رحلةْ هارِبة

|11| الْابْنُ الْحَقِيقِيُّ

بسم الله الرحمن الرحيم
صلوا على سيدنا محمد "ﷺ"
ـــــــــــــــــــــــــــــــــــــــــ
لا تدع الظن يسيطر على عقلك وتفكيرك، استفهم الموضوع قبل أن يبدأ الظن باحتلال عقلك، فبعض الأحيان يكون الظن سببًا لظلم أحدًا.
ـــــــــــــــــــــــــــــــــــــــــــــــــــــــــــــ

صعقت آية ورمشت بعينيها عدة مرات غير مصدقة لما سمعته، وتقدمت بجسدها للأمام؛ لتستند بمرفقيَّها على ركبتيها في تركيز، وتوسعت عينيها قائلة:
_ أنت بتهزر صح؟ قل كلام غير دا يا بدر، أنا مش بهزر على فكرة ومتضايقة منك علشان هتخليه يسافر

تخللت أنامله خصلات شعره السوداء وأطلق تنهيدة محملة بالحزن مردفًا:

- أنتِ شايفة إني بهزر؟

طالعته وهي تحاول استشعار النبرة الصادقة في حديثه، وتقابلت عيناها مع أعيُنهُ التي ترقرقت بداخلها الدموع الحزينة، فأردفت بعدها بحزن:

- يعني إيه الكلام دا؟ وحصل امتى؟!

نظر لها وهو يتنهد بحزن ولا يقدر على وصف ما تسبب به وأردف بغضب:

- بقى له شهرين عنده وأنا ماكنتش أعرف، وهو كمان مايعرفش حاجة.

صمتت لوهله وهي تحاول استيعاب ما يقوله، كيف؟ هل صديق عمرها مريض ولا تعلم! نظرت له بصدمة ولم تقدر على تفوه أي شيء، وبعد فترة من الصمت قطعته قائلة:

- يعني إيه مايعرفش؟ ازاي، وأنت عرفت منين؟ رد عليا.

صمت ولم يعرف ماذا يقول لها؟ كيف يوصف مقدار حزنه وألمه الشديد بسبب مرض أخيه؟ أجابها بدر بصوتٍ عالي ونبرة حزينة:

- عنده.. عنده حاجة اسمها Acute Myeloid Leukemia يعني سرطان الدم ونخاع العظم، بقى له شهرين عنده وهو مايعرفش.

امتُلِئت أعين آية بالقهر والدموع وهي تنظر له نظرات حزينة غير مصدقة لما يحدث؟ أجابته بصوتٍ مشوش وغير مصدق:

- يعني إيه؟ إيه المرض دا؟ قل لي حاجة! جه ازاي ومنين؟

تلاقت أعينه مع أعينها التي تنتظر تكذيب ما يقوله ولكنه أجابها بحزن وندم شديد:
- جالة بسببي أنا، أنا السبب يا آية

حتمًا ماذا يقول؟ الصدمات تسقط واحدة تلو الأخرى، كيف يكون هو السبب في مرض أخيه؟

صرخت به قائلة بدهشة:
- ازاي أنت السبب؟ قل لي حاجة!

صرخ بها وهو يردف بعدما كتم بداخله الحزن ولكنه قرر أن يخرج ما قلبه الحزين وأردف:

- المرض دا جاله من فترة, تعب فجأة وكان بيشتكي إن معدته وجعاه وإنه مابيقدرش يكمل الأكل ودايمًا بطنه تتملى ويقول مش قادر أكمل, علشان كدا قلت إن عمر فيه حاجة؛ لأنه دايمًا بيحب الأكل وبياكل كتير وأنا السبب؛ لأن أنا دايمًا بشرب سجاير وهو صدره ماكنش بيتحمل، بس أنا كنت بقعد معاه أغلب الوقت والسجاير جواها بنزين والبنزين دا سبب من أسباب إن جاله... جاله سرطان.