بسم الله الرحمن الرحيم
صلوا على سيدنا محمد "ﷺ"
ـــــــــــــــــــــــــــــــــــــــــ
بعد إذن رِقَّة سمارِك تيجي نشرب فنجان قهوة؟!
ـــــــــــــــــــــــــــــــــــــــــــــــــــــــــــــ
- إيه؟ طيب هو كويس؟ طيب كلمتوا حد من أهله؟
"تحدثت كنوز بخوف"
أجابتها السكرتيرة:
- ما تخافيش هو كان جانب البيت وهمَّ خدوه.
أخرجت "كنوز" زفير براحة:
- طيب الحمد لله.
أردفت "همسة" بهدوء:
- خلاص يا كنوز احنا هنمشي نشوف في مكان تاني، وربنا يطمنكم على أستاذ بدر.
قالت "كنوز" بإِبْتِئَاس:
- طيب ما تستني وتيجي بكرة.
اردفت "همسة":
- ما أنتِ عارفة إنِّي مش هينفع أقعد كدا وإن شاء الله ألاقي شغل وأشتغل، وكمان علشان مش هينفع أفضل قاعدة عندكم، كل بيت وليه خصوصيته.
- إيه يا "همسة" الكلام دا أنتِ عارفة يعني إن فيه بينَّا الكلام دا! وبعدين أصلًا كل اللي في البيت بيحبوكي ومحدش متضايق منك!
ابتسمت بحب قائلة:
- أنا عارفة إن مفيش بينَّا الكلام دا، وإن محدش متضايق.. بس أنا مش مرتاحة إني قاعدة معاكم ومشيلاكم همِّي، وبعدين چوري كمان مش حابة تقعد؛ فعلشان كدا هنشوف شغل، وإن شاء الله نلاقي، وبعدين نشوف شقة.
نظرت لها "كنوز" قليلًا:
- أنتِ عارفة إني بحبك وكل اللي هاممني إنك تكوني بخير ومرتاحة وبعيدًا عن كل دا.
قالت بابتسامة:
- ربنا يحمينا ويرزقنا، وإن شاء الله نلاقي شغل و..
أوقفتها قائلة وهي تشرح الوضع:
- طيب بُصي ممكن تخلي چوري تشتغل معايا أنا، ومش هيبقى فيه مشكلة، ومش هيرفضوا لكن أنتِ هتشتغلي مع أستاذ بدر علشان كدا ما ينفعش نعمل دا من غير ما تعملي مقابلة."
ردت قائلة بتفهم:
- خلاص مفيش مشكلة خلِّي چوري تشوف.
قالت چوري بضيق قليلًا:
- احنا جايين علشان أنا وأنتِ نشتغل مش علشاني لوحدي!
ابتسمت وقالت:
- يا حبيبتي احنا لقينا شغل ليكِ، جرَّبي مش شرط نشتغل مع بعض، ومش شرط نتقبل احنا الاتنين، ويمكن دي إشارة من ربنا؛ فاتوكلي على الله وجرَّبي."
قالت بحب واحترام:
- حقيقي مش عارفة أقول لك إيه؟ أنتِ بجد جميلة وتستاهلي كل خير، وإن شاء الله تلاقي شغل كويس.
قالت بحب:
- إن شاء الله يا حبيبتي، وإن شاء الله ترتاحي في الشغل هنا، وأنا معاكِ اتصلي بيَّا لو حصل أي حاجة، وما تخافيش من أي حاجة.
اردفت چوري:
- إن شاء الله وأنتِ كمان اتصلي بيَّا وقولي لي هتعملي إيه؟
ردت همسة قائلة-:حاضر.. أنا همشي دلوقتي علشان تشوفوا شغلكم، وأنا هشوف أي شغل وأنا ماشية.
YOU ARE READING
رحلةْ هارِبة
Mystery / Thrillerالحيَاة مَلِيئَة بِالتَّحدِّيات فَحَياة بَطلتِنا مَلِيئَة بِالْجروح، فموْتُ وَالدِها وَهُو أعزُّ مَا تَملِك والْهروب مِن أُمهَا وَلكِن يُعَوضهَا اَللَّه فِي النِّهاية وأيْضًا حَيَاة بطلنَا مَلِيئَة بِالْهموم والْحروب وَدخُول بَطلتِنا حياته هَيَّا ا...
