قيود العوف

بـارت هديـة

#قيود_العوف
بقلمـَي: ريتـَا

يَـ صوتي وصاحبي ومرآيتي ومعناي..
يَـ الما عندي غيرك ناس .

هذا بارت بيه احداث جديدة ضفتهم ويه احداث عرس رغد الي قارين احداث عرس رغد ينزل جوة اكو كم حدث لطيف انضاف .

لاتنسون التصويت + تعليق ومتابعة حساباتي

<_______________________>

فتحت عيوني بعد النفس العمييق ألي جريتة بحماس ، بلشت الأغنية وبدأ الباب ينفتح ، هدأ الكل واعتلىٰ صوت الاغنية الصاخب كُل المكان وأمتزج بصوت أنفاسي السريعة انرسمت ابتسامة الفرح واليوم الحلو علىٰ وجهي رفعت مسكتي لزمتها بأثنين أيديا وتقدمت بخطوات يملؤوها الفرح والسعادة للأمام والمصورات گدامي يوثقون خطواتي لحد أخر خطوة علىٰ السجادة الحمراء...

وگفت وانداريت بنظراتي علىٰ أمي جميلة عيونها مدمعة أعرفها جاي تتمالك نفسها بالگوة لخاطري بس داخلها معتصر لفراقي .. درت وجهي من بدت الأغنية الحماسية وأرتفع صوت الديجي أعلىٰ واحتل القاعة أحتلال ويه أصواتهمم...

-تعاااالي تعاااالي

تقدمت تساعدني بالگعدة علىٰ الكوشة جُمان بطلتها الي الأنظار كلها تحولت عليها بفستانها الأحمر المفتوح من جهة الصدر ومن جهة الفخذ اليشع ويه لون جسمها وجمال ملامحها الفاتنة ، هذا الفستان آلي اسبوع مداهر هيه والعوف عليه وكل العركات صارت بيناتهم بس بالأخير مشت حچايتها ولبستة منتصرة طبعاً...

-شكراً حبي

-جُمان: انچبيي حُبي

ضحكت واستقريت بگعدتي وهيَ ترتبلي بالفستان وبالمكياج وبالتسريحة وانا صافنة بيها علىٰ الجمال الشايلتة اذا انا وخيييلت عليهااا ههههههه هنييييااالك ابو العوف هنيالك..ردت أشكرها مرة ثانية بس سكتت حتىٰ لا تخليني انچب للمرة الثانية اي اي هاي جُمان تكره الرسميات تموت منهن حتىٰ بالشكر ودائماً تگول المواقف الحلوة ومساعدة الناس الي تحبهم عيب الشكر بيها لأن واجبب علييك...

نزلت نظري لفستاني الأبيض بفرح غامرني ، رفعت أيدي بعدت غرتي الي نازلة علىٰ جبهتي ابتسَمت ابتسامة واسعة لنفسي بهلطلة وفستان يوم زفافي الي صدگ ينگااال عنه يووم العمر أحلىٰ يومم بحيااتي..