مثل ما ذكرت قبل الوصف والشخصيات حقيقيه لكن اسماءهم تم التلاعب بها لاسباب شخصيه تخص اهل القصه طبعا كانو ساكنين ببغداد وبعد سفر نوفل رجعو للبصره يم اهل ام نوفل وب ٢٠١٧ رجعو لبغداد
+نوفل" ابيل" عمره حاليا ٢٨ ماجستير هندسه زراعيه وحاليا يدرس دكتوراة ذكي جداً طوله ١٦٥ وجه مملي بنمش خفيف بعيون مسحوبه اليمين عسلي واليسار ازرق مطعم باخضر زمردي ورموش طويله وجسم ممشوق هند تگول" قبلات ملائكه صغيره موزعه على جانب فكه ورقبته بشكل مغري اني بنيه ما عندي منهن كنت اگول لامي انتي من خلفتي نوفل انطيتي الصفات الحلوه كلهن واني ما اخذت بس العيون الزرك والبياض؛ كانت بشرته مو بيضه ناصعه انما حنطيه فاتنه، اويلي زمهرير شكد چانت تغار منه بسبب شكله او بالأحرى نسوان وزلم حاقده عليه بسبب شكله الي چان على امي واهلها مو عليهم" تگول خالي چان ياخذه للصلاه وياه من عمره سبع سنين وظبطها وهوه عمره ثمانيه وهوه بعمر ال١١ يحضر حلقات دينيه وكل ما يرجع يگعد يسولف لامي ماما اليوم هيج تعلمت دعاء او اليوم حفظت جزء من القرأن والاستاذ گلي عفيه يا ذكي انت مستقبلك باهر وحتخلي اهلك يفتخرون بيك عاشت ايدهم على هالتربيه ومن صار عمره ١٥ اتذكر جمله لهيه ببالي " ام هند انتي امي وابويه انتي السند الي عسانا ما ننحرم منه اني افتخر من يگولولي عاشت ايد ابوك على هالتربيه واني اجاوبهم امي هي الربتني هيه ابويه وامي" ما شفته بحياتي ضعيف الا................ حسبي الله ونعم الوكيل عليهم
انسان فده اهله بروحه يستحق كل الاحترام والقبول
+عزام" الشيطان الطاغوت الوسيم " على گوله هيله بعدين تعرفوها: عمره حالياً ٣٧ انسان بارد مجرد المشاعر قاسي وعنيف يشوف كل النساء گحاب لاشباع رغباته حتى امه ما يحترمها ويعتبرها انسانه زباله وابوه مات حسب الي عرفته من عمره ١٠ سنين وجده الي رباه وهو الوحيد الي يحترمه خريج كليه هندسه قسم معمار وبعدها قدم.... كان... والي عرفته قبل سنه ترقه لرتبه ثانيه.... اشغل ٥ سنين بوزاره.... حسب كلام هند تگول انو هو على طغيانه بس تحسين الله جامع كل الرجوله بيه بحيث اني ضجت وكلتلها" بربج ماخذ اخوج ومطيح حظ العائله وتمدحين بي" جاوبتني" بس الامانه خرب اهله كلش حلو" طوله ١٩٠ كتافه عراض كلش وايده يمكن اذا رگع واحد بوكس يطيره لدوله ثانيه عيونه سووود ظلام يغرق الشخص بيهم شايفه ذوله الي يكولون عنهم طويل القامه عريض المنكبين وسيم الملامح مثل الالهه اليونانيه واني اضحك على وصفها " من اجه وشفنا اول مره والله عبالنه وزير او شي لان اسطول السيارات والزلم الي نزلت منها جان عددهم هائل فوق العشرين سياره كلهم لابسين اسود ومغطين وجوهم بس عينهم ظاهره طلعوا جايين على بيت قائد الي مقابيلنه" قائد هوه شخص مهم يشتغل بالا...... قسم الم..... " بحيث دلهم بوقتها كايله الهم والله هذا لو يخطب هند انطيها وانطي مهرها مني فوكها.
دلهم* ام نوفل هالمره ما اعرف شنو اگول عنها بس ورده مال الله شنو من جمال شنو اخلاق ونزاكه ورقي بس الله يعينها على فراگ نوفل والي شافته من زمهرير ورجلها الكلب وجها منور ابيض ناصع وعيون بلون العسل حاليا عمرها ٥كانت وما زالت داعمه لعائلتها ومحبه الهم مره خابرتها تبجي " خاله اشتاقيت لنوفل ما اگدر اتحمل بعد وعزام قاطع ويانا يگول اخاف يسمع منكم شي وحالته النفسيه بالگوه عدلتها وطلعته من ايطار زمهرير الگحبه"
هند * الاخت الجميله الطف ما خلق ربي يعني شنو احجي عن وحده هلگد تحملت وسمعت اشكال الوان بس صابره دائماً تگول" اني واثقه من عوض الله حتى لو يتأخر " جمالها مريح للعين وجه طفولي على الرغم من الظيم العاشته وعيون زرگ مثل امواج البخر احس بيهم هيجان وانتظار ما معروف شنو نهايته
جهاد عمره حاليا ٤٠: بعيدا عن مشاعري تجاه ميوله ومشاعره لنوفل بس اصدق انسان شفته بحياتي طبعا ميوله ما عرفتها غير قبل سنه ونص من داحجي ويه هند وگالتلي عنه بعد ما شايفته يبجي بشكل غير طبيعي فبوقته مو بوعيه جاي شارب وحاجيلها كلشي عن اعترافه ورفضه من قبل نوفل. طبعا هوه طبيب بال.... ، اني من شفته ويا عائلته ما صدگت لان اليشوف حبه الاطفاله وكلامه ويا مرته ما يصدگ هالشي بس يجوز سمع نصيحه نوفل.
هند تگول " بعيدا عن مشاعره واعترافه لنوفل بس لو امي مخلفه ولد ثاني ما كان اعتمدنا علي مثل ما هسه معتمدين على جهاد" اتذكر قبل شهرين شفته گلي " تدرين نوفل سوه برامج من غير رقم حتى يتواصل ويانه بس عزام معاقبه وماخذهم ومرجعهم قبل اسبوع وگايله" اذا هالمره صارلك شي او رجعت نفسيتك لقبل ارجع احرگ اهلك واهل الگحبه زمهرير تتواصل بس ويه هيله وتوصل اخبارك الهم تريد تحجي ويا اهلك بس گدامي" الله يهدي لعائلته
هيله* صديقه هند وقريبه لعزام قبل فتره تعرفت هليها تگول والله لو عزام يدري بيج تكتبين عنهم يجي يشگج انتي واهلج بحيث زعلت ورجعت راضتني" لتزعلين تيفان بس غير اخاف عليج"
* اخذ گلبي وروحي وعقلي بس بقيلي عيوني الي اشوفك بيهم نارك جنه وجنتهم نار *
YOU ARE READING
ابيل (طاغوتي)
General Fiction"لكل أولئك الأثمين، سقوطهم من الجنه هو فقدان نعيم الرب وفوزهم بنعيم الجحيم " مو كل الملائكه بعد سقوطها تبقى ناصعه البياض ولا كل الشياطين تبقى باجنحه سوداء *هيتروكروميا كانت سبب تحول حياته إلى جحيم كأنو الرب حكم عليه بابتلاء ما بعده فرج : والله ووكع...
