#قيود_العوف
بقلمـَي: ريتـَا
أنة وياك
چَنت الرُوح بالرُوح
و أنة بلياك
ويَن روُيحتي تروح ؟
لتنسون التصويت + التعليقات بين الفقرات قلبي 💚
شبابات صوتوا دوسوا علىٰ النجمَة 🤏🏻
<________________________>
"منار"
گاعدة علىٰ الكرسي وسَاندة راسَي علىٰ أيدي والهوىٰ البارد يلفَح وجهَي خشَمي احمر وأيدي باردة رجفة تسَري بجسمي أثر برودة الجو
صافنَة وعيوني دتتنقل بيَن الناس الدتمَشي شيء لازمة ايَد حبيبَها
وشيء لازمَة أيد زوجَها وشَيء لازمة أيد صديقتها
تركزت عيَوني علىٰ هَذي المسَكة بالذات غمضت عيوني
واخذت نفس شايل حسرة وقهرة وهم كبير علىٰ صدري
دمعت عيوني ورجفت شفتي وهمست اووووف يااا جُمان اوووووف وينج أنتِ رجعت راسَي ليورا ورجعَت ذاكرتي لهَذاك اليوم المشؤوم
*عودة لـ برهة من الزمن*
لازمة الجهاز بأيدي وافتر بيَه وكُل شوي اتصل وماكو ومتصَلت عليه
گالت بس اوصل أتصل عليج وينها لعد مَرت ساعَات واني بيَن القلق والتفكير
- صَرت اللوب بمكاني مو من عوايَدها شنو زعلانة مني ....! احد محاچيها شكو ....... اجت بَراسي الف فكرة وفكرة رجعت خابرتها وهم ماكو مديتصل ابدددد جهازها مغلق
اخذت نفس وگعدت اضرب رجلية بالگاع ومتوترة
اجانِي احسَاس مو حلو وماگدرت اتغاضىٰ عنة
كُل شوية افتح الموبايل وماكو اي رسالة ماكو اي خبر منها
مگدرت اصبر اكثر رحت بسَرعة لأمي
-منَار: جُمان ماكو داتصل عليها مُغلق من راحت لهسَة !
جاوبتني بعدم اهتمام وگالت..
-يجوز مخلص شحنها
-منَار: ماما شحن ساعات داگول ساعات من المغرب !!!
- احتمال شبكة متتوفر عندهم بالبيت شبيج هيج خايفة منار
خليَت ايدي علىٰ راسي اتوترت انرعبت جسَمي رجف حسيت جُمان بيها شيء ماا ارتاحيت وماگدرت ارتاح اخذت نفس وگلت الهم
أنت تقرأ
قيود العوف
Romanceرجلٌ شرسٌ شُجاع مُتقلبُ المزاج غريبُ الطورِ عديَمُ المُشاعر حيَادي لا ينحاز سَديدُ الرأي رابطُِ الجأَشِ وثابِتُ القلب حتىٰ.. وقعت تلك الجميلةُ بين قيودهِ لكنها ليست كـ أي قيود.. وهي ليَسّت كـ اي جميلة.. بَل هي كـ اِنقِباضة القَلْب ورَقْصة المَوْ...
