه ولبسه يخفي جسمه وشكله .... من گعدنا بمكان تقريبا ظلي وماكو هواي ناس بعيد عن الالعاب.... ها هند اذا تردين تلعبين گولي.... امي ضحكت وهوه ابتسم واني غصت بمكاني ادري جاهله: نوفل حبيبي تره اني اكبر منك اذا تريد انت روح العب واني اجي وياك... طگها ضحكه نورت وجه: سامحينا يابه مو القصد..... يلا عفونا عنك ظل مبتسم وشويه وامي صبت الدولمه وجبنا عصائر.... يمه حبيبي انزع الكلاو والكمامه اشو محد ماكو.... باوع يمنه ويسره يلا نزعهم وبين شكله اخذتنا السوالف والضحك بدون ما نحس ساعه صارت ٣ كمنا اني ونوفل وامي ضلت گاعده بالطريق التقينا بجهاد گال: ها شو هنايه..... عاد نوفل فك شويه.....اي اليوم گلت اطلعهم خطيه وانفتحت قريحتهم عالسوالف: لعد وين مرتك ونونو.... بقو گاعدين يم اهلها واني جبت سهم هنا العبه.... ها تمام وطلعو يمشون واني وسهم كدامهم..... شويه وصارت هوسه شكو شصاير.. گالو مجموعه ضباط چايين سفره وهذني البنات گتلن رواحهن ادري الله ما خلق بس الضباط عاد احنا ضحكنا........ طبعا نوفل رجع لبس الكلاو والكمامه من گمنا..... دنلعب مال الاسهم  اني وجهاد ونوفل ما قبل لزم سهم ووكفو على صفحه شويه واجوي الضباط وراهم شله بنات مزعطه عاد جهاد وگفني على صفحه ونوفل ظل يلاعب سهم انتبهت واحد من الظباط ما شال عينه مني اني خفت ولزمت ردن جهاد عاد هو الظاهر انتبه شويه وسمعت ضحكه نوفل: لك عمو ليش هيج عتيتها وذاك يكركر عباله يلعبه اندار علينا نوفل فجأه وانصدم واشوفلك ذوله الضباط وحتى البنات  الوراهم صافنين على نوفل عاد واحد منهم گال يله شباب گافي نروح نتغده هسه كمل الشوي بس شويه واجاهم واحد باوع عليهم وباوع علينه وصاح هذا منو جهاد الگواد..... طگوها بضحكه وجهاد عافنا وراح يمهم.... رجعنا يم امي اني ونوفل وبقه جهاد وسهم يم الضباط شويه واشوف الظباط تقربو من المكان الي گاعدين يمه عزه ذوله هنا يشوون واحد منهم فجأه التفت علينه نوفل ما كان منتبه بس اني انتبهت اشو هذا التفت وهمس لليمه ورجعو كلهم باعو علينا  واندارو يكملون شوي اتذكر واحد منهم گال" ادري يربي انت تخلق واحنا نبتلي مو عبدك ضعيف يم الحلاوه" جاوبه الثاني " حوريه طافره من الجنه" الصراحه تقززت من كلامهم حتى لو يعاكسون بس مو بهيج اسلوب عاد ثالثهم حجه مبين رزن " عيب هاي السوالف عليكم كومه فروخ موجودين  بس لا تندكون بأهل جهاد" هنا تمنيت الگاع تنشگ وتبلعني يعني الحجي موعليه وذوله يدورون استغفرالله الله يطيح حظكم...... عاد شويه وگمنه وهالصلفين يباوعون لنوفل من جوه لجوه عاد طفرت روحي خزرتهم ومشيت....... رجعنا للبيت وحضر نوفل ملابسه لروحه باجر ويا ريت لو ما رايح...............

* مقتطفات
:يبووو ولكم يبووو خابري جهاد بسرعه گليله ندگ على نوفل وماكو
: جهاد الحكنا نوفللللللل
: هاي شنو عزه شديصير
: والله ووكعت تحت رحمه طاغوتي يا قسيم المحيا
: طلعوووو بره خره بالگحاب لحد يدخل
: شلون تقبل شلون
: يا رب اخذ امانتك والله تعبت عصر شفته وقرب وجه خشمه يطخ بفكه... حتى الدعاء ما يساعدك انت صرت بين ايدي وبگلبي ما ينقذك حتى الموت
: بشر شصار
: ضاع بعد من ايدي مثل سبحه وانفلت خرزها