قيود العوف

Part 48

#قيود_العوف
بقلمـَي: ريتـَا

هلا يـا روح گـلبي ولذة عيوني🩶..

احتاريت بالشعر ألي ابدي بيه البارت بس انا شفت كلام بطلي يُعتبر بيت شعري لذلك أبتديت البارت بكلامة 🥳.

لتنسون التصويت + التعليقات بين الفقرات + متابعة حسابي قلبي ❤️‍🔥

شبابات صوتوا دوسوا علىٰ النجمَة لتنسون مُهم🤏🏻
________________________________

طلعنا من المركزة جريت نفس يا الله هسة أحس نفسي جاي أتنفس طبيعي ربي يستر من المراكز والجو الي بيهن يخرطن العافية منك الحمدلله ربي ماتركني وظهر حقي ..

مشيت وراه ابتسَمت ابتسامة واسعة ماخذ كُرسي ماما ويمشي بيه ويسولف وياهة وأسمعة يضحك رغم كل التعب الي واضح علىٰ ملامحة بس شفتة من ألقوا القبض عليه شلون أرتاح بنص تعبة ..

سرعت مشيتي وصرت يمهم وصلنا للسيارة صعدنا ماما طبگ كُرسيها وگفت منتظرتة خلا بداخل السيارة وسدها ألتفت وباوعلي ضحك وميل راسة فتح ألي باب السيارة وهمس ..

-صعدي يالشالعة گـلبي ومتدوهن بيج

-سيدي العلم

-بعد روحة

-ههههههههه تسلملي

-اخخخخ شلون بالعيااارة ااخ

صعدت وسد الباب وهو يباوعلي ونظراتة تريد تاكلني اكل عيونة ولمعتهن الاحبها وهو يباوعلي تاخذ روحي وگـلبي مني ..

ربي خلا هذا الشخص الحنون بطريقي الي يحبني بحنية وبروح ومشاعر حقيقية سلبت كل ذرة تردد چانت عندي تجاه الحب والمشاعر والعلاقات العاطفية بصورة عامة ..

أعترف اني عنيدة وراسي يابس وإذا ردت أسوي شيء أسوي وما أهتم بس بعدين يله أشوف وأدرك عنادي وين يوديني وبكل مرة محبوبي الأملح الأجلح يكون واگف يمي ويسندني وفعلاً شفت وأتأكدت يحميني بروحة مثل ماگال ..

اليوم بالذات أتأكدت أنُ اني وراي سند يهد حيل الي يفكر يوصلني لو يطخني بالغلط حتىٰ "عوفي" ..

-أمل: حبيبي وليدي ماعرف شنو احچي لو شنو أسوي حتىٰ اوفي حقك وسندك النة و وگفتك ويانة والله الكلمات كلها متكفي

باوع إلها من مراية السيارة وأردف ..

-عوف: هذا الحچي يزعلني منج ام جُمان لأن ينحچي للغربة احنة اهل انتوا بنص عيوني ..

-أمل: عساهن سالمات يبعد عيوني انتَ كفو منك ومن الأصيلة الي خلفت زلمة سبع وشهم مثلك انتَ ينشد بيك الظهر وكت الشدة يوم ..

-عوف: هذا من طيب أصلج

-أمل: عيوني عيوني وليدي

سكت لدقائق كمل طريقة وهو يسوق بعدها أردف وگال ..